نزلت اريام بعد ماهدت اسماء وخلتها تنام!
تقدمت من اسيل: وش راح يسوون هم طلبو الطلاق!
اسيل: اتصلو علئ ابوه وقالوله انه لازم يجي!
ريهام: الله يستر بس!
كل مانكون سعيدين تجينا مصيبه او مشكله!
اريام: حرام عليك عاد هاذا اختبار من ربي!
قولي الحمدلله ان حنئ عايشين بس!
ريهام بملل: الحمدلله!
وش قلت انا اووف!
اسيل: لا اوف ولا غيره خلونا نسوي الشاي والقهوه قبل مايجون!
اريام وهي تتوجه للمطبخ: زين الي ذكرتيني الحين يجي سعود ويعصب علي!
ريهام وهي تلحقها: وانتي هاذا همك بس!
ضحكت اسيل وهي تلحقهم!
مجلس الرجال:
ابو ماجد تنهد بتعب: طيب وش نسوي الحين!
ضحك سعد ب استهزاء: كيف وش نسوي ليه حملها بيغير شي!
حملها مابيغير شي واختي مطلقه مطلقه فاهم!
صالح: كيف يعني مطلقه مطلقه والولد الي ببطنها!
التفت علئ سعود: سعود انت الكبير والفاهم قول شي!
وقف سعود: انا مع سعد حملها مابيغير شي بس لما ترجع اكيد ماجد راح يسوي العمايل!
وانا ما ارضئ!
وقف ابو ماجد: تمام انت معك حق كذا راح يكون بينهم مشاكل زياده!
صحت وهي تتذكر وش صار لها!
تذكرت وحطت يدها علئ بطنها ودموعها بعيونها!
ضغطت علئ بطنها وبغصه: ياليت انجبرت اتزوجه ولا اخذ ماجد!
دخلت اسيل: راح تطلقي وحملك ماراح....!
وقفت بصدمه وهي تشوف اسماء تبكي!
تقدمت منها بخوف: اسماء وش فيك راح تطلقي تطمني حملك ماراح يتغير شي!
اسماء دفعت اسيل بقهر ودموع: وش الي مايتغير تعرفين ايش ابوي ابوي يالي وصاني ان الحفيد الاول مايكون الا من جراح!
جراح هو الي لازم يكون ابو الطفل الي ببطني!
اشرت علئ نفسها بدموع وصوت يقطع القلب: بس انا!
انا خنت كل شي قاله ابوي انا خنت ابوي وثقته فيني!
وبغصه وهي تمسك راسها وتضربه بقوه: انا دمرت حياتي بنفسي!
وقفت اسيل وهي تحاول تبعد ايديها وتبكي: اسماء تكفين لاتسوين كذا!
صرخت اسماء وهي تضرب بقوه: انا ايش سويت انااا!
طاحت علئ الارض لما جاها كف من اسيل!
ناضرتها اسيل وصرخت: انتي مفكره ان هالشي بيرجع كل شي لمكانه!
انتي مفكره ان ابوي بيرجع بعد ما مات!
رفعت اسيل راسها ودموعها علئ خدها: حنا نولدنا كذا!
نضرات الشفقه علينا بسبب امي وامك!
ولا احد اهتم فينا غير ابوي!
ولا احد يستحق كلمة شكر غير ابوي!
الناس والعالم ولا احد وقف معنا غير ابوي الي وقف علئ رجليه!
ابوي الي سواء شركه كبيره وابوي الي اشتراء بيتنا!
ولا احد وقف معنا فاهمه ولا احد!
مسحت دموعها بكف يدها وجلست علئ الكرسي وهي تبكي!
بدت اسماء تتلمس الارض وهي تدور اسيل!
ناضرتها اسيل بقهر: هاذا الي تقدرين تسوينه يا بنت نايف!
هه من لما حبيتي ماجد وحالتك كذا!
تقدمت منها وهي تجلس لحد مستواها وتضمها!
بعد اسبوع:
سحب خصرها وابعد خصلات شعرها وهو يتكلم: ما اشتقتي لي!
عضت شفايفها بخوف: تكفئ ماجد اطلع انا مو محرم لك!
ابتسم ويده تسللت وهو يمسك بطنها: انتي حامل بطفلي وانا لسه ماطلقتك!
اسماء: بس اليوم راح يتم كل شي!
ماجد وهو يغمض عيونه ويسحبها لحضنه: وقت يتم كل شي بوقتها تكلمي!
انا مو مطلقك!
اسماء ودموعها نزلن: وش قصدك!
ماجد بدون اهتمام: قصدي واضح!
انتي لي وانا لك وماراح يفرقنا الا الموت!
الحين نامي بسرعه!
يتبع...!
