strong love

كان بإمكان في حديث العصر والزمان
جانت اكو بنيه اسمها( هند)
بنيه بيضه البشره وقصيره القامه
وضعيفه الجسد واعتياديه الجمال
عمرها٢٤سنه
تركت دراستها في سن صغير حيل لمن جانت عمرها١٥ سنه
بسبب إهمال وغلط من اهلها
ما اهتموا ابد لمعدلاتها الدراسيه ولا حتى بذلوا جهد مادي حتى يدرسوها عند مدرسين خصوصيين يخلوها تتقوى بماده الانكليزيه
لربما بعضكم يكول هل المادة كلش سهله وما يحتاجلها
مدرس خصوصي بس للاسف
هند
ماجانت تفتهم منها ولا كلمه
وغلطه هند أدت إلى دمار حياتها لمن خلت ابوها وامها
يبطلوها من المدرسه
بهل السنين الي مضت من كعده هند بالبيت وعدم خروجها للمدرسه مره لخ وانهاء صداقتها ويه مجموعه من زميلاتها بدت هند تتعقد وتكبر
وسنه
وره سنه
وهي باقيه بالبيت
ما تطلع منه ابد
كل المناسبات الي تمر بيها عائلتها من اعراس ومن فواتح وحتى الكريسماس وكل هل السوالف
جانت
تحب
تدخل غرفه من غرف البيت
مضجع الها وتحط موبايلها وتكتب بهل القصص الخياليه
تحب تعيش قصص من عالمها الخاص
وعقلها يخزن مجموعات من الابطال والبطلات لقصصها
لحد
ما سنه من السنين
تقرر عائلتها أن تنتقل لبيت اخر
بسبب
ازدحام العائله الي كبرت
هند صار عدها اختين واخ واحد غيرها وهل السبب خلاها
تكره وتحزن وتكتئب وتحس بالفراغ العاطفي يچتاح تفكيرها
طريقه تعامل اهلها وياها خلاها تدرك أن( كثره الانجاب تولد التفرقه)
امها وابوها
ما جانوا واعين كفايه لتربيتهم
ابوها
انسان شهواني
تفكيره (بعيره)
ممحون يريد بس ينيج مثل الحيوان أو حتى الحيوان
مو مثله تتصورون فكره ان هند تكره ابوها بسبب
نضرته للنساء وحتى الأطفال مرات يحجي حجي وكلام
كله
مقرف
ابوها (بيدوفيلي)
(يشتهي الاطفال)
وهذا الشهي مرض ولازمله علاج ...
أما
امها
ف انكس منه بهواي
امها( مازوخيه)
بس بدرجه معينه
(ومخبله دين )
امها
فاهمه الدين والتدين من طيزه
مره من المرات
ابوها لهند قلل من احترامها كدام اخوتها كلهم
وراد الا شويه يمد أيده عليها
وهي
شنو
سوت
هه
راحت وباست راسه واعتذرتله بحجه
الله يسلط على المراه
ملائكه تنعلها ليوم القيامه اذا خلت رجلها زعلان منها أو ضايج
طيط
والله بيها عفطه ام الموال
من كالتلها هند
ثاني يوم
عن سبب هل الاعتذار الي قدمته لرجلها
كالت
وبكل
ثقه
ما اريد الله يغضب عليه ولا تنعلني الملائكه فأني
رحت وبست رأسه
واعتذرتله
مهما يكون
هو
رجلي
.
اول ما سمعت هل الكلام هند
حست
بالعبان نفس
وتقززت من كلامها ونبرتها الي مبينه شكد
هي مذلوله
ومعدومه الكرامه..
حست
بخيبه امل جبيره وشكد تمنت أن( لقاء) مو امها
ولا
حسنين ابوها...
