لقد ادمنتك

لقد ادمنتك part5

وصل قاظم عند بيت رزان راح رن الجرس بس محدش رد فضل يرن كتير ومفيش استجابة
كاظم: هتكوني روحتي فين ي رزان بس برضو مش هسيبك
في بيت ريان
في اوضة رزان
قاعدة علي الارض عمالة تكرش ف جسمها وبتعرق وتفرك ف مناخيرها وبتترعش قامت جريت علي الباب وبقت تخبط
رزان بضعف: ر ريان ريان ريان افتح ال الباب افتح ونبي مش مش قا قادرة
ريان سمعها وخرج من الاوضة وراح للاوضة ال هي فيها
ريان: عايزة اي ي رزان
رزان بلهفة: ريان ريان افتح الباب افتحة ونبي
ريان: مش هفتح الباب ي رزان
رزان: نت نت مفكر انك كدا بتساعدني يعني نت غبي افتح الباب وسيبني نت ملكش دعوة بيا م مين مين قالك أن الطريقة دي بت بتساعد هاا
ريان: رزان بطلي كلام كتير علشان مش هفتح الباب وأعلي م ف خيلك اركبية
رزان: علي فكرة بالطريقة دي مش هتخليني ابطل نت كدا هتموتني ونا ونا ممكن اهرب ومش هبطل
ريان: ماشي ابقي ال نتي عاوزاه
رزان اتعصبت من طريقته الباردة
رزان: عااااااا افتح بقااا نا اتخنقت
ريان: مش فاتح
رزان بقت تتنفس بسرعة ومش عارفة تاخد نفسها بشكل طبيعي
ريان سمع صوت نفسها
ريان: رزان نتي كويسة
رزان فضلت تضرخ بهستيريا
ريان فتح الباب ودخل
ريان: رزااان رزاان اسكتي خلااص بلاش شغل العيال دااا
رزان بصتله وبعدين بصت علي الباب رزان ف ثواني كانت برا الاوضة ريان طار وراها
رزان نزلت تحت وخرجت براا خااالص
ريان: رزان رزاان تعالي هنااا
طلعت تجري لحد م بقتش قادرة تاخد نفسها راحت وقفت وبقت تنهج راحت وطت ومسكت رجلها لقت ريان قدامها
ريان مسكها من أيدها
ريان: نتي كداا بتعصبيني اكتررر وهتخليني اوديكي اوضة انيل من الاوضة ال نتي فيها ف اتعدلي
رزان بصتلة: نت كدا يعني بتساعدني تحبسني ف اوضة كدا هتخليني زي الفلل
ريان: نا عارف نا بعمل اي كويس
رزان: نت مش عارف حاجة نا نا مش قادرة استحمل نا عاوزة اروح بيتي
ريان: مش هتروحي بيتك الا لما تخفي وتبطلي الهباب دا
رزان: ونا مش هبطل ملكش في
ريان شدها وراح للبيت تاني وطلع الاوضة ال كانت فيها لسة هيدخلها
رزان: لا لا مش عاوزة ادخل لا
ريان بهدوء: رزان اسمعي كلامي نتي كدا بتأذي نفسك مش حل انك تضربي الزفت دا اسمعي كلامي وهتبقي احسن
رزان بعياط: لا نا مش مش عاوزة اعيش نا عاوزة اروحله هو هو ال كان بيحميني زمان بس بس هو راح ونا عاوزة اروحله
ريان: هو مين مين ي رزان
رزان: نا عاوزة اروحله
دولي طلعت من اوضتها علي الصوت وكانت بتمسح دموعها وماسكة صورة ف أيدها
دولي: رزان ريان اي ال حصل
ريان: كانت عاوزة تهرب
رزان: دولي دولي خلي يسيبني نا نا عاوزة اروحله هو الوحيد ال هيحميني واللة بس سيبوني اروحله
دولي: هو مين ي ريان
ريان: مش عارف بس الظاهر هو حد ميت
دولي: طب اهدي ي رزان هو كان بيحميكي ودلوقتي حنا هنحميكي متخافيش حنا مش بنأذيكي
رزان لسة هتتكلم لمحت الصورة وضمت حواجبها
دولي: ف في أي ي رزان
رزان مسكت الصورة منها وبصت عليها وعيونها دمعت وبدأت تعيط
رزان: ه هو هو دا هو فادي هو ال سابني وراح هو ال كان سندي بس سابني وضهري اتكسر من بعدة
ريان: رزان نتي نتي تعرفي ف فادي منين
دولي: ت تعرفي منين
