تمارة صبرت بحبك سنين

part11

البارت 11
.
.
.
.
تماره.....كاعده وسمعت صوت السياره بالباب كلبي كام يدك بسرعه يا هاي شبيه اني دخل علي وسلم على خاله وبوسها وبوس ضحى وهند من وره خشمها اسلم ضايجه لان رجعها من وكت
علي.....بوستهم كلهم بسره وصارت عيني على تماره رحت سلمت عليها وبستها من خدها هيه حمدت بمكانها
تماره....اجه علي وباسني من خدي كدامهم اني متت من الخجل وبقيت مصدومه مكدرت اسوي اي ردت فعل بس هند جان الها ردت فعل عنيفه الوجه نكلب وراحت لغرفته بعصبيه وركعت الباب حيل علي غمزلي معليج بيها
حضرنه العشه وكلت الضحى انتي صيحيهم صاحتهم وجوي يتعشون
علي.....الاكل يفتح النفس بوجه تماره مو بيدي ادمنت حبها اكل واباوع بعيونها مشتاقلها وهيه تحاول تتهرب مني
هند....علي اكل تماره بعيونه اكل روحي طلعت شلون بيه لازم اخلص منها باسرع وكت ممكن
تماره.....علي مشال عينه متت مستحه ونحرجت كولش خالتي وضحى مكيفات ويضحكون بس اني تلبكت كلش كمت ما اباوع عليه ابد
علي....خلصنه اكل وهند مثل الخطار كامت كعدت بصاله وتماره تلم الميزه وتغسل مواعين راحت ضحى اساعدها
اريد احجي وياها بس هاي البومه كاعده شلون بيه دزيت رساله الصديقي ياسر كاعد خابرني كاعد يم الحماعه وسطروني  شويه وخابرني ياسر اخذت التلفون وطلعت من طلعت اشرت التماره راح اخابرج
ياسر....ها ولك بدت سوالف المزوجين
علي....ولك هند خنكتني اريد احجي وي تماره ماكو متطيني مفكه
ياسر.....ههههههه كتلك خويه لاتستعجل
علي....والله لو اعرف بيها امل مجان استعجلت وحركت دمي سويتها شغلت عناد وهسه اني الي اكلتها ردت اخرب الخطوبه بس شفت بعينك كل عركه شلون لزكت هند هيه وامها
ياسر....دروح بعدين نكمل لحك خابر مريتك
علي.....سديته من ياسر ودكيت على تماره...الوو
تماره...خهههههههه نحجي بتلفون واحنه بنفس البيت
علي.....مزاجي حلو ومرتاح لان شفتج ماريد اخربه بلغاوي هند
تماره.....حمد الله على السلامه هسه يالله البيت صار بيه روح
علي.....هاي عليه ؟؟!!!حلفي
تماره.....شبيك ممصدك ليش انت شويه
علي.....وج تماره شاربه شي بيج شي خاف مصخنه
تماره.....اهوووووو راح اسد التلفون
علي.....لا لا وين اسدين التلفون انتضري مو قصدي بس ممصدك خلصت عمري اتمنه اسمع منج كلمه حلوه نشف ريكي وانتي كلشي ماكو ليش محجيت من وكت ليش مخليتين اخرب العرس
تماره....والله كتلك بس انت مقتنعت
علي.....كتيلي متحلمه مو خوش حلم مو حب بيه.....تماره اسالج سؤال
تماره....كول
علي....انتي شنو مشاعرج اتجاهي يعني تحبيني تشتاقيلي اضوجين مني شنو ؟؟
تماره.....علي الصراحه مشاعري مخربطه ما ادري بس الي اعرفه من سافرت اختنكت حيل واليوم صار عليه بسنه تعبت حيل بغيابك ومن رجعت حسيت مثل الغركان وشم الهوه
علي......تماره ابقه انتضرج طول عمري ولاخر نفس بيه مدام عدي امل الدنيا حلت بعيني شنو اليوم خدج وشنو عطرج ابقه عمري كله هايم بيج
تماره....علي اني خاله اصيحني حروح  اصب جاي تعال اشرب
علي.....جاي 
تماره....صبيت جاي وشربو وهند مثل الخطار شربت جاي وكامت لغرفتها حتى كوبها مشالته كمت الم الكوابه مال جاي علي كاعد يباوع عليه صاحته هند 
علي....شكو اجيت شتردين
هند...شنو متنام
علي....من اريد انام اندل الغرفه
هند ....كمت ما انام ليلي كله افكر شلون اخلص من تماره لازم اراقبها حتى اخلص منها بقيت اراقبها مره سمعتها تحجي وي واحد بتلفون تكله حيدر مو اجي الكاك طالع
تماره....صارت فتره من رجع علي والوضع متوتر هو يريد يتقربلي يتغزل ويحجي اني مرات احس احبه ومرات احس دا اخون هاني ومنانه هند متفك مني بس اذب حجي تعبت احس نفسي بدوامه خابرت حيدر كتله اريد اشوفك كلي تعاي كتله خلي اشوف علي وارجعلك خبر......حيدر  مو اجي الكاك طالع
علي....ها ياروحي ترد روحي من ادكين عليه
تماره....علي ميخالف اطلب منك طلب
علي....عيوني الج
تماره....اريد اشوف حيدر
علي.....ليش ....مطلبين شوفت حيدر ال حايره او مقهور وتعبانه
تماره.....حيدر اخويه واريد اشوفه صار هواي مرايحه الهم
علي.....اوكي اوديج بس تماره اني الي مفروض تشكيله همج ....انتي احد مضوجج بالبيت ؟؟اكيد هند
تماره....ماكو شي والله هسه شنو توديني
علي....اي اوديج صار تحضري ساعه وامرلج
تماره....بدلت وطلعت
هند.....كعدت افكر لازم اسوي شي اوكعها فكرت اخلي علي يشك بيها واحجي وي ايهاب هو كاتل نفسه عليها وعود هيه عدها علاقه وي ايهاب وايهاب يعترف وعلي اكيد حيكرها ويطلكها ......شوهاي بدلت وطلعت باوعت من الشباك هذا علي متت شبت بيه نار خابرت ايهاب واجاني وفهمته على كلشي كيف
ايهاب.....وين الله وصدك اصير الي غير اجنن
تماره....سلمت وكعدت مشتاقتلهم كلش ولكيت سرى جايه هناك وحامل

