strong love

دخان اسود
جان منتشر بالسماء
وجانت الناس
ملتمه (مجموعه )
على
سياره
حسنين
الي جان نايم على الستيرن
ومدمر وجهه
وما معروفه ملامحه من كثر الدم الي ملطخه تلطخ وفوكاه الجامه الاماميه واكعه على رأسه وداخله بنص رأسه وشاكه
رأسه شك (يعني الجامه داخله بنص رأسه)
اما
بالنسبه
للقاء (أم هند)
فجانت لقاء طالع راسها من الجامه الي بالكرسي الخلفي من الجهه اليمنى وملطخه بالدم ومحزوزه ركبتها بالكزاز
ونحرها نحر يعني(انذبحت)
.
وازل الاخت الوسطاني لهند ذات ال١١ سنه
جانت واكعه بالكاع (ارضيه ) السياره وجسمها مكسر
ومحصوره
جوه الكراسي مما أدى إلى ضغط عضامها
وتكسر قفصها الصدري وضلوعها ...
أما
زهراء
الاخت الصغرى لهند الي تبلغ من العمر ٩ سنوات
فجانت
بحضن امها لقاء وجانت قطعه من الجامه داخل بنص ضهرها
داخله بالعمود الفقري
واخر
شي
ليث الي ما مبين شي من ملامحه لأن طافر من السياره
وطالع ليبره
لان ما لابس حزام الامان
ونص جسمه ممرود
وما باقي منه بس النص السفلي منه
التمت الناس
عليهم
وطلعوهم
بالكوه
من السياره ونقلوهم كبل للمستشفى بعد ما خابروا الإسعاف عليهم
.
وكل المعتاد بما أن العراق بلد
النخوه
وبلد اسلامي
ويحث على مساعده الإنسان الي مو مهم هو من يا دوله أو من يا جنس
أو حتى لون بشرى
المهم
هو انسان
فأكيد راح يتعاملون وياه بانسانيه
وحتى الحيوان
الي للاسف
القدر
اشاء أن يضعه في هذه اللحظه بأن يكون له جزء من هذا الحادث الشنيع
بحيث
اكو
بزونه (قطه)
جانت واكفه على الحديقه الي مزروعه على سايد الطريق السريع
وما لحكت
أن تطفر وكت ما اجت التريله وطبكت على الطريق
واندهست وصارت جوه التريله
بحيث اطشرت دمائها
وانثرم لحمها
وتكسرت عضامها
وماتت
.
.
.
.
.
.
.
.
.
.
قبل
ساعات من الحادث
وتحديدا
بيت
زهره
والي
جانت
جايه تتريك(تفطر)
هي وهند
وأجواء ولا احلا منها
شهدتها
كل من هند وزهره
جانت هند كاعده ويه حبيبتها وزهرتها
على طاوله الاكل
وجانت هند
توكل بزهره
وفرحانه وجايه تسولف وياها
والضحكه ما تفارق من شفتهن
.
زهره
وهي تحط أيدها كبال ايد هند الي جانت شايله كمع الصمونه
الثانيه على التوالي
والي مغمستها بالكيمر وراشه فوكاها مربى الخوخ (المفضله لهند )
زهره
كافي هند الله يخليج
كلش انتخمت ما بيها مجال
اكل أكثر بعد
حيل شبعت
.
هند
بدلع
حبابه
حبابه الله يخليج ماما
بس هل اللكمه من ايدي
حبابه فدوه وافقي
.
ضحكت زهره بقهقه
وكالت
ولج والله بعد ما بيها اي مجال إذا اكلها هسه غير كبل استفرغ
وبعدين اني مسويه ريجيم
المفروض
.
كالت كلامها وختمتها بكلمه( المفروض )
باستياء
.
هند بتفاجا
تؤ
صدك يعني انتي جنتي مسويه ريجيم
وحميه
وما ادري
شنو
.
زهره
وهي تقترب من هند وتظل تتأمل بيها وتغرك بجمالها
اي
المفروض
يا حلوه
وازيدج من الشعر بيت
اليوم اول يوم إليه للدايت
.
