فصلية وانا طفلة

part 1

فصلية وانا طفلة
‏لا سند لك إلا نفسك ، إياك أن تميل

ابو ياسر:اني اسمي راضي وعدي3
نسوان واموري ماشيه ويايه وعدي من نسواني الثلاثه
9ولد وبنيه وحدة اسمه شهد انه اكره البنات احب بس
الولد البنات ماتفيد بالدنية هنه حشاكم هوش وسارح
واذا ماداريه يتملكه غيرك وانه عدي بيت واحد معيش
نسواني وانه فلاح عد الشيخ وهذه شيخ جبير
وحاكم وعادل واحبنه كلش واحد من ولدي كتل ابن الشيخ
وهم شباب وطايشين ورحت للشيخ وابوس برجليه
واطلب مني فصليه وانه ماعدي بنات بس هاي شهد
وعمره 9وانه رحت لامه وكتله وماقبلت ونزلت
عليه ضرب وبسط لحد ما سكتت ونطيتهم فصليه

ابو ياسر:اسكتي بنت الكلب انعل والديج

شهد: جنت العب ومسويه كصايب اني مواصفاتي
ضعيفونه وسوده وصخه من العب بس شعري طويل وعيوني زرك ويكولولي ضالمه روحج ولج انتي حلوه لو عايشه بمدينه بس اني سمره وشعري اشكر  عجيب غريب شكلي بس كلش محبوبه وجنت العب ويه بنات عمي هنه اصغر مني نلعب بيت بيوت واسبح بل شهر مره ومرات بس بالعيد او من نطلع

ام شهد:تعالي خايبه اسبحي شهد ولج تعالي لاتشلعين كلبي.

شهد:عاااااااااااااااا راح نطلع

ام شهد: لاتجورعين بنت الجلب

شهد:يمه بس انتي تليفين حيل وتأذين جسمي

ام شهد:ولج خايبه شهل وصخ هم مثل البنات
من ياصنف الولد مو هيج............سبحت بنتي
وسويتله كصايب ولبسته دشداشه جديدة اني خيطته
وهيه تضحك وماتعرف شنو السالفة وتلعب بلعابته

شهد:صح اني وكحه وصخه بس كلش ذكيه وشاطرة
بالمدرسة هسه نجحت للصف الخامس ابتدائي ودرجاتي ماتقل عن 10جا شعبالكم فرد نوب اني وصخه وكحه وكسلانه لا لا عيني انه شاطرة

اجت امي كالت انتي راح تصيرين مثلي ام بيت وغرفه وحيات جنت فرحانه ماعرف شنو السالفه اصلا ورحت ويه ابويه لي هوه يعاملني هويشه وعده يسرح بيه وانه اباوع ع البنات لي ويانه بالسلف يلعبن تمنيت اروح وياهن بس ابوي يسحل بيه الى ان وصلنه
البيت الشيخ وامي جانت تكلي انتي تتزوجين ابن الشيخ انه فرحت لان جانن البنات كلهن حاطات عينهن ع ابن الشيخ لان هوه شخصيه وجنت اسمعهن يكولون هذه الي تاخذه صدك عده حض وابوي وصلني وراح
اجت مره طببتني بالقصر مالت شيخ وشفت القصر ضليت فاتحه حلكي وصافنه بكل ركن بل قصر واكول خرب هنا العيشه وين جنت انه

وشفت الشيخ وكال تعالي بنيتي وحط ايده ع راسي
وكال عاملوه زين تره هيه ماله ذنب لي صار قضاء وقدر وهاي بعده طفلة عاملوه مثل بتكم اختكم انه ضليت صافنه