بارت 5
/////////////////////
بناتي وابني اعز شي عندي
بناتي لكبار سمر و فوفه كامن يحسن و يفتهمن
حجي بيبيتهن ويعرفن انو هيا تكرهن
مرور هل سنين طلعنا بيت وحدنا
وكل حمويني اتزوجو وصار عدهم جهال ولد مشاء الله عليهم
كبرن بناتي ويا حلاتهن وابوهن معروف بل شيخ عشيرة &&&&&&
ابني هم كله ابن فلان سعيد عشيرة ###
صيت ولحمد الله
خلي احجي شويه عن رزق الله لسعيد من بعد ولاده بناتي
جان يحلم سعيد ب سيارة و بيت ملك مو ايجار و يحج بيت الله و يشتري محل ملك و يخدم زوار أبا عبد الله لحسين
من ولدت سمر ورى شهر اشتريته بيت ملك طلعنا من ايجار
من ولدت فوفه ورى بشهرين اشترى محل ملك وكان يشتغل بي ولحمد الله
من ولدت نور ورى اسبوع راح للحج وحج بيت الله الحرام
اي حج حجه جبيرة لحمد الله
من ولدت سالي أشتري سيارة من احسن لسيارة لحمد الله
من ولدت مريم شلنه بيت ثاني وجان كل سنه يمرون علينا زوار أبا عبد الله لحسين الف لحمد الله
عن رسول الله صلى الله عليه وسلم أنه قال
( البناتُ حسناتٌ، والبنون نعمٌ، فالحسناتُ مثابُ عليها، والنعم مسئولٌ عنها )
صدق رسول الله
ولحمد الله ع كل حاله
بنتي جبيره سمر اتزوجت
بنتي فوفه مخطوبه
نور و سالي يدرسن
مريم بعدها صغير
سام خطب بس بيبيته خربت خطبه
وسام ما يريد يتزوج لان جان يحب خطيبته
وهسه تلح عليه ام سيعد علمود احبل علمود اجيب اخ لسام
بس اني ما اكدر كلش تعبانه من خطار و بيت جبير وبنات وأبو سام 24ساعه عشه غدا اكو خطار
واني ما أولد طبيعي عمليه وكلش تعب اصلا عيب
بعد احبل وبناتي وحده متزوجه وحده مخطوبه
ناس شيكولون عليه
قبل أشهر سويت عمليه لرجليه
وهسه حالنا زينه لحمد الله الله ارزقنا بنات يخبلن
عندي بناتي يسون لكون
ياخذني حقي وما يسكتن صح ابوهم يرزلهن لان يحجن
بس والله ما يسكتن
اني من يحجن اكلهن ماما سكتن
ايات :ماما سمر فوفه سكتن لا تحجن علمود ابوجن لا يضربجن ولا يصيح عليج
سمر:صبرت وانتظرت لحظه اتزوج علمود اكدر اخذ حقج وما اسكت ومن اتعارك ويا بابا اروح بيت زوجي ماما بعد ما استحمل هيج تسوي وياج بيبي
ايات:انتي معليج سمر اني و بيبتج لا تدخللين
سمر:مو انتي ما تحجين وهيا تتجاوز عليج يعد ممنوع
و ع هل حاله سمر تتعارك ويا عماتها و بيبيتها
وأبوها من يدري يرزله بس ما تسكت
وبعد شكم شهر زواج فوفه
ادعولي بل صحه وعافيه لان اني كلش تعبانه
وأدعو لابني الله يصبرة و يسعده
ولبناتي سعاده
وأدعو لسمر طفل صالح
شكرا الكم ع مشاهدة القصه
_______________