هند وهي تحط أيدها على خدها
عزه
واني اجيت وخربته ههه مو
.
زهره
اي
للاسف
حضرتج يا مكموعه
يا بنت المكاميع
جبتيني وحطيتي هل الاكل الي كله دسم ومليان كالوريز
وكعدتي
تزقين بيه (تزقين /تطعمين)
مثل ما تزق الحمامه بفروخها
(عصافيرها)
.
ابتسمت هند
ابتسامه عريضه كشرت
وكالت
هههه
اسفه
ما جنت ادري
بعدين مو الحق عليه
عليج انتي
.
زهره بتفاجا
اني
.
هند تبرر
اي
انتي
والله
.
زهره
من عماج الله كون شلون ؟؟
.
هند تفتح عيونها بصدمه
هااا
تدعين عليه
هيجي ماما زهره
تدعين عليه
واني عودين احبج وادلعج ماما وماما
وتكوليلي اني امج وتصيحلي بنيتي
بس هو هذا حضي
ومو صوجج
صوجي اني
.
وخرت وجها وبأن الحزن على ملامحها وبعدين كالت
.
لا
مو صوجي تؤ
.
زهره
لعد
.
ردت هند وهي تحط اصبعها بوجها للي استغربت
صوجج انتي
اي انتي
لا تباعيني بهل العيون الحلوات اسم الله عليهن
(ابتسمت زهره وتغيرت ملامحها من المستغربه للمبتسمه)
انتي السبب
منو كلج تحببيني بيج وتاخذين كلبي
الج وما تنطينيا
ها !؟
رجعي يله
بساع
اريد كلبي
معليه
(وهي تاشر بايدها للي ضحكت بقهقه على حركاتها )
وبعدين كالت وهي تقرب الكرسي مال هند الها
اول شي
دتعاي هنا واقتربي مني
يا مكموعتي
انتي الي ااخذتي كلبي
بالاول
يعني اني الي حببتيني بيج وأخذت كلبي مني الج
هاي واحد
اثنين
منو الي كام يبسبسلي هم
ويسويلي
بس وبس
وبس
همممم
امي
لو خالتي الشكره
اليوم الصبح تذكرين يا بزونه
.
هند وهي تظل تعاين بعيون زهره وتسبل وتخدر
وره ثواني بدت تحجي لمن رجعت لواقعها
احم احم احم
اي صحيح
ما انكر بس
ما كلتيلي اني مسويه ريجيم
جان ما اشترينا كيمر (كيمر عراقي ما اعرف شيصوحوله بالدول للامانه)
وكعدنا ناكل
وبعدين على شنو جايه تسوين ريجيم
شبي جسمج اصلا يجنن
باعي
يعني
ضخمه
هيج هيبه
وجسمج مرتب ما تحتاجين اي ريجيم
يعني من قبل شويه من نزعتي العبايه مالتج ونزعتي البلوزه
وغيرتي هدومج (ملابسج)
وظليتي بالملابس الداخليه
شفت أن جسمج راقي وحليوه
ومتناسق وهمين من قياساتي
الصراحه
وحتى بالعلامه
عندج شامه على ركبتج من وره صغيره
وناعمه ومحليه جمال ضهرج
وعندج وحمه ولاده بزندج الأيسر
وبعد
لحضه خليني افكر بعد يا هند شنو شفتي
(وهي تحط اصبعها على ذقنها🤔)
ها
اي
اكو عندج كم شيبه بشعرج مو هواي بس مجملتج ومخليه شعرج حلو كومه
(شيبه /الشيب الشعر الابيض)
.
ولزمت استكان الجاي وبدت تشرب منه رشفه صغيرونه
بس توقفت
وعيونها فتحتهن بصدمه لمن سمعت
سؤال زهره
المحرج الها
.
زهره
لحضه انتي شلون عرفتي
كل ذني الشغلات عني
واني جنت قافله الباب عليه
ها
منين دخلتي
واني عفتج جوه
.
وخرت استكان الجاي من حلكها ونزلته على الطاوله وكالت
وهي تباوع بعيون زهره.
هذني
أحد أسرار
البوتوم
ومحد يكدر يعرفها
فعرفت وبس
.
