خلاص الى حصل حصل مش هتقدر ترجع بالزمن تانى وتمنع الحاجه الى حصلتلك بس تقدر تحلها وانت فالحاضر بإنك متحزنش وتأنب فنفسك والحاجه الوحشه بتخلص تفائل خير بربك.
كـ/روضه عبدالله 🦋
ملاك وهى تفتح فمها من الصدمه: ايه دااااااااااا
وجدت المنزل مزين بطريقه رائعه ومعلق انوار فى كل مكان ووجدت الجميع يرتدى لون واحد وملابس واحده من ضمنهم رجاء كانت الملابس عباره عن بنطال ابيض وتيشيرت ابيض هذا بالنسبه للرجال اما النساء فيرتدين فساتين واسعه بيضاء ساده من القماش الناعم المريح ويضعن حجاب اما عن الضجيج فكانت رحمه تمسك بغطيان الاوانى وتضرب بهن.
رحمه: انزلواااااا يلااااا
نزلت كلا من ملاك ودولت وكانتا مبهورتان بالمنظر
ملاك: الله ايه الجمال دا ولبسكوا حلو
رجاء: دى فكره رحمه انهارده هنعمل حفله صغيره كدا بمناسبه جمعتنا الحلوه دى يلا خدوا جبنالكوا فساتين مريحه اوى البسوها وتعالوا
ارتدت كلا من ملاك ودولت الملابس وذهبوا للاحتفال الصغير
اسلام: ربنا يديم جمعتنا
ملاك: يارب
سالم: يلا يا جودعان ناكل التورته
رحمه: ابو كرشك دا يا اخى بوظت اللحظه
ضحك الجميع واكملوا الاحتفال فى سعاده وضحك واكلوا الطعام
ملاك: الاكل جميل تسلم ايدك يا رحمه
سالم بملل: والله انا الى طبخت الهانم بتدوق بس
رحمه: جرا ايه يا بو سالم قلبك طيب ثم اكملت بمرح
كدا تم ملاء الكرش بنجاح الحمدلله يلا الفقره التانيه من الحفل اطلعوا عالجنينه بسرعه بسرعه
ذهب الجميع الى الحديقه كانت هادئه جدا ومضيئه بأضواء هادئه كان جو مريح للاعصاب والهواء كان لطيف للغايه ومياه المسبح ساكنه مع الاضواء التى تصدر منه ويوجد وسادات موضوعه على شكل دائره مثل جلسه البدو.
ملاك: وااااااو(قالتها وهى تقلد عائله ونيس)
رحمه: مش وقت انبهار يلا يلا كل واحد يقعد على مخده علشان هنلعب لعبه حلوه اوى
سالم: يارب استر
اسلام: ايه فى ايه هى مراتك هتعمل فينا ايه
سالم: هتقلب ريا وسكينا بس اصبر
رحمه: هنعلب لعبه الشايب فريقين الستات ففريق والرجاله ففريق والفريق الى هيفضل معاه الشايب بس هيتحكم على كل فرد من افراد فريقه
سالم: انتوا اربعه واحنا اتنين كدا ظلم
نظرت له رحمه بشر
سالم: تحبوا تاخدوا اسلام معاكوا فالفريق عادى براحتكوا.
أنت تقرأ
عدوة اليأس (جاري تعديل السرد)
Randomفتاه قويه لا تسمح لليأس أن يحتل قلبها لديها حلم وتسعى لتحقيقه ومهما واجهتها الصعاب ستقف بوجهها وتتغلب عليها حتى توصل لحلمها.
