تذكير...
بعد اسبوع تقريبا
ساعه 9:00
سالم يدق الباب على ميثه عشان تطلع
مها: اوهوو يبوك شوضعك من صباح الله خير ؟
سالم : خليني اشوف شغلي
مها: شو تسوي؟
سالم :اختج ام البلاوي حرقت كندورتي
مها: ويعنى؟
سالم: اليوم اليمعه
مها: انزين؟
سالم(فر عليها الفوطه) حماره انتي ليش جي بارده
مها: اوكييهه
سارت الميلس حصلت خليفه يالس يتريق
مها: عادي اصبلي حليب جاهي؟؟(تذكرت روايه محمد وجواهر اسفه🤣)
خليفه :عطاها نظرات) هيه عادي يلسي
يلست قدامه وصبت حق عمرها جاهي حليب ويالسه تشرب ومروقه
فجاه في حد طرشلها فسناب
مها: اوو سلطان
مصور ستريك الاخ انه فدبي
سارت طرشتله فويس
مها؛ماشاءالله عليك سرت بروحك ماقال عند حرمه زوجه اسال عنها حبيبه اتطمن عليها سار دبي يقزرها وانا المسكينه بروحي ف العين
وخليفه يطلعها ومقهوررر
سلطان شاف ورد عليها بفويس
سلطان؛ هيه ماشاءالله اتصلبج ماتردين تردين تقولين لا مابا اسير سير بروحك تحطينها علي احين؟
مها: متىى متىى والله انه حيوان دواه عندي
خليفه: ماشاءالله اشوفج مستانسه ومتهنيه فسلطان
مها: هيه والله (عينها على تلفون )
مها؛جب جب مابرمسك ليش تسير بروحك رد العين بسرعه يلا يلا
سلطان؛لا والله مابرد خلج زعلانه (يضحك😂)
طرشتله :👍🏻
•يوم تطرش جي يعنى زعلانه
سارت المطبخ تسويلها توست ويا بيض وجبن
ميري : انته بجه مافي وسخ
مها: اوهوو ابتلش ميري خليني فسبيل حالي اسويلي اكل
ميري : انته في سوي هدا خلطه بيض طحين؟
مها: بيض وطحين شو انا شخصني سالي ميثه
ميري : انا في خبر مدام كل اكل خلص داخل شعر
مها: ياربي انزين انزين ودريني فحالي
سوتلها اكل وسارت برع الجو حلو والهوى بارد تشرب وتاكل وتصور ستريك
أنت تقرأ
وَآثَارِي لَكَ بِصَدْرِي شَوْق
Teen Fictionروايه اماراتيه ! تتكلم ان بنت بتزوج استاذها او دكتور الي يدرسها ف جامعه!!