زهره
والله
زين ممكن اعرف شلون
وشنو هل الاسرار
ممكن شويه تنطيني خبره من اسرار البوتوم العظيمه
.
هند
امممممم
خليني
افكر
لحضه
يحتاجلها
ناخذ رشفه من الجاي العراقي المهيل
الي يدك براس ويعدل المزاج
.
وأخذت رشفه
من الجاي كبال عيون زهره الي جانت تتأمل حركاتها وجانت كلش معجبه بتصرفاتها
ومستمتعه وياها
وكالت بنفسها
الحمد لله أن الله عوضني ببنيه ملاك
مثل هند
محبوبه وتطب للكلب بدون استئذان
يوم عن يوم هل الهنوده جايه تعلقني بيها وتحببني
بحياتي وياها
.
ذبت الاستكان من أيدها وكالت
اي الحمد لله
اني شبعت
والله جان الاكل كلش طيب
مثلي ينكرط وهي تلزم خدودها وتتدلع كبال زهره الي بس تتأمل بيها ورايحه بغير عالم وسارحه بحركاتها وتصرفاتها
.
زهره
بالعافيه
سبع عافيات على كلبج
.
هند
الله يعافيج ماماتي
.
زهره
امممم وهسه غردي
واتحفيني
.
هند
باستغراب
بشنو
.
زهره
بشنو يعني بأسرار البوتوم العظيمه
الي ادعيتي بيها هسه وكلتي راح اكولج عليها
.
هند
تؤ
لا تره والله عيب
يعني مراه شكدج شكبرج
طاخه العمرين
تجذبين
شكد عيب وفشله
تؤ تؤ تؤ
.
زهره بحده
هند
.
هند تسوي نفسي بريئه
نعم
.
زهره
تحجين لو لا
.
هند تسوي نفسها مستغبيه
شحجي
.
زهره تصيح بيها
هند
.
هند بخوفه وتحط أيدها على صدرها
يمه
تمام راح اكول راح احجي
انطي فرصه
عزه ولا تشاقه الوحده وياج ابدا بتاتا نباتا
ولي على امتي
شو هاد
.
واول ما رجعت وباوعت على زهره
مره لخ
شافتها
ترفع حاجبها
وتاليها لزمتها من زنودها وجرتها الها وكعدتها بحضنها للي صاحت
يمه
.
وحطت وجها بوجه زهره الي ظلت تباوع بكامل وجها
وتتامل بعيون مليانه حب
ظلت زهره تعاين على حواجب وخشم وخدود لحد ما وصلت لشفه هند
الي جانت ملغمطه بحليب الكيمر
وطبعا
هند ما جانت احسن منها فجانت عيونها تتنقل من عيون زهره لحد شفايفها
.
وهنانه
حطت زهره أصابعها على حنج(ذقن)
هند
وخلتها تقرب وجها الها
وفتحت شفتها لشفه هند الي اخذت تغمض عيونها
بخمول
التصقت كل شفه زهره بشفه هنودتها
وبدت
وحده
تمص بشفه اللخ
حست
زهره
بحراره أنفاس هند
وطعم الحلاوه من ريكها العذب وهمين طراوه شفتها وطعمها
الي
أتاكدلها أن هي مهوسه بشفايف هند
صارت
ايد الصغيره
انحطت على جتاف زهره العريض
(كتف/جتاف)
وبدت تضغط على جتافها كل ما تحس يشفايف زهره وهي جايه تمص بشفتها
لحد
ما فتحت حلكها
وخلت زهره
تطبب لسانها لثغرها
(تغرها/داخل اللحلك الي هو الفم)
وبدت تمص
بالسانها
وتخليها تسمع وتنطرب طرب
الاهات
الي صار
مميز وادمنت عليه حرفيا
ومرت عده دقايق
وهن على نفس الوضع ماكو وحده ملت أو وخرت عن شفه اللخ
لحد حست زهره بأن أنفاس
هند
بدت تضعف وتختنك
فقررت تتركها وتعتق شفايفها
وفعلا
تركتهن
وشافت اجمل منظر
رسمته الها عيونها
وهو
وجه هند
الي جان شكله كلش مغري فحست زهره اكو شي جواها يريدها تتعمق بالعلاقة ويه هند
بس نعلت الشيطان وتركتها
وكالت
لا
مو هسه
لان هي ما صارلها هوايه وياها فأكيد مراح تخليها تحس ان هي تريدها فقط للجنس مو لبقيه العمر
وان هي تحبها
مو لغرض شهواني وانما اكبر من هيج
يربطها شي كلش جبير والي يسمى
بالحب
.