هزت ايدها بيأس وأخذت تطلع من المطبخ
وداخله غرفتها
وهي
حيل متأذايه من البيئه الي محيطه بيها
هذا المكان مو مالتي
ولا العيشه الي اريدها
اتمنى
بفد يوم يتغير وضعي
للاحسن
جانت
تكتب رساله بورقه وتفعصها وبعدين تشككها وتشمرها بالزباله
وتتنهد وتكمل بقيه ايامها الي
ما مرتاحه بيهن.....
.
.
.
.
زواج
زواجيش تريدون تزوجوه
وهو بعدها هستوه دخل ال٢٠ سنه
وبعدين هو مو كال ما اتزوج الا لمن تموت بيبيتي شمعنا هسه تبدلت الرايه من حمره إلى خضره
شنو
هل الدرجه
وصلت حدها
بعد ما يتحمل يريد مره كام يحوص الضاهر ابنج...
.
كايله هند هل كلام بعد ما تفاجات بخبر
زواج اخوها الي ناويله
من امها الصبح أول ما كعدت وحاطه كلاص المي وهي تبلل ريكها بشربه...
.
شسويله
يعني اكله لا تتزوج
وبعدين شبي ابني حتى ما يتزوج شنو الي ناقصه
جمال وشخصيه
وحباب
بعدين تعالي اكلج الى متى راح يظل بدون مره
لا عيني لا
اني اريد ازوجه لبنيه واسويله عرس يابا عرس
يسولف بي الغريب قبل القريب
هو شعندي غير هل الوحيد الي الله رزقني بي
بعدين اني اريد الحك على جهاله قبل لا الله ياخذ الامانه
اريد
اشوفكم واحد
وره اللاخ مصطريلي هل العشر والعشرين طفل
والهوسه واللعب مالتهم
وهمه هنا
يلعبون وياكلون كبال عيوني ...
.
ردت لقاء وهي بوجه بشوش ومتمنيه تتحقق هل الاماني
مالتها
.
دارت وجها هند وحركت بشفايفها
على السريع وتمتمت بينها وبين نفسها
من طيزي
يصير عندج احفاد مني....شكد مسكينه وامالج جبيره
يمه والله لو تدرين شنو الي مظموم بنص هل البال
جان من زمان
تلكيني بعيادات الدكاتره تفترين بي ...
(كالت هل الكلام لأن تعرف امها من النوع الي تكول أو تآمن بأن المثليه مرض نفسي مو ميول طبيعي )
.
وراها حطت الكلاص من ايدها وراحت تفتح الثلاجه ومزامنه لفتحها للثلاجه كالت
حيلج
يمه
حيلج
تريدين كل واحد بينا يخلفله عشره عشرين
لا متوهمه
ستين سبيعين
تره
بشر احنا
مو ارانب يمه
بعدين
اني
من كايله وحاجيه من قبل أن مااتزوج ولا اخلف
هل الموال مال الزواج
حددي بين بزرج ال٣  لا تشمليني بي
تدرين
بي
انسانه معقده من سالفه الرجال والزواج
...
ردت لقاء وهي تباوع على الي جانت تصب الچاي
وتحضر لنفسها الريوك
ليش
ما شملج بي
بعدين
شنو هل الخريط الي جاي تخرطي عليه
فكره ما اتزوج لعد
اذا ما تتزوجين شلون راح تعيشين الحياه
بقيه حياتج ويامن قابل راح تكضيها
لا
اني
ولا حتى ابوج دايمين الج
الاحسن تفكيرين لبعيد يمه ...
.
قاطعتها هند
وهي تلتفت لامها بعد ما اشتدت قبضتها على الخاشوكه
بسبب
تفكير امها العتيك..
راده وبحركه كلب
طالعه بكلامها موجهتا للي جانت لازمه السجينه وتكطع بهل الدجاجه
.
(قصدج لو حضره الوالد حسنين وحضرتج موفريلي الحريه
وفكرتوا زايد قبل لا تبطلوني من المدرسه
جا هسه اني تلكوني بإعلى المراتب واصله
صح
ما اجذب واكول اني ما جنت غلطانه لمن سويت هل الشغله وتكاسلت عن دراستي بس
مو معناها ما تنطوني فرصه لخ
وتخلوني ارجع اكملها حتى ما احتاجكم للمستقبل المجهول الي ما اعرف شنو مصيري راح يكون)
.