رزان: دا دا اخويا
ريان رجع لورا من الصدمة: فادي فادي اخوكي نتي
رزان: نتو نتو تعرفوا منين ولي صورتة معاكي صورتة هنا لي
دولي بعياط: فادي كان صاحب ريان و و وخطيبي
رزان: اي
ريان بصلها: و ي تراا بقا تعرفي اخوكي مات ازاي
دولي: رياان
ريان: استني ي دولي
رزان: ف فادي كان عندة ورم ف المخ
ريان ضحك بسخرية: ورم ف المخ ودا مين ال ضحك عليكي وقالك أنه كان عندة ورم في المخ
رزان: قصدك اي ب ضحك عليا هو فادي مات ازاي
ريان: فادي كان مدمن زيك كدا بالظبط وكنت بعالجة ب نفس الطريقة وجي وقت افتكرت أنه اتعافي وسبتة يخرج برا رجعلي ميت بسبب جرعة زيادة اخدها
رزان مسكت ف الترابزين ال جنبها وكانت هتقع
رزان: ف فادي كان كام مدمن
ريان: اه وحضرتك بتعيدي نفس ال حصل زمان
رزان قعدت علي الارض وبقت تعيط وخدت صورة فادي ف حضنها ريان سألهم ونزل خرج برا البيت خاالص دولي قعدت جمب رزان تهديها
دولي: تعرفي أن اخوكي كان اكتر واحد نا حبيته ف حياتي وصدمة موتة كانت أكبر صدمة ف حياتي متخيلتش أنه فعلا مات ومبقاش موجود وأنه سابني زي م سابك
رزان كانت باصة للفراغ ودموعها نازلة وبس
دولي: قومي قومي معايا يلا خديلك دش و فوقي
رزان مسحت دموعها وسابت الصورة وقامت نزلت وطلعت برا خالص
دولي: رزان رزان رايحة فين استني بس
رزان راحت بيتها وطلعت فوق اوضتها وفتحت الدرج وطلعت صورة كانت فيها هي وفادي كانوا قاعدين ف الجنينة وبيضحكوا وكان حد مصورهم من غير م ياخدوا بالهم بدأت تفتكر اللحظة دي
فلاش باك
في جنينة البيت
فادي: رزان نتي وشك بقا شبة الفراولة من كتر الضحك
رزان بضحك: يبني نت فصلتني مش قاادرة حقيقي دا حصل معاك
فادي: اه واللة
رزان: فاكر ي فادي الاسبوع ال فات
فادي: ينهاار ابيض ي رزان علي ال عملتي دا لو كانوا ممكن يقتلوكي كانوا قتلوكي
رزان: بس شوفت شكل طنط مديحة كام شكلها يفطس كانت مسخرة
فادي: نتي عارفة أن طنط مديحة مغرورة زيادة دي لو بتشرب ونقطة ماية وقعت عليها بتعمل مهرجان
رزان: ايوا معاك حق بس اتغظت معرفتش اعمل اي كل شوية رزان تعالي رزان روحي رزان هاتي رزان ودي رزان اعملي
رزان زهقت ف ملقتش حاجة جمبي غير خرطوم الماية وفتحتة عليهم
فادي: لا وتبريرك كان سخيف ساعتها يعني اي حبيتي تسقي الزرع والخرطوم فلت منك
رزان ضحكت: صراحة مكونتش عارفة أقول اي
قعدوا يضحكوا وكانت مي جاية خارجة من البيت لقتهم بيضحكوا راحت مصوراهم
مي: بصوا اي رأيكم
رزان: واااو ي بنت اللعبة دي حلوة اووي لقطيها ازاي
فادي: شكلها حلو فعلا دي نا هطبعها
رزان ضحكت: دا بجد
فادي: اه حقيقي هطبعها
بااااك
رزان ابتسمت ابتسامة باهتة ودموعها نزلت غصب عنها
_________________________
ريان كان سايق العربية بسرعة رهيبة وكل الزكريات بتدور قدامة وشريط الأحداث كله بيدور قدامة ومرة واحدة ترلة جت خبتط في وقلبت العربية الناس كلها اتلمت وبقوا يحاولوا يطلعوا واتصلوا بالاسعاف
_________________________
في بيت ريان
دولي كانت قاعدة في الصالة وكانت بتمسح دموعها
فونها رن
دولي: الو
الشخص: لو سمحت صاحب الرقم دا عمل حادثة علي الطريق وحنا طلبنا الإسعاف وودوا مستشفي.....
