بــــين نيران اشُـــــم🔥

part 1🤍

راح اباشر بلقصه و انزللكم كل يوم بارت واستمر بيها بس اذا شفت ماكو تفاعل ولاتعاليق بين الفقرات ولا تصويت ..اوقف القصه واحتمال احذفها ..  OK🤍

~~~~~~~~~~~~~~~~~~~~~~~~~~~~~~~~~~~~~~
قبل گلشي تصويت + تعاليق بين الفقرات

الساعه الــ6 عصراً وتحديداً بغداد

كـــاعده بلغرفه  ودخلو عليه عمامي 4 ومن ضمنهم اخويه ..جنت گلش خايفه من اخويه لان من سمعت بيه قتل شخص ضليت خايفه منه وعمامي الوحوش الي كل يوم يضربوني ومشغليني عند نسوانهم وبناتهم مثل الخدامه ..

ادهــم_ شوفي ليج انتي رح ينطوج عمامي فصليه لخوو المات حتى مايقتلوني خووش وميصير الدم بلدم ، فراح ننطيج فصليه وگومي يلا لمي ملابسج عمام الولد منتضريج بره وراح يخذوج وديري بالج واياج بالج تگوليلهم انو شفتيني لو اني موجود بهاذ البيت فهمتي

_ نزلت دموعي من سمعت كلامه، وحجيت بدموع

موج_ بس اني اريد ابقى اهناا مااريد اروح وين تريدون تودوني

عمار_ نجبي ليجج لعد تريدين يقتلون اخوج

موج_ لعد اني ذنبي شنوو اروح فصليه

ادهم_ اششش گافي يلا بسرعه ملابسج حضريهن وتروحين بدون اي صوت يلا بسرعه

موج_ ابوس اديكم ورجليكم لاتسوون ويايه هيج ، ادهم اني اختك الصغيره والوحيده الگ ادهم اني طفله گلشي مااعرف يادوب قبل شهر دخلت بعمر الـ16 سنه

ادهم_ كتلج كافي اششش ، ويلا گوميي بسرعه

عافوني وطلعو ودموعي عشره عشره ، حجيت بگلبي بگل حرگة گلب

موج_ اااااااه الله لاينطيگ ياادهم ولا يوفقك اكوو احد يسوي بأخته هيج

مسحت دموعي وگمت لبست شال وخليته ع راسي واخذت ملابسي ودموعي تجري ومجبوره اسوي هلشي حتى ميقتلون اخويه ، يعني احلامي ودراستي وگلشي رااح وصدايقي ، لا مدا اصدگ

انفتحت الباب وشفتها مرت عمي ، باوعتلها وحجيت بدموع

موج_ الله يخليج عمه لاتخليهم يااخذوني عتبربني بنتج الله يخليج والله بعدني صغيره

ابتسام_ وخري عني وبعدين الغلط غلط اخووج وانتي لازم تتحملين وهسه يلا يردوج عمامج بره يلا طلعيي

_ موج_ الله لايوفقكم كلكم ، والله لو جانو بابا وماما عايشين مجان صار بيه هييجج

ابتسام_ ولجج تدعين علينه ، گلبه، حقيره

جرتني من شعري وطلعتني من الغرفه واجه عمي اخذني وطلعني لبره وهواي جانو زلم وكلهم لابسين دشاديش وشماغ ، نزلت دموعي وشهگاتي بلگوه مصيطره عليهن دفعني عمي لواحد رجال جبير بلعمر وصعدوني بلسياره السياره جانت بيها رجال جبير گاعد ليگدام واحد يسوق واني گاعده وره ..جسمي گام يرجف من الخوف والقلق واني طفله وماعرف وين هل اشخاص راح يودوني ..الطريق گله الزلم ساگتين واني دموعي تجري الطريقه حسيته بعيد ومادري بنفسي وغفيت