حطت الخاشوكه على السنك وغطت علبه الجبن ورجعتها للثلاجه وكالت
بعد ما وكفت مقابيل امها الي شهدت على نبره صوتها الي مبينه مقهوره ومغثوثه حيل
.
(وها سالفه الزواج الي خبصتيني بيها مراح اسويها
ومراح اتزوج لأن ما اريد اكرر تاريخج ويه رجال مثل أبويه )
.
.
مشت هند وهي تاخذ الصينيه ووتوجه نحو الكندور وتفتح التلفزيون وتحطه على فلم اكشن وتبدي تتفرج
وتاكل...
.
.
.
.
.
١:٢٠ الضهر
مجتمعين على طاوله الاكل
وباديه زهراء بأن تحجي عن يومها الدراسي
وشلون جان اليوم الأول الها بالمدرسه بعد ما بدء العام الدراسي الجديد
وشلون
قدمولها الهدايه والكيك وسوو أجواء حلوه
منطبعه بذاكرتها
ما عدا ازل الي جانت هادئه وتاكل وملتهيه تلعب بالاكل اصلا
وتستمع لاهلها شلون فرحانين بزهراء اختها الاصغر منها
وهي
منطلقه بالحجي
وجانت هند حاطه تركيزها عليها وشلون منتبهه على هدوئها وتصرفها الي عرفت من خلاله أن الأكبر زعلانه
وغيرانه بسبب تفوق اختها بالدراسه والمدح الي جاي يتقدم الها عكسها لمن
اخذوا يحجون عليها بسبب درجاتها الناصيه وخاصه في ماده الرياضيات
والي جان اول امتحان يمتحنوا لهل الاسبوع بسبب
تاخر الدوام المفروض يبدي في شهر ال٩
لكن
اتاجل
لشهر ١٠
..
وره ما خلصوا الغدا
كايمه هند
تاركه امها وراكضه وره ازل الي جانت
صاعده لغرفتها المشتركه بينها وبين هند وزهراء
ساحبه مخدتها وبطانيه وشامره نفسها بنص الغطه ومقرره تنام
أو
تبجي
.
متقدمه هند بعد ما فتحت الباب
وفاتحه كنتورها ومطلعه نستلايه ومقدمه نحو اختها
ونايمه بصفها ومنطتهيا
سمعت من الأصغر
بعد ما كالتلها
هاج
حلي ريكج
وياي
وبدت تفتحلها النستله وتقدمها للي
رفضت
وكالت
ما أشتهي
نعسانه اريد انام
.
مبتسمه الأكبر
وكايله
دكومي اكليها يمعوده فكيتها بعد وين اوديها
تنترس دود
اذا ما انوكلت
.
سمعت الأصغر والي جان صوتها مخنوك
ما اريد
كتلج
اكليها
انتي؟
.
ردت هبه وهي توخر. البطانيه على وجها وتكومها غصب عنها
وتشبكها
؟
هاي شبيج ازل القرده
كنالج اكليها وفضينا عاد تره مو يوميه راح تشوفيني اتفضل عليج بنستله
تعرفيني عاد بولتي ما انطيها عاد مو نستلتي المفضله
هاج
اكليها وبلا تنعوص
لمن اكلج اكليها يعني تاخذيها من أيدي وما ترديني
عيب يابنتي عيب
اني
اختج الجبيره
حزام ضهرج...
عيب تفشليني قرده الادغال
..
كايله كلامها بعد ما حطتها بايدها وغصبتها ان تاكلها
وبعدين ارتجت على الحايط وحضنتها وكالتلها
.
شبيج مدمعه عيونج وحتى اكل ما اكلتي زين
منو الي غاثج
اهلج مو؟زودوها هل الهمج مو ادري بيهم مطايه
ما عدهم ذره احساس لا يهمج اني هنا
راح اقريج وانجحج واوصلج لأعلى المراحل واشوفج
دكتوره اسنان مو هذا حلمج..
