Unicode
"သမီးလေးရေ ဒီမှာမုန့်ချိုင့်လာယူ"
"ဟုတ်ကဲ့ မေမေ"
ကူးကူးတစ်ယောက်မေမေအသံကြားသဖြင့်အိမ်အနောက်ဘက်သို့ဝင်သွားသည်။
ဒီနေ့ကူးကူးတို့အိမ်မှာ သာကူဆနွင်းမကင်းလုပ်စားကြသည်။မေမေက ဘေးအိမ်က ဦးဦးတို့ကိုသွားပို့ခိုင်းသဖြင့် ကူးကူးမုန့်ချိုင့်သွားယူတော့သည်။
ကူးကူးတစ်ယောက်ဟိုဘက်အိမ်သွားရမှာအလွန်တက်ကြွနေ၏။မေမေက သွားလို့ပြောတော့ ကူးကူးအလွန်ပျော်သည်။
ကူးကူးတို့မှာ သားမိနှစ်ယောက်သာရှိသည်။မေမေက ကူးကူးကိုယ်ဝန်ရှိချိန်မှာ ဖေဖေကမေမေ့ကိုထားသွားတာဟုသိရသည်။ကူးကူးကတော့အဲ့ကိစ္စနဲ့ပတ်သက်ပြီး ထွေးထွေထူးထူးမခံစားရပါဘူး။
ကူးကူးတို့လူနေသန့်တဲ့ရပ်ကွက်တစ်ခုမှာသားမိနှစ်ယောက်နေကြသည်။မိန်မသားတွေမို့ ဘယ်သူကမျှရိသဲ့သဲ့မလုပ်။ဒီရက်ကွက်ထဲကလူတွေက ကိုယ့်အိမ်ထဲကိုနေ ကိုယ့်အလုပ်ကိုယ်လုပ်ကြ၏။ကူးကူးတို့ကအိမ် တစ်ထပ်တိုက်အပုလေးဖြစ်ကာ ခြံစည်းရိုးမှာ အုပ်အမြင့်ဖြင့်ကာထားခြင်းဖြစ်သည်။
တစ်ခုခုဆိုအိမ်ထဲကို မမြင်ရ။ခြံတံခါးကိုသစ်သားဖြင့်ပြုလုပ်ထား၍မမြင်နိုင်တာလည်းပါ၏။
အိမ်ဘေးဘက်ခြံစည်းရိုးကတော့ သံဇကာဖြင့်ခပ်နိပ်နိပ်ကာထား၏။အဲ့ဒါကြောင့် ဟိုဘက်အိမ်က ဦးဦးနှစ်ယောက်ကိုကူးကူးတွေ့ရတာဖစ်သည်။
ဟိုဘက်အိမ်ကဦးဦးနှစ်ယောက်က အလွန်ချောကြ၏။ညနေဘက်ဆို ဦးဦးတစ်ယောက်က ပန်းပင်တွေရေလောင်းသည်။နောက်ဦီးဦီးတစ်ယောက်ကတော့ ကုလာထိုင်ပေါ်ထိုင်ကာစာအုပ်ဖတ်သည်။ညနေရောက်တိုင်းကူးကူးတစ်ယောက်ထိုဦးဦးနှစ်ယောက်ကိုခိုးခိုးကြည့်ရသည်။ပြီးတော့ထိုဦးဦးနှစ်ယောက်က အမွှာတွေတဲ့။အကြီးက ဦးဂုဏ်ရောင် အငယ်ကဦးနိုင်မင်းဖြစ်သည်။နောက်တစ်ခုက လူပျိုကြီးတွေ။
ကူးကူးအပျော်ကြီးပျော်ကာ ဟိုဘက်ခြံသို့သွားတော့၏။
တင်းတောင် တင်းတောင်
ဘဲလ်တီးလိုက်တော့ ဦးဂုဏ်ကလာဖွင့်ပေးသည်။
