_يعني اي مش موافقة
=يعني مستحيل افضل مع بني آدم زيك انت اناني
ومش موافقة يعني مش موافقة
وسابته ومشت
عماد :انت هتسيبها تمشي لوحدها ي آدم
آدم كان بيزفر بضيق وهو باصص عليها ماشية وبعدين اتكلم بهدوء :هترجع. واحد.. اتنين.. تلاا..
كانت بتعيط :روحني البيت
آدم لف وركب العربيه وعماد ركب من ورا
آدم :البرنسيسة مش ناوية ولا اي
حاضر وركبت جمبه....صمت طول الطريق.. وهي نامت
عماد :آدم براحة على نور هي مش عارفة حاجة وانا متأكد انها لما تعرف هتقف جمبك فهمها وبراحة
آدم : إن شاء الله.. نتقابل بكرة بقي
آدم كمل الطريق لبيت نور
نور..نور. شالها ودخلها البيت
آدم :ي خالتي
هناء:هيييي بخضة. آدم مالها نور
آدم :نايمة افتحي باب اوضتها انيمها في سريرها
فرد جسمها بهدوء وقال في نفسه( بقي انتي ي ام لسانين تبقى هادية وقمر كدا وانتي نايمة)
هناء: آدم. آدم
آدم :نعم ي خالتي
هناء: ي روح خالتك هتفضل باصص للبت وتتأمل فيها كدا دانت ناقص تروح تاخذها في حضنك
آدم :لو معندكيش مانع
هناء:اتلم ي واد وتعالي نقعد مع بعض برة
آدم :لا معلش وقت تاني انا ي دوب اروح انام كام ساعة واصحى اجيب سيف من المطار
هناء:طب ي حبيبي لتكون عاوز حاجه
آدم :سلامتك يا رب
*********************
_ي حبيبتي هم اسبوعين بس وارجع اخدك وتبقى معايا على طول
=لك حبيبي لا تضل بعيد عني راح اشتاقلك كتير
_هحاول يكون اسبوع بس ي روحي انا مقدرش ابعد عنك
_سيف
= اي ي روحي
_ كنت عم فكر اذا اهلك راح يتقبلوني بيناتون
= لي بتقولي كدا ي حبيبتي اكيد هيحبوكي وهتكوني بنتهم وبعدين انتي حرم سيف الشاذلي يعني هتكوني ست البيت هناك
يلا بقي عشان ننام عشان الحق الطيارة تصبحي على خير يا قلبي
**********************
استوووب✋
نتعرف بالشخصيات
*سيف محمد الشاذلي ٣٠ سنة دكتور أطفال درس طب في اميريكا واشتغل هناك في مستشفى خاص وماسك الإدارة بتاعة المستشفى
*آدم محمد الشاذلي ٢٥ سنة مهندس مدني وقاعد مع والدته وبنت خاله بعد وفاه والده في حادثه
*زهراء علي المحمدي*٢١ سنة بتدرس فنون جميلة
قاعدة مع عمتها امها وابوها اتوفو في نفس الحادثة مع محمد الشاذلي
*نور ابراهيم * ٢٠ سنة بتدرس فنون جميلة زي زهراء
باقي الشخصيات خليهم مفاجأة 😅
***************************
في صباح يوم جديد...
صوت المنبه بيرن
آدم :صحيت والله صحيت الواحد ما يعرفش ينام شوية ولا يكمل نوم
صوت خبط ع الباب ودخلت زهراء :
آدم. آدم يلا اصحى عشان تروح تجيب سيف بسرعة وتيجي
آدم : ي صداع ماتروحي تجيبه انتي و تريحيني . مش انتي بتعرفي تسوقي
زهراء :انا انا معرفش
آدم: متعرفيش اي... تسوقي؟
زهرة :اسوق اي بس ي آدم انا معرفش شكل سيف اكيد اتغير صح
آدم :امشي ي بت من هنا. صح قومي اعمليلي فنجان قهوة معلش اكون لبست
زهرة :حاضر
زهرة:ادي القهوة يلا بقي بسرعة
آدمكان بيشرب وهو بيبصلها : هاتي المفاتيح وامسحي الروج اللي حطاه ده
زهرة:ماله
آدم :مش حلو
زهرة:لا حلو وو
آدم مسحه بايده: لا وسابها ونزل
زهرة بغيظ وزعل :لا كان شكله حلو
*****************
سيف: آدم حبيبي
آدم :حمدلله على السلامه يا خويا وحشني. يلا اركب اركب في حد مستنيك في البيت على نار
سيف:اكيد امي وحشتني اووي
آدم:اه وحد تاني. بس اي دا فين شنطك ولا انت ناوي ترجع على طول.