زهره
هنودتي
.
هند
ها ماماتي
.
زهره
خلينا نطلع لشي مكان حلو نتنفس بي شويه هوا
شنو رايج
.
هند
والله
اي
اكيد موافقه
كلشي تكولي اليوم إليه مراح ارفض تدرين ليش
.
زهره
اي ادري
لان هل اليوم بالنسبه الج مميز
وانتي تستغلين كل ثانيه بي
وكت من ماكو اهلج هنا بالبيت
.
هند
صح
وازيدج نقطه بعد
والي هي أهم نقطه عندي
تدرين شنو هي لو اكولها
.
زهره
ادري
بس احب اسمعها من شفايفج
الحلوات ذني الي ينكطن عسل واموت عليهن تحديدا لمن تنطقين كلمه ماما احس هيج كلبي يشتعل نار وجسمي يصير بي طاقه مو طبيعيه
.
حطت هند ايديها على ركبه زهره ووجها صار مقابيل وجه زهره الي ظلت تباوع على عيونها
وكالت
بعد ما باكت بوسه حلوه من شفتها (باكت/سرقت)
النقطه الأهم عندي
أن انتي وياي هسه
وجايه اعيش وياج اجمل يوم بحياتي البائسه
زهره
انتي ما تتخيلين شكد بيه كميه فرح وسعاده
يعني الاندرالين عندي
مدري شيسموه
المهم
هرمون السعاده
مرتفع
لا
مو بس مرتفع
مفول
هيج للأخير
من السعاده الي اني جايه اعيشها لاول مره واول سنه
صارت هل السعاده تجيني
ما ادري هل معقوله انفتحت بيبان الحظ واخيرا
حتى هسه جايه اشهد هل الأجواء الي حتى بمخيلتي ما تخيلتها عادين مو بالواقع
توقعت راح أشوفها (عادين/لعد )
.
زهره
وهي تلعب بشعرها وتتلمس خصلاته الحريره ذات اللون الكستنائي
وتحط بوسه حلوه عليه بعد ما شمت ريحتها الفواحه
.
هنودتي بنيتي
اني هواي اشكرج لأن طلعتي واجيتي بذاك اليوم للمدرسه
وشفتج
بي
اشكر نفسي واشكر لساني لأن نطق كلمه خلت اختج أزل
تجي وتكولج أن اني
وبختها
وثاني يوم المدرسه نورت لمن دخلت بيها
.
ابتسمت هند وضهرت وجناتها كثر ما الابتسامه الي ابتسمتها
هند ومما أدى إلى ضهور غمازاتها الي جابت راس زهره
وظلت تتأمل بيهن
ورفعت اصبعها وحطته على وحده من غمازاتها متلمسه نعومه خدها
الترف
.
هند
يعني بس المدرسه نورت
بيه ؟
.
زهره
لا والله
مو بس المدرسه
اكو من قبلها نور
اول ما دخلتي
.
هند
باستغراب ممزوج مع ضحكه خفيفه
منو
.
زهره
وهي تحط أيدها على ذقن هند وتعصر خدودها على الخفيف
وتقربها لشفتها وتطبع بوسه على خدها
واول ما باستها زهره
سمعت ضحكه صدرت من هند
مقهقه دلاله على استمتاعها
واول ما وخرت شفايفها زهره من خد هند كالت وهي بعدها عاصره خدودها
وتحط عيونها بعيون هند
ناطقه:
قبل ما اجاوبج على سؤالج الي اني وانتي نعرف كلش زوين
تعرفين جوابه
مثل ما اني اعرفه
فقبلها
لازم اخذ بوسه من الخد الثاني لأن خاف يزعل على شفايفي كودن ما انطيته بوسه
مو
.