دولي: اييييي ريااان نا جاية
دولي طلعت تجري برااا وفي الوقت دا كانت رزان خارجة من البيت ومعاها شنطة شافت دولي بتجري
رزان: دوولي دولي
دولي راحتلها
دولي: رزان رزان نتي معاكي عربية
رزان: لا
دولي: ي ربييي
رزان: في أي ي دولي
دولي: ريان عمل حادثة وعاوزة اروحله
رزان: اي ريان طب طب فين المستشفي
دولي: مستشفى.....
رزان: عارفاها طب طب يلا بسرعة
راحوا ركبوا تاكسي وراحوا المستشفي وصلوا ودخلوا
دولي: لو سمحت في واحد لسة جاي عامل حادثة فين
البنت: اه ي فندم هو في العمليات دلوقتي
دولي: تمم
رزان ودولي راحوا ل اوضة العمليات وفضلوا واقفين
بعد فترة كبيرة الدكتور خرج
دولي ورزان جريوا علي
دولي: ريان عامل اي هو كويس
رزان: ها ي دكتور
الدكتور: اهدوا متقلقوش هو كويس بس في شوية كسور
دولي: طب عاوزة ادخله
الدكتور: هننقلوا اوضة عادية وتقدروا تدخلوا
نقلوا الاوضة ودولي ورزان دخلوا
دولي: رياان ي حبيبي
ريان بدأ يفوق
ريان: نا فين
دولي: نت ف المستشفي
ريان بص علي رزان: كان قدامك فرصة تهربي
رزان بصت الناحية التانية ومردتش
دولي: ريان خلاص بلاش الكلام دا...صح رزان نتي كان ف ايدك شنطة دي بتاعت اي
ريان ضم حواجبة باستغراب
رزان: دي دي شنطة فيها فيها هدومي
دولي: هدومك لي
رزان: هسافر
دولي: تسافري تروحي فين
ريان اتعدل وقعد
ريان: هتسافري فين
رزان بجمود: هروح اي حتة
ريان: واللة اي حتة لي نتي فاكرة السفر دا اوضتين وصالة نتي بتستعبطي
رزان: نا مش بستعبط نا مش طايقة اقعد هنا تاني
ريان: طب واي ال جابك المستشفي مسارفتيش لي
رزان: دولي ال قالتلي تعالي معايا
دولي: نا مقولتلكيش تعالي معايا نا قولتلك أن ريان عمل حادثة ونتي قولتيلي يلا نروحله
ريان رفع حواجبة
رزان: نا نا يعني كان قصدي مسبكيش لوحدك
دولي: اهااا
ريان: ماشي مقولتليش هتسافري فين
رزان: يووووة هو تحقيق
ريان: دولي خدي رزان واطلعوا استنوني براا هغير وجاي
دولي خرجت هي ودولي
دولي: نتي هتسافري بجد
رزان: اه
دولي: طب لي نتي زعلتي مننا
رزان: نتي ملكيش دعوة بحاجة ي دولي نا مش زعلانة منك
دولي: يعني زعلانة من ريان
رزان سكتت
دولي: ممم يبقي زعلانة منه رزان عاوزة اقولك أنه لو بيكرهك كان سابك تعملي ال نتي عاوزاه وسابك تكملي في الادمان ال هيوديكي ل طريق مش طريقك تعرفي أن فادي وريان كانوا اكتر من صحاب كانوا بيعتبروا بعض اخوات وكان بيحبني اووي زي منا لسة بحبة اوي برضو طب تعرفي بقا كمان أنه كان بيكلمني عنك كتيرر ونا كان نفسي اشوفك من زمان
رزان: بيكلمك عني نا
دولي: اه كان بيحبك بطريقة نا كنت قربت اغير