.
ردت وهي تمسح دموعها وتنفي براسها
لا
مو بسببهم
.
ردت هبه وهي تصب كامل اهتمامها وتركيزها على اختها
الي جانت مدنكه راسها
تحط اناملها على حنچها وترفعه
(لعد)
.
اتبلعمت وكالت
المعاونه مالتنا ست زهره
اليوم كلتلي كلام ما عجبني وحيل ضجت
.
أهنا عقده حواجبها هند أكثر وبمعالم وجه استفهاميه
اكثر
كالت
شلون يعني
شكالتلج بالضبط
؟
.
ردت وهي
بوجه خايف
يعني اذا اكلج مراح تكوليلها لامي
.
ردت هند
لا مراح اكول
وعد
بس احجي شنو الي كالته بحيث هيج خايفه حتى لا توصل لحجايه لامي
.
ردت ازل
كلتلي
انتي
جبيره صرتي ولازم اهلج يحجبوج لأن جسمج صاير يفتن
ما اعرف شنو يعني
يفتن
ما افتهمت هل الكلمه منها
عود شنو هند هل الكلمه شتقصد بيها...
.
أهنا
هند حست بكميه قهر ولعبان نفس وشعور الغضب استوحدها
لزمت اعصابها كوه وقررت تكون هادئه كلش
حتى لا تخرع اختها
ردت
بعد ما
هدئتها
وكالتلها
تمام
انسي الكلام الي كالته ولا تفكرين زايد
وخليها عليه اني اعرف شلون احلها هسه راح احاجيها الج
وما اخليها تحجي وياج مره لخ بهل الطريقه
تمام
.
ردت ازل وهي تتوسل بخوف وتترجا اختها
شراح تسوين
راح تكولين لامي وابويه مو
واكيد
امي راح تسمع كلامها وتصدكها وراح تحجبني وجايز حتى مدرسه تبطلني هند حبابه لا تكوليلها
ما اريد ابطل من المدرسه حبابه...
.
ردت هند
بعد ما حضنتها وطمنتها
اش
اش
اهدئي
لا يسمعون
تبجين وراح انوب تكبر هل المشكله
كتلج اني احبها
ومراح اكول لأي احد والله باجر دوامج صبحي مو
.
هزت راسها ازل وهي تبجي
.
مسحت دموعها بابهامها وباست راسها
وبحنان كالت
لا تبجين تمام
نامي
هسه
والعصر نكعد نقره وباجر اني اروح وياج للمدرسه بحجه
كتابج قديم واريد أبدله بواحد
خوش
ومناك اني اعرف شلون احجي وياها لهل الزهره
...
ردت ازل
زين وبلكت أبويه ما قبل
تطلعين ؟واخذ امي بدالج
.
ردت هند
لا
اني اعرف شلون اضبطها
بعدين امج مراح تكدر تروح لأن عدها طبخ
وهمين عازمه خالاتج لأن عساس راح يروحون يخطبون مره لاخوج فملتهيه وابوج ما يكدر يدخل لهل المدرسه لأن تعرفين هي مدرسه مال بنات وهاي زهره مدري شسمها
ما تخلي اي رجال يدخل للمدرسه بس نسوان بحجه متدينه وكذا...
.
.
.
.
.
.
نزلت هند من الغرفه بعد ما نيمت اختها
وراحت للغرفه داكه الباب وتدخل لامها الي جانت فاتحه
الاسبيكر وتضحك وتسولف ويه خواتها
وتعزمهن لباجر حتى يروحن يخطبن لابنها (ليث)
وشافت
وجه ليث وهو شاكه الضحكه وجه
والسعاده ماخذته بسبب كلام وغزل خالاته وفرحتهن بي
هن
وامه
.
يمه
اريد احاجيج بشغله
وهي تدغها على رجلها تحاول تثير انتباها
ما سمعت أو شافت غير التجاهل ...