ضحكت هند
واشرت برأسها وكالت
ههههه اي
.
زهره
خوش لعد
خليني اخذ بوسه
منه قبل لا يزعل عليه
الحلو
.
وأقتربت زهره من خد هنودتها وطبعت بوسه بوسط خدها
وبعدين وخرت
وكالت
وهسه خليني اجاوبج
أو اكلج
خلينا نلعب لعبه
حلوه
شنو رايج
.
هند
لعبه
شنو هي اللعبه
.
زهره
اني اكلج
راح أسألك شي ٣ اسئله
أذا جاوبتيني صح فراح تبوسيني بوسه باي مكان انتي تريدي
واذا جاوبتيني غلط
فراح ابوسج اني البوسه
ها شكلتي متفقين
هسه
.
هند
لحضه خليني افكر
اي
.
ضحكت زهره
على تصرفات هند
تدرين هنوده انتي يوم وره يوم وكل لحضه تجمعني بيج
كاعده تخليني احبج أكثر وأكثر
يعني
انتي
ما اعرف شلون اوصفج
هواي محبوبه هوايه تنحبين ليش عود هيج روحج حلوه
.
هند
ما ادري والله
هيج من ربج اني هيج بلادي
من الله احنا هيك محبوبين ما طالع بأيدنا شي شو نُعمل
.
ضحكت زهره على حركاتها
زين لعد
يله خلينا
نبدي اللعبه
.
أشرت هند برأسها بمعنى موافقه
.
زهره
تمام
راح ابدي اني اسئلج اول سؤال
.
هند
لحضه
.
زهره
ها
.
هند
ليش انتي اول وحده تبدين تسألين ها
شمعنى
.
زهره
غير اني الجبيره
.
هند
اي واذا
شنو يعني وإذا جبيره
لا
ما اقبل
خلينا نبدي بحجره ورقه مقص
والي تفوز
بهل اللعبه عود شسمه تسأل
اول سؤال
.
زهره
يلا
امري لله
.
كامت
هند
من حضن زهره
وكعدت مقابيلها على الكرسي
وحطت أيدها
وكالت
هند
جاهزه
.
أشرت زهره بنعم بتحريك راسها
.
هند
حجره ورقه مقص
بنفس الوقت الي سوته زهره بايديها
وطلعت
زهره
المقص
وهند
الورقه
.
باعت هند على زهره الي حاصره الضحكه
بالكوه (حاصره /كاتمه)
فكالت هند
تمام
نسويها ٣ مرات
ونشوف
يلا
.
ومره لخ همين
سوت حجره ورقه مقص
وطلعت
هند الحجره
وزهره
نفس حركه هند همين
الحجره
.
زهره
تعادل
اخر مره
.
هزت برأسها هند ونفخت الهوا
ودعت
يا رب
تفوز
.
حجره ورقه مقص
.
غمضت عيونها هند
بسرعه اول ما سوت الحركه بايدها
كبال (مقابيل)
عيون زهره الي ظلت
بس تعاين على حركاتها
وقبل لا تفتح عيونها هند
كالت لزهره
ها
منو الي فازت
اني لو انتي ؟
.
زهره
ما اكول
افتحي عيونج وانتي تعرفين
.
هند
لا ما اريد
كولي ياله اني مو كتلج راح اغمض عيوني وانتي تكوليلي منو الي فازت
.
زهره
اي صحيح كتلج
بس هسه غيرت رأيي
.
هند
ياااا ليش
.
زهره
مزاج
.
فتحت عيونها هند بسرعه
وكالت لزهره
انتي صدك تحجين ليش هيج قشمرتي عليه
مو وعدتيني قبل شويه أن انتي تكوليلي منو الي تفوز
.
زهره
اني
.
هند
اي
.
زهره
وين
.
هند
قبل شويه
.
زهره
احلفي
.
هند
وداعه كلو
.
زهره
منو
.
هند
كلو
شخصيه معروفه عند العراقيين يحلفون بيها
وين ما اروح يكولون وداعه كلو
منو كلو محد يدري
لا هو عالم لا هو دكتور لا هو وزير
بس نحلف برأسه
.
