سمر والنيران
قراءه مُمتعه
___________*__________*___________
كوكه انت غير نفهم منج شنو بالضبط مضوجج ومن شنو تعانين وهلگد مو حابه لعيشه يم زوچچ
كوثر:شحچي يعني احجي حجايه حجايتين هَواي ومينعدن
سمر: خيه فهميني من اول يوم
كوكه: ديلا يلا خل احچيلج حته ليله عرسي
سمر:ايي ايي بربج شسويتو هههههههه
كوثر: شكد أدبسزز، اي خيه خو رحنه مناه ودخلنه للصالون انا وامي
اجو مناك علينه عمتي وحماتي
كملت بساعتين تجهيز وصرت اموتتت ماصدكت روحي باوعت لنفسي بالمرايا منوو هايي ولكم، شهل جمالل
يربي خاف مو اني خااف غيري تحمست واباوع بوجهي بكُل حُب
ام الصالون گالت تعالي بقئ عليج العدسات خل نركبهم حته تصيرين جمال
لبستهم وعيوني حساسه بقت تدمع هواي تعكر حته مزاجي مكدرت اسيطر
_خرب شنوو هاي ماريدهم
تحملي حبيبتي ميخالف حلوات عليج حيل
بقيت متقيده ومماخذه كامل راحتي من وراهم واصرت ابقئ بيهم
ضُحئ: ديلا ولجج اجت الزفه لبسي عبايتج
ارتبكت ع سريع عدلت تسريحه وصدر البدله
زينب: تعالييي خل اعدل العبايه خليها ع راسچ ولزميها ورفعي البدله
دخل مُرتضئ اتقدم باتجاهي لزم ايدي اجتني رجفه فجاه خفت كمشت بايده وطلعنه
اللتفتت ع امي ودمعتها تلمع بعينها نكسر واهسي
_قرب وجهه من وجهي وضحك وعض شفته ، حبيبتي هذاا ضيم شصايره فلك تنگرطين گرط والله
كوثر: دنگت مستحيه وأبتسمت بهدوء
_أروح فدوه للخجول الموتني
_هههه لا لا ممتفقين هيچ
لا ولج احب خدودج من تخجلين يصيرن حَمررر
ضحكت وصعدت وساعدني ولم بدلتي من سياره ودخلها وصعد بصفي واللولد يسوق
خلصها تبسبس وغزل وتقرب مني باسني بخدي وضحك
لحد ماوصلنه ماجنت اتذكر هواي من سوالفنه بس بوقتها مستحيه وماكدرت حته اجااوب
بنات عمه وخاله ولاقارب حترگن حرگ بالونسه ورگص والشباب هم بالسيارات گلبووو جوو
لحد ماوصلنه ونزل قبلي
_اللزم البدله لا تنشگ من سياره
_انطيني ايدچ ومعليچ اني انزلچ ومايصير عليچ شيء ولا البدله تخرب
