-فرح
علاقتي مع زايد تطورت من بعد شهرين اعترفنا لبعض عن حبنا و للاسف طحت بفخ العاشقين و ابتسمت الايام لنا بس طبعا هذي هيه بدايه بعد استمرار العلاقه لمده ست اشهر بدت الاكذيب تظهر كان متغير علي و يسكر عني اللوكيشن و يسحب بالايام و بس يطرش ستريك سالته ليش و كان عذره ابد مب مقنع و ع اساس انه مشغول و كنت اشوفه يطلع و يروح بس م تذكرني وهني بديت اشك او بالاحرى تاكدت انه شي بديل الانه الي يحب عمره م ينسى حبيبة و يحاول و يجازف الكل عشان بس يكون مع الي يحبه و هني انتهزت الفرصه و قلت له عن قرار الانفصال بس رفض و تم يحلف انه يحبني و يباني بس هذا كله كلام شو استفيد من الكلام وين الفعل ؟ بعدها بايام رجعت علاقتنا نفس قبل بس نفسه زايد يطلع اعذار ما تخلص مرت وراها حوالي عشر شهور من نعرف بعض و اليوم الي قررت اني انفصل عن زايد بنفس اليوم كنا متضاربين او بالاصح خلقت اي مشكله بيني و بينه عشان اهده م اروم اكمل بعلاقه دومي انا ابدر و شخص اصلا مب مهتم بشي ليش اكمل و اهين نفسي بعلاقه ع الفاضي و فعلا زايد من اول مشكله قرر الانفصال و انفصلنا و خلصت قصه حب دامت بحلوها و مرها ما اخفيكم اني وايد زعلت و تاثرت دموع الي اثرها ع المخاد و جدران غرفتي الي شهدت ع صياحي و كانه مات لي حد زعلت وايد و صحت وايد بس مع ذالك ما خليت شي يكسرني او ازعل الانه لو كان خيرا لبقى و غير هذا البدايه التي لا ترضي الله نهايتها لا ترضي النفس .
شرينا :-
بكذا يوم رحت تجمع بنات و احدا الشاليهات و كنت اصور اطرش فقربنا الي فانستا و انا اصور فجاءه راشد كان يكتب لي و كان يطلع لي اسمه ف suggest n و بلغلط طرشت صورتي لراشد رحت ابي امسحها بس وين امسحها و هو شافها و كبجر عليها سالته ليش كبجرت قال بلغلط قلت له اذا سمحت امسح وقال تمام رحت ارمس لمى و خبرتها الموقف و قالت هيه اكيد بيمسحها و حلفت انه مسحه في احساس داخلي انه ما مسح عدة هالموقف و بعدها بثلاث تيام تضاربت معاه ع سبب الصوره و بعدها انقطع تواصلي معاه و مع لمى تضايقت الانه تضاربت معاه و انا الي طلبت انه ننفصل ، و بنفس هالفتره كنت اواسي فرح و فرح تواسيني عشان نتخطى .
فرح -
بعد اسبوعين من انفصالي من زايد كنت طالعه يومها رايحة دبي مول و كنت نفس الوقت مغصوصة و حاسه انه هالطلعة فيها شي و طلعت بهالطلعة كنت مع خالتي و رحنا المول و تمشيت و تشرينا و اخرتها كنت طالعه من احدا المحلات و لمحت ولد عم زايد (كيف عرفت انه ولد عمه زايد كان يصوره فسناب و يخبرني عنهم ) و هني قلت بنفسي يارب ما اشوفه كل ما مشيت حصلت عيال عمومته الثانين و تاكدت اني بشوفه حاولت اكون طبيعيه و ما اتاثر ، خالتي اقترحت انه نروح مطعم Asma و نتعشى و مشينا و انا مشيت شفت زايد من الطابق الي تحت و بعدها مشيت صوب الدري المتحرك و هني انصدمت شفت زايد و عينه بعيني و صديت عنه و سويت نفسي طبيعيه دخلنا المطعم و دقت علي امي تطمن الانه تاخرت عن البيت و طمنتها بانت علي ملامح الحزن او الغصة و سالتني خالتي شفيج قلت لها لا ما فيني شي خل ناكل بسرعه الانه الوالدة تترياني و حرام اخليها ع اعصابها ، فعلا كلنا و خلصنا و رديت البيت و ع ردتي البيت كانت الساعه 12:45Am و دخلت غرفتي بسرعه و انهرت صياح ما تحملت اشوفه رحت تسبحت و بدون لا احس من كثرت الصياح و الحراره الي بجسمي تسبحت باعلى درجة حراره من الماي ( درجة حراره الماي وايد عاليه ) و ع الانهيار الي انا كنت فيه خلصت و توضيت و صليت لي ركعتين و دعيت ربي و بهاللحظة كنت ادعي ربي من كل قلبي و طلعت كل الي بقلبي و قلت لشرينا ع كل الي صار و قالت قوي ايمانج و بتنسينا و كانت تشجعني كل م حزنت ازيد ايماني .
