After 5 years
"Leo khawiah nge i nau te", tiin ka fapa thuthleng a thu chu ka zawt a, "in chhungah", atih chuan in chhunglam chu ka pan chho nghal zat.
"Liam, Anna kal ahun e", tiin ka fate infiam chu ka hrilh a thuawi zet a ka lama lo kal phahin "mama nang chu i aû ring thei e", Liam in atih chuan aluah ka tuai sak a ka kut alo beng sawm ve vat chu ka nuih hak hak.
Pathian hian ka tawrh zawng zawng kha min hriat pui a ka mal lutuk tur min hriat pui in fa min pe a chu pawh pa 3 lai, ka fate hi phir an nia, Leo hi an la chhuak hmasa bera, adawt ah Liam adawt ah Anna. Tuna ka awmna Seoul a piang an ni nghe nghe. Ka fanu Anna hi apian hlim chuan kg 1 leh 150 g chauh ania, Leo hi kg 2 leh 180g anih laiin Liam erawh kg 2 leh 130g ani thung a, thla hnih lai damdawiin ah kan awm nghe nghe. Anna hi ka chan mai dawn emaw ka tih lai in Pathian in min khawngaih ka ti lo thei lo kum atlin hma kha chu Hospital leh in ka in kar tawn chhen ani ber. Kum atlin hnuah erawh azia awm ta deuh a tunah chuan naupang duhawm tak ani. Tlanghrileng akai hma bik tih lohah chuan in sawiselna tur a awm lo.
An ûnau a kindergarten a ka thlah fel hnuin ka Hospital thawhna lam ka pan ve thung a, ka pute hospital ah hian psychiatry doctor hna ka chelh ve mek bawk. Tleirawk kum 16-20 in kar hian min pan nasa a, chung zingah chuan chhungten an laka beisena an san lutuk vanga stress leh anxiety nei an tam ber a, adawtah ngaihzawng vang ani leh. Mahni nunna lak tum nun beidawngte damchakna nei tawh lo te councelling ka pek chang te hian hahthlak thin viau mahse damchakna an rawn neih leh hian ka lawm thin.
Ka phone rawn ri ral ral chu ka ban a hello ka tih rual a "bawihi ipa adam tha vak lo a, lo haw mai ta che u", ka nu in arawn tih chuan ka chi ai vek.
"Engtin nge a awm a, tunah enge adin hmun, abiak thei em", ka tih chuan "hahdam te khan aw.. tunah chuan abiak theih a mahse achau viau mai", arawn tih chuan ka chal ka dawm vang vang. "Ka pu ka lo hrilh anga kan lo haw dawn nia", ka ti nghal zung zung. Phone ka dah rualin ka pu office lam ka pan nghal chung chung a, a office a luh leh pu tih ka rual a mahse inleng alo neih avangin "nakinah ni mai rawh se", tia chhuah ka tum chu "Bawihi lo kal rawh", ka pu in atih vangin an in kawm na bulah chuan ka thu tla ve a, ka hmel hmaiah ka lo ti lang deuh nge "buaina i nei em ni", ka pu in arawn tih chuan lu ka lo bu nghat.
"Mr. Kim ka tunu hi kan be lawk ang chu", ka pu in atih chuan chupa ka pu ang rual vel tur chuan nui huah huah chung hian "awle awle, tu hi i nei leh lutuka, ipu hi chu he tiang lamah hi chuan ka tluk lo anih hi", tiin ading a achhuak ve mai bawk.
"Pu ka pa adam lo a, ka nu in min lo phone a, haw tura min tih vangin kan ram lamah ka let leh angai a", ka tih chuan ka pu chu angawi deuh vang vang a "atha lo viau em ni ipa chu", arawn ti chuar chuar "tunah chuan abiak theih a mahse a chau viau atia', ka ti leh zung zung. "Awle atha lawm ka secratary ka lo bia anga flight ticket te alo lak sak ang che u", atih chuan ka thaw huai thei.
Ka pu office atang a ka chhuak chiah chu ka phone a rawn ri leh a ka nu anih ring a ka phone ka en chuan kafa te miss zawk anih vangin ka pick vat.
"Hello"..
"Pi Êden i lo kal hman lawk angem le, i fate an in ti buaitlat mai", arawn tih chhuan ka kal nghal tur thu in ka chhang a, counter a lo duty nurse te bulah chuan "ka bula in entir tur an lo kal chuan Dr. Yoona bulah in lo kal tir zel mai dawn nia", tiin Hospital chu chhuah san in kindergarten lam pan in ka in khalh chhuak ve nghal..
A hmun ka thlen a an miss room a ka luh chuan ka fate pa 3 leh mipa naupang pa 4 hi an lo thu a, ka fanu hmel ka hmuh rual chuan ka sa phat mai. Ahnar thi chu lapua in an lo hnawh sak a a kam sir thi pawh ka hmuh hmai lo.
YOU ARE READING
Anda Saya (You & Me)
Romance"I ti tak zet maw, ka thusawi chu i ngaithla duh lo tak tak maw", ka tih chuan ka piaha thu ka pasal chu a ngawi run reng a aphone ri chu la in min runluih tih hriat tak hian Loud ah a dah a "babe ilo kal tep tawh em ka nghak reng che nia, chuan kha...
