بسم الله
"" "" "" "" "" ""
بارت 28 فصليه اني وصديقتي
نارين.. والله معليه هو يراسل وانه احظره ويرجع يطلعلي من رقم ثاني ارزله واحظره ويعدي يومين ويرجع يطلعلي من رقم ثاني والله انه معليه
صكر.. انتي لو ما نطيتي وجه جان ما سوى هيج
نارين.. والقرآن انه ما انطيته وجه وحق الله تريد تشوف المحادثه هسه اجيبلك تلفون وشوف كلشي
صكر.. كومي جيبيي
.. صعدت نارين هاي صارلنا شهرين ما ماخذين راحتنه كل يوم امي جايه وتخطب نارين وهنا يرفضون وكل ما يجون تنكتل نارين مدري ليش قابل هيه الي رايحه تخطب اشو هو يجيب امي ويجي
نزلت نارين اخذ منها تلفون وظل يكلب سد تلفون وكال
صكر.. إذا اجه بعد مره احجي ويا وكليله انه بت حرام وما تزوجك
نارين.. حاضر
.. خلت وصعدت واحنه بقينا مصدومين شنو بت حرام يعني مو اختهم معقوله
ام الأسد.. ليش حركت كلبهاا
صكر.. هذا الواقع
الأسد. بس ما يصير تحجي كدام الكل مو خطيه
صكر.. الأسد نريد نسد هاي السالفه انه اختي ماانطيهاا لهذا
رهف.. اي هذا ما يعجب لو واحد مثل اخوك جان عجبك وخليتهم يتزوجون وانت الممنون بس هذا يريدها بالحلال ويحبها هيج تسوي بيه
.. حجيت هيج وصعدت ذبيت دشداشة ودخلت اسبح خلصت طلعت لكيته كاعد على القنفه چني ما شفته مشطت شعري ولبست دشداشتي وكعدت اباوع لتلفزيون
صكر.. نزلي تريكي
رهف.. مو جوعانه
صكر.. هذا عناد
رهف.. مادري
صكر.. استغفرالله بس
.. بدل وطلع وانه هم كمت لبست حجابي وطلعت تريگت وصعدت يم نارين دكيت الباب
نارين.. دخلي
.. فتحت الباب ودخلت ابتسمت
نارين.. عبالي رفل تعالي
رهف.. ها يعني اروحح
نارين.. نجبيي وتعالي
.. كعدت يمها ع جربايه
رهف.. عادي اسأل
نارين.. احجي
رهف.. يعني شنو بت حرام
نارين.. احم انه مو اخت صكر ولا الأسد ولا الفهد ولا حتى شهم وعلي انه بت عمتهم
رهف.. صدكك
نارين.. ايي امي جانت تحب واحد من المنطقه فا بيوم من الايام التقوا بنص اليوم واغتصبهاا وهيه باليلتها ظلت تصرخ وتبجي فا الكل سمعها واجو على صريخها جانوا ورا البيت فا اجه خالوا الي هو أبو اخواني هذول المهم ذبحوا وراها هيه كالت انو هيه جانت طالعه ترش الحديقه وهوا خطفهاا واغتصبها فا ما سوولها شي بس بعدين طلعت حامل بيه والكل عرف والكل ظلو يحجون عليها فا هيه قررت تحجي كلشي خلت اخوانها كلهم وحجتلهم الحقيقه وقرروا ورا ما تولد يغسلون عارها وانه يربوني الأسد والفهد فا ربيت يمهم ومن كبرت وظليت افتهم حجولي كلشي فا لذالك انه بت حرام