تأفأفت بضجر وقررت
تروح وتنتجي على الكنتور وتباوع عليهم بملل تنتضرها تخلص هل اللغوه مالتهم
وره
فتره نص او ربع ساعه
اختلت واخيرا بنفسها هي وامها
واول ما شافت سدت الخط
نطت بالكلام قبل ليث
وكالتلها
(بأجر اريد اروح لمدرسه ازل الصبح ؟)
.
أهنا شافت كل انضار امها واخوها عليها
بصدمه وعقده حاجب
سئلت لقاء
(ليش؟)
راده
وبكل
ثقه
لأن اريد ابدللها كتابها وهمين اسئل عن مستواها الدراسي
هو
صح ما صار الهم اسبوعين مدري اسبوع مداومين بس
تعرفين الرابع وصعوبته فقررت اشوف دراسه ازل وشكد نسبه تفوقها بالدراسه ...
.
ردت لقاء
ياكتاب هذا الي تبدلي
؟
ردت هند
وهي تطلع الكتاب من ايديها وتنطي لامها
رياضيات
قديم ومشكك
راح اغيره الها وإذا ما عدهم فلازم تشترولها جديد
.
رد ليث
منين الفلوس حتى تجيبولها جديد
؟
ختدرس بي شلون ما جان ما بين تكضيلها هل السنه
.
ردت هند
قبل امها
من عندي الفلوس
اني مجمعه فد مبلغ عادي انطيها من مصروفي الخاص
مو فد مشكله جبيره خلي يكتل نفسه فد ١٠ أو ١٥ الف
.
أهنا طبعا
لقاء
ما عارضت لأن جانت منتجله على هند بدراسه اخواتها وخاصه ازل
فوافقت أن تروح مما أثار ابتسامه هند الجانبيه وشكد هي فخوره بنفسها لأن جاي توصل اختها مراحل عمريه للتعليم...
.
.
.
.
.
ثاني يوم الصبح
الساعه
٧:٣٠
دقيقه
تلبس كل من هند وأزل وزهراء
احذيتهن وياخذن جنطهن ويطلعن ليبره لابسه هند نقابها
وطالعه بس عيونها مبينات
فاكه باب البيت وبدت تشوف العالم الخارجي لاول مره بعد آخر مره طلعتله قبل شي سنه بعد انتقلوا من بيتهم الاولي
راكبه السياره وهي تكعد بصف ازل تلزم أيدها وتكول
الها
لا تخافين اني يمج
.
مشت السياره لحد ما وكفت بنص باب المدرسه
نزلت
أزل وزهراء وأخذت كل وحده جنطتها من ايد ابوها
وتشابكت أيديهن بايدين اختهن هند
ماشيات نحو الباب
بعد ما ودعن ابوهن
الي
كال لهند
أن بس يوصل الطالبات ويرجعلها فتره ساعه مو اكثر
.
تمشن بالممرات واصلات لصف زهراء الي بالثاني أ
وبعدها راحت لصف ازل
وهمين حطت جنطتها بي وفتحت كتابها وراحت للاداره بعد ما وصت ازل بأن تروح تلعب ويه اختها ويه بقيه صديقاتها
.
.
خطوه اثنين ثلاثه
واصله
باب الاداره
جاره نفس بعدين زافرته للخارج
تحاول تكون كد هل المسؤوليه الي ورطت نفسها بيها
تحاول تكون هادئه وتحجي بطريقه كلش رزنه وما تفشر
أو تتعارك ..
تدك الباب
وتسمع صوت من الداخل (تفضل)
داخله
برزانه وهي تمشي بخطواتها نحو الي جانت كاعده ولابسه العباء الايرانيه ووجها بملامح صارمه وغرور وتكبر
طاغيه
تبلعمت وهي ترفع النقاب من وجها تشوفها شكلها
وتبتسم بثقه
كايله بعد ما تحمحمت
بنبره صوت عاليه وواضحه حتى ما تبين خوفها وقلقها الواضح والمكتوم ...
