جوهرة عيناه

بارت ٣

جوهرة: وصل اتصال الرحيم
رحيم: الو منو وياي؟
شخص: رحيم قصي وياي!
رحيم: اي نعم تفضل
شخص: رحيم انت مؤهل لمنحة خارج العراق ولازم تجي لو ننطيها لغيرك
رحيم:(بكل فرح وحماس) لا لا لا اجي ليش ما اجي
شوكت تريدني اني حاضر
شخص: باجر الصبح ان شاء الله
رحيم: تمام

pov رحيم
كمت من الفرح حضنت جوهرة واتصلت بابوية
كلتله يابه عندي منحه شوكت ترجع لديالى..؟

انتهى الاتصال

جوهرة: رحيم شوكت يرجع بابا اذا انت راح تروح؟

رحيم: اليوم ب١٢بالليل هسه انتي اتغدي واني كايم احضر غراضي للسفر

جوهرة: انت مراح تتاخر عليه؟(غصة)
رحيم: لا حبيبتي لا تبجين ما اتاخر عليج هيه كم شهر وارجع...

جوهرة: تمام...

عند الساعة ١٢ ليلاً

صوت رن الجرس...

جوهرة: هذااا باباا اجهه (بحماس)
رحيم: اي ولج

قصي: وين جوهرتي...؟.؟
جوهرة: هياتني بابا

pov جوهرة
ركضت حضنت ابويه وانطاني عروسة بايده كلي هاي
الج... والفرحه شاكه وجهي😞

رحيم: هلو يابه شلونك؟
محمد: ولك يابه مشتاقلك حيل

قصي: اني هم

علي: هاي شنو واني محد معبرني!؟ ولا عبالك اخوكم الجبير....

رحيم: انجب ولك طبعا اشتاقلك...

علي: اي طبعا شحدك متشتاق الي...؟

رحيم: يله عيوني اني استودعكم الطياره بعد ساعه تقريبا واطير...

قصي: الله يوفقك ابني بس مكلتلي يا دولة؟
رحيم: الاردن

قصي: يله خوش روح بس كل يوم اتصل بيه طمني عليك

محمد وعلي: يابويه رحيم راح نشتاقلك كلش

رحيم: لا تصيرون نسوان وحساسات شبيكم شويه وتبجون قابل ماخذين جثتي وادفنوها..

علي: امداك اي والله انت مو مال هيج دلال

محمد: اتفق والله

رحيم: اي ديله هسه شلونكم علساس.... تعالي جوهرة احضنج لان راح اشتاقلج

جوهرة: رحيم راح اشتاقلك جيبلي وياك حلويات

رحيم: صار بعيني...

pov جوهرة
سديت الباب وره رحيم
وجاي اريد اصعد ابويه شاف الحرق الي بايدي
وكال....

قصي: جوهرة تعالي يمي شكو شصاير ورايه شبيها ايدج؟؟

جوهرة: ها لا يابه ماكو شيء

قصي:(بعصبية) جوهرة احجيلي شصاير ولا تخافين