شرينا
من بعد سالفه الصور ظل الشك وراي لو م مسح الصوره و الطرشه احد ؟ لو نشر عني شو بتكون سمعتي و كلما فكرت فالموضوع زادت شكوكي و صدق حسيت لازم اتصرف عشان م اخلي هالشي يصير و بالاخص انه عايلتنا محافظه نمت يومها من كثره التعب و التفكير ، اليوم الثاني نشيت و كل نشاط و طاقه رحت تمرنت فالنادي و رحت الصالون اعدل اظافري بوقت الي كنت انتظر فيه دوري كنت فاتحه تيك توك و طلع لي فيديو لاكونت كنت مسويلتله فولو و محتوى الفيديو هو ( اذا حابين تفضفضون لحد و شي مضايقنكم رمسوني انستا ) سالفه الفضفة و غيره من هالنوع من الناس دخلت الحساب و عرفت من خلاله انه الاكونت لمى شكيت بالحساب و بالاخص حساب الانستا و البايو و اسلوب الكلام كله يدل ع اسلوب راشد و هني حسيت في شي غلط و لازم اكتشفه
المحادثة
شرينا : تخيلي شو صار لمى حاطه فاكونتها التك توك ( اذا حابين تفضفضون لحد و شي مضايقنكم رمسوني انستا ) اسلوبها و البوستات عندها شرات راشد احس في شي غلط و احسه راشد و لمى مب ربع اهما اثنينهم نفس الشخص
فرح : تصدق او لا تصدق تدرين شو بدال ما هالشك ليش ما نتاكد احسن الانه (ان بعض الظن اثم ) عندي اكونت fake مخلته حق المدرسه و عليه يوز جي اي كلام و شي فولور احس محد بيعرف و رمسي راشد و لمى منه و شوفي كيف
شرينا : تمام عيل باخذ الاكونت من عندج و بروح اقول لمى اني حصلت هذا البوست في تيك توك و بألف عليها و صح لازم اتاكد من توقيت الرد بينها و بين راشد الانه المفروض حاليا راشد يكون في سكن الطلبه الانه يدرس بمدرسه داخلية
توضيح
المدارس الداخليه نادر وجودها فالدولة و غالبيتها تكون موجوده بمدارس خاصه و رسومها غاليه الانه اوفر سكن للطلبه و نظام و ينزلون عند اهليهم كل اسبوعين او اسبوع ع حسب المنطقه و الدراسه الي عندهم
خلصت المخطط مع فرح و فعلا رحت فتحت اكونتها من انستا و رمست لمى طبعا الاكونت ابدا م يدل على انه فيك اكونت او غيره و عشان ما اثير الشك باسلوبي خليت فرح هيه الي اكتب باسلوبها عشان يبان الاختلاف و انا شغاله ارد عليها
فرح -
مثل ما قالت لي شرينا رحت كتبت حق لمى و عساس اني وحده من هالبنات الي شفت الفديو المنتشر المكتوب فيه إذا احتجتو تفضفضون لحد و من هالكلام و أنا ارمس لمى مادري ليش كان ايني شعور و كانها انسانه ابد مب مريحه خفت من شعوري هذا لا يكون صدق فقررت و أنا ارمس لمى و اشكي لها ادور لي اي قصص من خيالي عن حياتي بس طبعا القصص الي كنت أمثلها عليها (على لمى) قصص ابد ما صارت كلها من وحي خيالي عشان ما تاخذ اي معلومة حقيقيه عني و طبعا اي شي كنت اكتبه بتصرفاتي كنت اخذ راي شرينا الانه ابخص و فكرتها من الاساس و مخططتها
شرينا-
كنت ارقب لمى و تصرفاتها و حركاتها حتى يوم كانت ترد علي كانت تتأخر برد و تتعذر يعني ترد بأيام و الأسابيع و أعذارها كانت تشككنا فيها بشكل مبالغ و بين ما كنت اتفق أنا و فرح ع الكلام الي ينكتب و قصص عشان لمى تصدق اقترحت اني اكتب قصتي و المح لها عن راشد بس طبعا اغير باشياء عشان ما انكشف يالست اقول للمى انه انجرحت من واحد حبيته و خذلني و كم كلمة مني مناك تكسر خاطرها و حليها هالمى .