ضاهره بشخصيه كلها ثقه بعكس دواخلها الي مرتبكه والتوتر ماليها
.
السلام عليكم ست
وياج اخت الطالبه ازل حسنين عماد
صف رابع شعبه أ
.
وهي تحط ايدها بايد الي رفعت وسلمت عليها
واشرتلها بالجلوس بعد
وخرت ايدها
.
وعليكم السلام ورحمه الله وبركاته
اهلا وسهلا
تفضلي
.
مكمله هند كلامها
بعد ما كعدت
مباوعه بارجاء المكتب لمحه سريعه وبعدين رجعت انضارها للي صابه تركيزها على ملامح وجها
ملامح وجمال طبيعي لاول مره تشوف بنيه طبيعيه
كل النساء الي يطبون عدها لو مكيجات لو مسويت فلر أو تاتو
وهي تتعقد منهن ومن طريقه لبسهن أو وضعهن للزينه..
ارتاحت ملامحها
لمن شافت هند وهي تباوعلها بنضرات كلها ثقه حاطه عينها بعين
اللخ
.
اول شي اني اريد أبدل هذا الكتاب مال الرياضيات مالتها
لأن مشكوك
بواحد احسن حتى لو مستعمل
بس مو لهل الدرجه تنطوه للطالبه شلون تقره بي
افتهمنا
نقص بالطباعه والكتب ماكو
بس مو معناها تنطوها هل الكتاب الي مبين حيل قديم
شلون راح تنجح وتفهم وتحل بهيج حاله ..؟
.
ردت زهره
اي
صحيح
بهاي حقج علينا انسه
هند
طبعا كلامج كله صحيح بس شنسوي هذا الموجود بالمخازن
كوه توفر عدنا هل الكميه مو زين بمدرستنا موفرين كتب
غير
مدارس ما موفرين للطلاب بس هيكل المدرسه
الباقي على الطلاب همه يشترون من بره ..
.
ردت هند
ترد بسرعه بديهه
شعليه
اني بمدراس الثانيه
اني عليه بمدرستكم هي لو ما مدرىستكم محترمه ومتميزه مجان حطيت خواتي بيها
بعدين اني جنت ادرس بيها وبزماني جانت حتى اقلام وقرطاسيه ودفاتر بنطونه من غير الكتب الجديده والمناهج السهله
هسه كلشي تغير ...عمي ما رايدين منكم كتب جديده ولا قرطاسيه ودفاتر بس رايدين كتب بيها حظ حتى لو مستعمله بس المهم تمشي للطالب هل السنه لحد ما يكمل بقيه السنوات...مو لو حظرتي غلطانه ست
.
سكتت زهره وهي تشوفها شلون لبقه وتحجي
ببروده مع حركه دم مبينه مقهوره على وضع مدرستهم
وجيلهم...
.
صح كلامج
كله ذهب
وعين العقل بس انطيني دقائق واني اغيرلج هل الكتاب..
ام محمد
ام
محمد
.
داخله عامله المدرسه ذات ال٤٧ سنه للاداره وهي تكول
نعم
ست
.
راده زهره
هاج هذا الكتاب دزيليا للكاتبه وكليلها
تكولج ست زهره اريد كتاب رياضيات جديد
لصف الثاني بساع
.
واول ما نطقت باسمها أهنا هند فتحت عيونها وعرفت أن هي المعاونه مو المديره
وكبل رفعت نضرها للي جانت تباوعلها وكايله
يصيرلج كل خير
انسه
نعتذر مره لخ
وان شاء الله ما تتكرر هل حاله مره ثانيه
.
ردت هند بعد ما بللت شفايفها
حضرتج المعاونه ست زهره ؟
.
ردت زهره
اي
اني
.