رزان: علي فكرة كان بيكلمني عنك نتي كمان وكان بيحبك اووي كان بيفضل يقولي قد اي هو مستني لحظة انك تبقي مراتة ويجيب منك عيال كتيرررر اوي ونا ال هربيهم
ضحكوا
دولي بحزن: كان طيب اوي
رزان: اووي هو ال كان بقيلي كنت عايشة ومكملة علشانة
خرج ريان من الاوضة
ريان: يلا ي دولي يلا ي رزان
رزان: يلا فين
ريان: هنروح
رزان لسة هتعترض دولي ضغطت على أيدها
دولي: اه يلا ي رزان
رزان ضغطت علي سنانها
ومشيت معاهم
روحوا البيت وطلعوا ريان دخل اوضتة ودولي كمان ورزان دخلت اوضتها
في اوضة رزان
كانت تعبانة جدا لانها مأخدتش الجرعة ومكانتش قادرة
رزان: ي رب نا حسة اني بموت بالبطيء
عدا حوالي شهر ورزان بقت مش بتطلع من اوضتها علي طول نايمة حتي مش بتاكل بقت كل م تقوم من علي السرير تقع ودولي زعلانة عليها جداا وريان مش مدي ردة فعل
ريان كان نازل علي السلم
ريان: دولي نا همشي نا
دولي: ماشي ريان هي رزان هتفضل كدا دي يعتبر ميتة دي عايشة علي الطاقة الشمسية
ريان: مليش دخل نا همشي علشان عندي ضغط شغل سلام
دولي بصتلة بقلة حيلة وطلعت ل رزان
دولي: رزان رزان قومي
رزان: اممممم
دولي: هتفضلي نايمة علي طول طب قومي حتي اقعدي تحت
رزان بصوت ضعيف: مش قادرة سيبيني ي دولي
دولي: هسيبك لحد امتي ي رزان لحد م تموتي
رزان: يريت اريح ليا
دولي: بعد الشر عنك متقوليش كدا نا بس خايفة عليكي
رزان: متخافيش
دولي اتنهدت وخرجت من الاوضة راحت اوضتها
_________________________
في شركة R D للازياء
ريان: نا قربت اتجنن
رامي: طب اعمل اي نا بقيت مراقب كل ال ف الشركة مفيش حاجة أو دليل يقولي أن في خاين زي م نت هتتجنن ف نا هتجنن اكتر منك نت مش بتيجي الشركة مبتبقاش مكاني والصفقة بتروح قدامي للمنافس بكل بساطة من غير جهد
ريان: الشركة بتروح مني ي رامي الشركة بتقع ونا مش عارف الحقها
رامي: نا عارف انك مش بإيدك حاجة وعارف قد اي نت مدايق الموضوع مش سهل برضو حنا قربنا نفلس
ريان: نا مش عارف نا حاسس اني عاجز مش عارف اتصرف
رامي: معلش أن شاء الله هتعدي وهنحل المشكلة
_________________________
في الليل
ريان رجع البيت لقا دولي قاعدة وساندة راسها علي أيدها والأكل محطوط علي السفرة
ريان: اي ي دولي عاملة كدا لي
دولي: لا مفيش
ريان: لا في
دولي: رزان حالتها بتسوء يوم عن التاني
ريان: طيب ي دولي نا هطلع اشوفها
دولي ماشي
في اوضة رزان
قاعدة علي السرير ورابطة أيدها بحتة قماشة وعمالة تطبطب علي أيدها بتدور علي عرق علشان تاخد في الحقنة مسكت الحقنة وخدتها العرق كان زي الدش علي وشها مرة واحدة الباب اتفتح وكان ريان اول م شافها اتصدم.....
البارت خلص نا عاوزة رأيكم وياريت توقعاااااات