زهره
كلو
.
هند
اي كلو
.
زهره
هسه عوفج من الوعد وشوفي
منو الي فازت بينا
.
وقبل لا تنزل عيونها هند كالت
اكيد انتي منو قابل مبينه
ولما نزلت عيونها من زهره لايديهن وشافت هي الي فايزه
وبسرعه رفعت راسها
هند
هاي
اني الي فزت
.
زهره
اي
.
هند
الله يعني اني هسه لازم الي اسئل
.
زهره
اي يله لعد سئلي ام كلو
.
هند
تمام
خلي ابدي
لعد
بس ليش احسج مو على بعضج
.
زهره
شلون يعني
.
هند
ما ادري احسج مثل الي ضجتي
.
زهره
لا ما ضجت
لا يظل بالج
اسئلي سئلي
.
هند
والله
يعني ما ضايجه
.
زهره
ولج بنيتي سئلي مو تعبتيني وياج
.
هند
لا احسج من صدك زعلتي مدام هيج نرجع نعيدها
.
زهره
ولج بنيتي ما زعلت وداعتج عندي ما زعلت
بالعكس اني افرح لمن اشوفج فرحانه ومرتاحه
فوزي الحقيقي وكت ما اشوف الفرحه ماليتج يا بنت كلبي
.
صفنت هند
بوجها وحست اكو فد الم طفيف جوه بطنها
وكلبها ازدادت دكاته
بللت شفتها وعضتها
.
همست زهره
العبي يله
.
هزت راسها
هند
والابتسامه زينت وجها
دلاله على فرحتها
كامت من كرسيها وحضنتها بقوه لمن انشمرت بحضن زهره الي بسرعه فتحت ايديها ومدخلتها بين ضلوعها
.
هند وهي تبوس بوجه زهره
وبين بوسه وبوسه
تكول
احبج ...تنطيها بوسه ترجع تكولها
احبج
وهمين تطبع خدها ببوسه
وكامت
تبوسها وتكولها احبج
أكثر من ٥ مرات
وبعدين
رجعت
لمكانها
بعد ما كالتلها
زهره
واني احبج همين يا روحي
.
هند
السؤال الاول
شنو اكثر شي عجبج بيه اول ما دخلت عليج للاداره
.
زهره
وهي تحط أيدها على حنجها(ذقنها) وتبدي تتذكر أول مره
لمن التقت بهند
وشلون جانت
حلوه من كل النواحي
.
جاوب زهره وكالت
جانت حياتي بارده ما الها معنى صراحه
وجنت ما احب شي وكلشي ابيض وأسود عندي
ما احب اخلتط بناس
ولا اسلم على ناس
اقصى سلام عندي
السلام الاسلامي والي هو السلام عليكم
فقط
روتيني جان ممل
لدرجه كل ليله قبل لا أنام اكول ...بأجر راح اعيش نفس معانه اليوم
ونفس الشعور راح أحسه لمن اشوف نساء وخاصه المتبرجات
أكابر واكبت نفسي
عن ميولي الحقيقي
واكول
ميصير وملازم اتقبل نفسي مثل ما اني
ودومي الصراحه أحسد النساء الي يميلن للجنس المغاير
يعني

اكول لو الله خلقني رجل لتزوجت بامراه جميله
واكون عائله حلوه وياها ...تخيلي يا هنودتي
وحتى اني لمن اتمنى لو جنت انسانه حالي حال البشر الي مو مثل حالتنا
همين ما احب اكون امراه مع رجل يعني ما احب ارتبط مع رجل
احب اكون اني الرجل اي
بس ما اني اصير مراه للرجل
لا
.
هند
زين واول ما شفتيني شغيرج وشغير تفكيرج
.