علي....شفتها شلون فرحت من دخلت الهم ...تماره ابقي لليل اجي عليج
تماره....صدك
علي....اي صدك هذوله اهلج وحيدر اخوج طول عمره محافظ عليج وانتي تماره اعرفج شنو وحجي الناس ميهمني حروح واجيج بليل
تماره.....راح علي وبقيت وي البنات واجه حيدر كعدنه نسولف
حيدر....يعني انتي

لحد هسه ماكو شي بينكم
تماره.....بس حجي بتلفون
حيدر....ههههه استغفر الله اول مره اشوف ثنين مزوجين ونفس البيت يحجون بتلفون ويتغازلون
تماره....شسوي والله تعبت التفكير تعبني هو لو عليه من زمان الوضع طبيعي بس اني كل ما يسالني تحبيني لو يطوخ  ويايه بالحجي احس دا اخون هاني
حيدر....يعني شيكلج يطوخ وياج بالحجي
تماره.....اني ورجلي انت شكو 😳
حيدر....شفتي انتي دتكولين رجلي انتي هسه ملكه اله وهو ملكج
تماره....دنجت واسمع حجي
حيدر.....انتي هيج دتخونين علي مو هاني انتي هسه زوجة علي هاني مات لازم تتقبلين الواقع وغير هيج انتي تحبين علي ومبينه من عيونج لمعه بعيونج لمعه مصير بعيون بس الي يحب انتي بعدج صغيره والعمر كدامج هيج تعذبين هاني وتخوني علي بفكرج ميصير تفكرين بهاني انتي عاقله واعيه صيري سباعيه حافضي عل بيتج وزوجج وديري بالج من هند من حجيج مبين عليها مو راحه وخايف لا اسويلج مصيبه
تماره.....اني مسلمتها بيد الله .....كمت من يم حيدر مرتاحه واحس جبل نشال مني كمت حضرت العشه وي البنات وفرحانه لليل اجه علي اخذني
علي....اشوفج مرتاحه لازم جلست دكتور حيدر فادتج
تماره....ابتسمت رب اخ لك لم تلده امك
علي.....اباوع على ايدها واحوص اريد الزمها متردد خاف اضوج ادري متحب اتقرب الها بس اجرأت ولزمتها
تماره.....علي لزم ايدي اني كمت ارجف ما اعرف ليش
علي....ممسويلج شي بس لازم ايدج ..هيج اني اخوف؟
تماره.....لا بس متوقعتها
علي....اوخرها اذا مضوجتج
تماره....ممضوجتني وبراحتك
علي....طرت فرح بقيت الطريق كله لازم ايدها
تماره....وصلنه للبيت لكينه هند بالمطبخ والوجه مكلوب عفتها ودخلت للغرفه ....مشت الايام واني وعلي تلفونات بينه مره دا انام علي دزلي رساله مشتاقلج تعاي للمطبخ
تماره....كمت طلعت للمطبخ اول مدخلت جرني وحضني حيل
علي.....اووووف مشتاقلج حيل
تماره،.....بقيت بمكاني هو حاضني ....علي لاتجي هند
علي....شسويلها قابل بايك انتي مرتي بس اني علمودج لان بس يعرفون لازم ابات يمج
تماره....ها😳
علي.....شكو قابل 😉رجعت جريتها لحضني العب بشعرها وامسده
تماره....تمنيت بفراشي حتى اغفه شلون حنان بي
علي....رفعت راسها وبستها برقه
تماره....متت وانتهيت بوسته ما اكدر اوكف هو لزمني
علي.....تماره حبيبي روحي لغرفتج وصلتها ودخلت لغرفتي تمددت افكر  هند بيوم العرس وهيه بنيه ممزوجه قبل هيه اجتني وهاي مزوجه قبل باع شلون تخجل وشلون تاثرت
تماره ....كعدت الصبح اريد اسبح اخذت الخاولي لكيت هند طالعه من الحمام وبالبرنص
هند.....تاخرت عليج تدرين علي ميكعد راحه كل شويه اسبح
تماره....ابتسمت بوجها ودخلت للحمام بس هو نزل ماي على راسي وهيه دموعي نزلت وياه كملت وطلعت علي صار بوجهي غمزلي وكلي جذابه جنت يمج بالمطبخ وهيه نايمه تريد اضوجج عوفيها
علي....سمعت هند شحجت وي تماره دخلت طيحن حضها بدلت وطلعت صارت بوجهي تماره ومبين عليها باجيه هواي كتلها جذابه
تماره.....حتى لو صدك هيه مرتك لازم يصير هيج بينكم
علي.....انتي هم مرتي واريد يصير وياج مو وياها انتي الي ماخذه عقلي وكلبي وروحي ونضري ورغبتي ما احب ولا ارغب غيرج حني عليه عاد
تماره....متت مستحه عفته ودخلت للغرفه بس ارتاحيت من حجي علي بدلت وطلعت سويت الوضع طبيعي

يتبع.....