ردت هند
خوش لعد خليني ابدي بكلامي الي اجيت علموده
ست انتي البارحه جايه لعند اختي ازل
وكايله الها كلام عن نقاب مدري شنو
والبنيه
كايمه تبجي وخايفه وحتى مهتمه أكثر ما مهتمة بدرجه الرياضيات مالتها
ممكن اعرف شنو الي صار بالضبط
حتى لا اظلم احد احب اسمع المشكله من الطرفين
لأن هذا الي علمته لنفسي
لازم ما اتسرع بالحكم الا لمن اسمع المشكله بالكامل...
.
ردت زهره
بعد ما انحطت ابتسامه جانبيه على شفتيها
وشلون انعجبت بكلامها الي مبين كلش مثقفه وغير عن بقيه آلامهات الي يجن يصيحن ويهوبزن عليها...
.
احممم
احممم
اول شي احي اهلج على هل التربيه الي انتي بيها وشكد انسانه مبينين تعبانين عليج لهل السبب راح افهمج الموضوع
شوفي آنستي العزيزه
احنا
بلاد مسلمه وهمين مدرستنا متميزه بالتربيه والتعليم
فمن واجبي اني هنا امهن الثانيه مو بس معلمه
لا.. لازم مو بس انطيهن تعليم لا بالاول تربيه ياله تعليم
فاني شفت اختج
ابنيه حلوه ذات جسد جميل فحبيت انصحها واوعيها حتى تحتشم وتلبس عبايه وتتحجب قبل لا تحصل إثم والعياذبالله..وكل الي سويته هو تطبيق للدين لا غير
وحمايه الها من المتحرشين
.
رادت تكمل بس قاطعتها هند بسؤالها
زين
انتي من تكولين جسدها ممشوق وجميله
بس بالاخير هي طفله بعدها كل عمرها ١٠ سنوات
وبعدين اني ما أكدر اضغط عليها  بفكره الحجاب
والحجاب فرض مو غصب والدين يسر مو عسر
احنا بزمن غير عن زمنج ست جاي تكوليلها لازم تتحجب
بمناسبه شنو ؟
.
أهنا احدت النقاش بين هند وزهره
راده زهره
بمناسبه
أن هي ملفته للانضار
؟
.
ردت هند بصوت شبه عالي
بانضار منو؟
.
ردت زهره وجان كلامها ساعقه على الأصغر
بانضار الرجال
الرجال المتحرشين الي عيونهم زايغه يباوعون على البنات
اني من خوفي وحرصي عليها مجان كلتلها وامرتها بالحجاب والستر لأن المراه عوره ومفاتن عدها
تاثر على الرجل وعلى شهوته فتخلي ينحدر بقله أدبه وتحرشه بيها فراح تتأذى نفسيتها وجسدها ومهابتها كدام
المجتمع
همزين اجيتي لأن اني جنت ناويه اتصل على والدتها وانطيها تنبيه حتى تعرف شلون تحافض على بنتها
ياريت وصلتج حسن نيتي انسه هند وعذريني اذا جنت شويه حاده بالكلام ويه اختج بس اني هيج طبعي وهيج تربيت فلازم اربي مثل ما اهلي جانوا يربوني...طريقه الغصب لأن هي طفله فما تعرف الصح من الغلط إذا غلطت
بأجر أو عكبه الملامه راح توكع على عاتقنا احنا الكبار مو لو
اكو غلط جاي يبدر مني؟
.
أهنا فتحت حلكها هبه وبصدمه من عقليه المراه الي كدامها
تذكرها بامها
وبكميه الجهل الي مستحوذ فكرها
راده
ست اعذريني بس مو من حقج ابد أن تحجين ويه طالبه بعمر ال١٠ سنوات بطريقه كلش
مو مريحه وتغصبيها على شي هي ما رايدته ابد
خليتيها تبجي وتفكر بطريقه جنونيه وطلعتيها هي الغلطانه
بسبب لبسها الي اشوفه كلش عادي ومحترم بالنسبه لعمرها
متقنه بالزي المدرسي
وما مخالفه النظام على
شنو بعد
هل الكلام الي موجه الها من حضرتج ؟