Anda Saya (You & Me)

Chapter - 1

"Iti tak zet maw ka thusawi tur hi i ngaithla duh lo tak zet maw", tiin kan nupa khum a thu run ka pasal chu ka melh tlawk tlawk. Aphone ri chu la in min ruhluih tih hriat tak hian loud ah a dah a "babe  ka nghak reng tawh che ania, kha nu kha chhuah tir vat rawh ibula awm ka chak tawh", rawn ti tu aw chu ka hmeichhe hriat chian ngei ani. Phone a dah rual chuan atho vut a "a thusawi i hriat chian viau kha", min chhuk bih run hian atia "i in chhir lo tak tak ang maw, vawikhat in neih anih ang bawkin damchhunga in then chu i duh tak zet maw", ka tih leh chuan  "chu tluk chu a awm dawn em ni. Ka ten zia che hi i hria em ti hian min duh ber leh min hmangaih ber awm zia zang chuan ila awm leh nghal a, in chhirna tur ka nei lo ve, ilak atanghian engmah duh ka nei lo bawk. Kal bo vang vang rawh i kâ bawlhhlawh atang khan thumal khat pawh rawn chhak chhuak tawh suh", ati a, a thinrim tih chu abek pawng tawlh tawlh atang hian ka hre thei. kan nupa room tang chuan achhuak zui nghal zat.....

CHAPTER -1

"Êden tho rawh, dar 7 ari tawh", tia min sawi nawk nawk tu chu ningzet in ka in lukhup san a, muthilh leh tuma ka chhin diar diar lai chuan "i mak e mai tho vat rawh, pasal i neih ni em ah te hi chuan kai thawh ngai lo in thawh ve tur che alawm. Arang arangin zuang tho nghal rawh", ka nu in arawn tih leh chuan thawh phan pawh nei lo in ka athu chhuak nghal tawl, "zing karah te khan min kaih thawh daih tur che lawm", tia ka phun deuh hlak hlak chu "Zingkar iva han sawi duh zawk tak. I thiante pawhin vawi engzah nge kaih tawh an tum che an beidawng vek ani kha, mut hlum sa ei tum ang hrim hian nula pui si mut i duh leh lutuk", ka nu chuan ati zui hlak hlak a "in ti fai vat la in in chei chhung arei leh dawn si", tih pahin ka mutna chu a siam phah mawlh mawlh a keipawh bathroom ah lutin ka in bual zui ve nghal.

Kei hi Êden willson ka nia, kan û nau ah chuan ka naupang ber a, û mipa pa 2 neiin û nau a hmeichhe awm tih takah min duat em em a, ka pa hian C&T company lian leh changtlung tak anei a, chu mai bakah ka nu hian a ma pual bik liau liau in Mall lian tak anei bawk. Kan û pa ber hian Car showroom anei a, ka û chiah erawh hi chuan music lam atui a, music sikul a nei ve a, zirlai pawh an tam ve khawp mai. Kei erawh University ka chhuah zawhin doctor ka zir chhunzawm a intern ka zo hlim hlawl hei tuah pasal ka nei mai dawn chu ania, kum 25 na ka hmang mek a, ka pasal tur hi kei aiin kum 7 in aupa zawk bawk.

Ka û te nena in kawm ve reng thin an nih vangin tuna ka pasal tur nen pawh hian kan in pawh em em tho a, college kan rah tan tirhin an ni erawh an chhuak chiah thung. Ka star ru thei em em a hengtiang hian ka pasal tur ani ang tih ka ring chhin ngai lo bawk. Ka mipa duh ve hmasak ber anih laiin ani erawhin ngaihzawng kum hlun a nei char char thin, kum 3 kalta ah khan chu nu nen chuan an in then a, an in then zanin arilru na ka û bulah alo kal a, zu ain teuh a kha ta tang khan ngaihzawng han tih tur anei tawh ngai lo, mahse Hmeichhe hrang hrang hi nitin arawn hruai thin. Tun kum khat kal ta atang khan tumah arawn hruai tawh ngai lo anun a sim ve dawn aniang kan tih sak mai a. Mahse hei hun a kal zel takah chuan tiam tlat e kan ti ve rup dawn chu ania.

Wedding Hall....

Ka pa kut vuan a in neihna Hall chunga kan pen lut chu ka zam tak zet. In neihna min hman pui tura lo kalte mit chu ka chungah a fu thup a, ka û te thian ho kan kal pelh lai a "i mawi lutuk", lo ti tu Victor vang chuan tlemin in rintawnna ka nei deuh.

Ka pasal ni mai tur Nicolas Carlton kutah chuan vuan in in neih thu chham kan chham a, kei chuan ka thinlung takin ka cham ka lo duh ruk ve em em thin mipa chu tunah hian ka ta ka pasal chu ani mai sia ka mu mangte pawh a ang rum rum hial.

Nicolas hi fit 6'5 laia sang ani a, kei hi fit 5'9 ka nia Nicolas lakah chuan tê tak ka ni. A hmaitlang pa hrak mai te, a mit meng uk deuh khalh mai te hi ain hmeh tak zet, a mizia cool deuh ruih te hian a ti langpa leh zual a, mipa tawng duh tak ni lo mahse a mize nghet cher chawrh hi ka duhna ti belh chhah tu ani.