"رياحين و الزمان"

مقتطفات

في نهاية المطاف انت مُحاصر بلا أحد ، لا أحد يُقاسمك مرارة الشعور ولا أحد يجازف بالوقوف معك.

مقتطفات من الماضي

رياحين: ماما ماما اني رجعتت وينچ

تهاني:موجودة ماما موجودة فوتي غسلي حته اصبلچ اكل

رياحين: ماريد ماما شكرا مجوعانه اكلت

تهاني: شنو اكلتي بحيث متريدين تتغدين

رياحين: ماماا اكلت لفة اشتريتها من كافتيريا يم المدرسة

تهاني:بشرود...  والله حتخبلني هاي البنت صار يومين متاكل من البيت

....................

رياحين: عوفني احسنلك لا هسه اموتك بيدي و محد يدري عنك متدري اني منو و شنو اكدر اسوي

آدم:بأبتسامة مخيفة.... اهدأ ياحلو و وفر تهديداتك لنفسك..

رياحين:كتلككك وخرر لا الم العالم هسه والله

آدم:حط ايدة على شفتها يسكتها و كللها
:اشششش صوتچ يجيب التايهه بنت الاوادم

رياحين: اي اي حسكت بس وخر احسنلك كلش مانصحك تقربلي

آدم: رح اعوفج هالمره بس لأن عجبتيني و حطي براسچ انو النا لقاء آخر و ربما بمكان آخر هاذ مو اخر لقاء

عافها و اندار و مشى مسافة ثلاث امتار و رجع أندار عليها و ابتسم ابتسامه جانبيه و گال جملة خلت رياحين تجمد ..........

....................

تهاني: رياحيننن ولج نزلي بسرعهه

رياحين:نزلت تركض بسرعه ها ماما ها شكوو
شهگت بصدمه بعد ما شفت الطبااخ يشعشع نار
كلتلها... ماما هاي شنوو

تهاني:ولچ نسيت الزيت عالنار فترة طويلة و جيت بسرعه خليت البتيته بدون ما انتبه انو هو حاار

رياحين: روحي ماما بسرعه جيبيلي فدشي وصله منريدهه

تهاني: ركضت حته اجيب قطعة قماش حته نطفي النار لأن وجت ببعض الاماكن و جان المطبخ شبه محروك كله

رياحين: يلا ماما وين صرتي رح اشتعل ويه المطبخ بسرعه

تهاني:بصياح ممزوج بخوف...  جيت جيت ماماتي هاچ لزميي

اخذت رياحين قطة القماش و بسرعه طفت الاماكن الي وجت بيها النار و طبعا ما سلمت من الحروق الي صابتها بأيدها

رياحين: ماما خلصت تعاي لتخافين

تهاني:عزهه ماما شصار بيدجج اوفف ياربيي كله من وراية

رياحين: ماما لتلومين نفسج مو صوچچ انتي تخافين من النار او عندج رهبه منها وواعرف انتِ انو بيتكم انحرك من جنتي صغيرة ف طبيعي تخافين من النار و لتخافين ترا اني ما اخاف و هنه حروق بسيطة اعالجهن بمرهم او كريم

تهاني:بدموع..... سودة علية ريحانة گلبيي ولج بسببي انحركت ايدچ

رياحين:ماما لتبچين فدوة اروحلج والله ميخالف هسه يروح الالم ......

.....................

رياحين: بابا اني طالعة اريد بطاقه البنك مالتك
لأن ماريد اصرف فلوس من يمي و هم داجمع

احمد: اي بنيتي حبيبتي اخذيها موجوده بالغرفة بمحفضتي عالميز

رياحين:بدلع......شكراا بابا حبيبي يلا اني طالعة بوساتيي

احمد:بضحك...شوف شوف عبالهه تقشمرني ببوساتها

رياحين: بايييي

احمد: الله وياج بنيتي

................

رياحين؛ او ريحانة مثل ميگولون الها بعض الناس الي يعرفوها مثل صديقاتها و اهلها بنت هادئة و مرحة شخصيتهه جميلة جدا تحب المطر مع ريحة التراب و تحب الثلج و تحب الالوان الفاتحة  محبة للحياة و مملوئة بالكاقة الايجابيه و دائما تحب تساعد الناس او تساعد الناس الحواليها مقل تحل مشاكلهم و توگف ويا الحق مهما كان هي بنت  نادرة لا توصف لا كشخصيه و لا كجمال تمتلك عييون سوداء واسعه تجل كل من ينظر اليها يهيم انها ساحرة بمعنى الكلمة،
لكن دارت الدُنياا لتجعل منها فتاة كئيبة حزينه ضعيفة شخصية ليست هي، شخص اخر تماما لكن رياحين فتاة قوية و ستنهض و تسترجع قواها و تواجه التحديات و الصعوبات التي تفرضها الحياة.........

شنو رأيكم حمستكم صح؟🤭💗

لا تنسون تصويت و متابعه💗

بالمناسبة بنوتات هاي اول رواية الي و اتمنى بالمستقبل نحقق نجاحات اكثر و اكثر
و اسمي طيبة تكدرون تكلولي طبطب💗