قربت أيدها من ايد هند ولزمتها وحضنتها بين جفوفها
وكالت
الي غيرني أن شفت الحب الحقيقي بيج
بعيونج
بارادتج تمسكج بيه واصرارج أن ما تتركيني
انتي مثل الحظ الجيد ألي يلتصق بالبشر ويعوضه عن كل يوم ولحضه عاشها الإنسان بتعب
هند
انتي
اول واخر بنيه
الي بدلتيني وخليتيني اتغير وطلعتي زهره الي جانت محبوسه جوه
اني هوايه ممنونه الج واشكرج
اشكرج كومه لأن نقذتي مراه مدمره من كل نواحيها ...ووعد مدامج ما تركتيني وساعدتيني اطلع من دوامه الأفكار الي تعبت مخي وكلبي فاوعدج مراح اتركج ولا لحضه من اليوم اني وانتي
سويه
احنا هسه عائله وحده
ماشي حبيبي خلي ايديج ورجليج بمي بارده وريحي نفسج وثقي بيه
.
ابتسمت هند وكلبها كام يدك بقوه وعيونها انملت بدموعها وحست من جوه اكو فد شي كلش حلو راحه ...راحه جانت ناطرتها من زمان
هند
واثقه
وداعتج عندي واثقه
ومراح اتركج ولا لحضه وعد مراح اشوف وحده غيرج وما احب وحده غيرج
ولا راح اقبل
أن اتركج أو احب عليج
انتي العوض انتي
الكل بالكل
انتي املي
انتي حبيبتي الي ربنا جبر خاطري بجيتج لعندي
.
حطت أيدها على خدها وباست رأسها
وبعدين حطت جبهتها على جبهه هند
احبج
هنودتي
كومه احبج
.
ردت هند
واني بعد احبج هواي
.
ابتسمت زهره على كلامها الي ريح كلبها
وخرت عنها وكالت
تمام
ننتقل للسؤال الثاني
.
هند
السؤال الثاني
يكولج
شنو الصفات الي حبيتيها بيه
.
زهره
يوووو هوايه
ما ينعدن كثر ما هن كثار
(كثار/كومات)
.
هند
اوك لعد ذكريلي حتى لو ٥
منهن
.
زهره
من عيوني
تدللين
بس قبل لا انطق بحرف
اريدج تنطيني ايدج
.
رفعت زهره ايد هند وأخذت تعد باصابيعها
.
زهره
هسه اني راح اكلج شنو الصفات الي حبيتها بيج وعشقتها مو بس حبيتها وانتي عليج تعدين
اتفقنا
.
هند
اتفقنا
.
زهره
واحد
دمج عسل
اثنين
حركاتج تموت
ثلاثه
حنينه وبيج حنيه مفتقدتها اني من زمان وجنت ادور عليها وبيج لكيتها وعجبتني وما صدكت ولكيتها
اربعه
اكو شي جذبني بيج اول ما شفتج ارتاحلج كلبي
وظليت افكر بيج
ووين ما اروح تظلين تخطرين على بالي
حرفيا انتي دخلتي لاعماقي حبيتج مو بيدي وما عرف ليش
وشلون مو مهم عندي المهم اني مرتاحه وياج
وخمسه
واخر شي
طريقه تفكيرج
الي كلش واعيه
والي خلتني اراجع نفسي من جده وجديد
واكول ليش اني جايه ادمر نفسي وامرضها
وما جايه انطي لنفسي الحريه والفرصه لكلبي أن يحب وينحب
وبعد وبعد
بس انتي ردتي اذكرلج خمسه
فذني خمسه
.
هند
كل ذني الصفات حبيتيهن بيه
.
زهره
واعشقتهن مو بس حبيتهن
هند
انتي بنيه مميزه وحلوه من كل النواحي
الجمال الداخلي الي بيج طاغي على جمالج الخارجي
يعني اني حيل محضوضه بيج
واشكر الله أن عوضني بوحده كامله مكمله من الصفات الي
جنت حتى استحي احلم بيها
.
.
.
.

.
.
.
.
.
يتبع
اشكروا البنيه اسلام
لان هي خلتني
اكتب هل البارت
لان التفاعل زفت صراحه
بس هي كالتلي كتبي حبابه احب هاي الروايه
كلش
فكلت ماشي
يله باي يا سناجبي المتسنجبات
تحيى السناجب العظيمه
سنجوبه هبه تودعكم
🐿️
في امان الله