سيف:اه اسبوع كدا مش هطول وارجع تاني
آدم:لي كدا
************
هناء: بت ي نور اصحي هنروح بيت خالتك سيف زمانه وصل
نور: حاضر قومت اهو
نور: ماما
هناء:نعم
نور:البس الشوز أسود ولا ابيض
هناء:ي مراري البسي اي حاجة ويلا
نور:حاضر يلا
***************
سعاد بفرحة ودموع:حمد الله على سلامتك يا بني وحشتني اوي اوي ي حبيبي
سيف حضنها :الله يسلمك يا ست الكل انتي الي وحشتيني اكتر
سعاد: مالك يا حبيبي جاي رفيع ووشك اصفر كدا هو انت مكنتش بتاكل ولا اي
زهرة يا زهرة قوليلهم يحطو الاكل بسرعة
زهرة خرجت من المطبخ وهي بتبص ل سيف: حاضر ي عمتي
حمد الله على سلامتك يا ابيه
سيف:الله يسلمك يا زهرة
هناء :سيف يا حبيبي حمد الله على سلامتك
سيف:الله يسلمك يا خالتي فين البنت نور
نور:انا هنا اووه سيف ازيك يا دكترة لا دي الغربة بتحلي هههه
سيف:ههههه لسه زي ما انتي شبر ونص ولسانك غالب
نور:ههههه الله ي دكترة لا يبقى طول ولا لسان فين العدل بقي
آدم بص بحدة ل نور: اهو الصداع هيبدا انا طالع اوضتي انام
زهرة كانت متابعة كلامهم وكانت زعلانة عشان سيف مسالش عليها ولا كلمها زي ما بيتكلم مع نور.. لحقت آدم وهو طالع
زهرة: آدم استنى انت مش هتاكل الأول
آدم:لا مليش نفس انا هنام
آدم طلع وهي دخلت المطبخ تاني
**************
جه وقت الاكل
هناء: زهرة انتي مش هتاكلي ولا اي ي حبيبتي؟
زهرة :لا ي عمتي هبقي اكل وقت تاني بعد اذنكم.
سمعتهم وهي طالعة..
سعاد :عارف ي سيف اهي زهرة اكتر واحدة كانت مستنيه رجوعك من السفر وعملت الاكل ده كله عشان عارفه انك بتحبه وفضلت تزن على آدم عشان يروح يجيبك بسرعة بس مش عارفة لي مقعدش تاكل معانا
********
كانت داخلة اوضتها
آدم:زهرة
زهرة:انت منمتش
آدم :لا معاكي مسكن حاسس بصداع
زهرة:اه ثواني اجبهولك
دخلت ودخل وراها
آدم:مقعدتيش تاكلي معاهم لي مش كنتي عايزة تشوفيه
زهرة:اه شوفته بس عايزة انام شوية
آدم :مالك
زهرة:ماليش
آدم :هتخبي عليا ي زهرة
زهرة :آدم هو ده سيف
آدم :هههه لا غيروه
زهرة: آدم متهزرش
آدم:ليه بتقولي كدا
زهرة:حساه مش هو نفسه سيف
آدم :اكيد ي حبيبتي بقالك ١٣ سنه مشفتيهوش يعني ملامحه اتغيرت
زهرة :لا مقصدش شكله.. هو نفسه مش حساه سيف اللي اعرفه
آدم :ده طبيعي بقاله فترة بعيد عننا وبعدين بكرة يتكلم معاكي وتلاقيه نفسه سيف
زهرة :اه ممكن طب خد بقي المسكن ويلا هويني عايزة انام
آدم بتريقة :آدم آدم يلا تروح بسرعة وترجع بسرعة ودلوقتي يلا هويني عايزة انام
زهرة :طب يلا ياد من هنا
استنى متطفيش النور
آدم بعند : طب اهو
زهرة: يسس وده اللي كان في دماغي شاطر ي آدم والله 😂
********************
تحت
سيف :طب استأذن انا اطلع انام في اوضتي
سعاد؛ ماشي ي حبيبي
هناء: ها وبعدين ي سعاد
سعاد:نعم ياختي
هناء:آدم ابنك ناوي يعقل امتى
سعاد :نقول ربنا يهديه وبنتك تربيه اه انا كبرت ياختي
نور: اربي مين ياخالتو ده آدم ده حيوان ده مش محترم ده ده ده مش بني آدم اساسا انتو سميتوه آدم ازاي
هناء وسعاد بيبصو ورا نور ويبصو لبعض
نور:في اي مالكم وبصت ووو
يتبع......
استنو بارت 2
رواية #تعاهدنا_الا_نفترق
بقلمي somaia Mohamed
