#من_الواقع
(الحصار 1990)
للكاتبة: زينب طالب (سلسبيل)
"وسفة نجوع بأرضك ياعراق الخير"
"واحنة الدول تشهد شنزرع ونحصد"
بقلمي✍️_________
بغداد_1990/8 في احدى المناطق البسيطة
_ولك يمة عون روح شوف الباب وبسك لعب مامليت والله شلعت گلبي
عون :اي يمة رايح لاتعصبين علية
_عفية وليدي عفية بالسبع ،بس اگلة احچاية حلوة واشجعة يصير شلون وليد يتخلة عالجرح يبرة ،طلع يركض يشوف منهو هذا الربدنة چنة يدگ علة باب حضيرة حلال موش باب اوادم ،
بعدني احچي وية روحي ودخل جابر للبيت يركض وچنة مختاض بدون لاسلام ولاكلام گعد عالقنفة وشغل التلفزيون وگعد يعاين
عليه ومركز چنه مايشوفني ،ياا شمالة الزلمة متگدر رحت وگفت گريب عليه وحچيت_يا عيوني ابو عون شو ضايج خلگك واجيت من وكت مو من عوايدك صاير وياك شي كدرك
جابر :شحچي بثينة شحچي وشگول والله السالفة ماتسولف
_يايمة دخيلك ياعلي احضرنة شنهو السالفة يبعد گلبي شصار؟
جابر :ولچ تونة خلصنة من حرب ايران وگلنة ياالله وفتكينة بعد 8سنوات هسه طلعتنة سالفة جديدة شگول وشحچي
_يا جابر احچي وعلي گلبي طاح شصاير ؟
جابر :ولچ مجلس الامن يعني الامم المتحدة فرضت علينة حصار على العراق كلة راح نموت من الجوع ولچ بثينة
_يااسم اللة وشنو هالحصار شصار وسوت هيچ بينة امريكا چا احنة نخلص من ايران انوب علينة امريكا والله فلك
جابر :اخخخ يابوية مو حذرو وگالو بوية اطلع من الكويت اطلع واسلم علة روحك ماكو لزگ بعد ومحد واگع بيهه غير الشعب الفقير
_يا جابر اسكت لحد يسمعك ترة الحايط عندة اذان استر علينة ومعليك
جابر :ولچ شلون معلية اگلهه سوو علينه حصار تگلي شعليك انتِ مفتهمة شحچي يو لا؟
_تريد الصدگ مو كلش اخذني علة گد عقلي وفهمني
جابر :اسمعي راح ابسطهةالچ ، امريكا دزت خبر للعراق يابة انسحبو من الكويت كافي اطلعو ماكو الريس مايقبل ينسحبون گامو ينهبون بالكويت ويردون ليورة من شافوهم هيچ اتحدت الدول ضدنة وفرضو علينة الحصار يعني لانستورد ولانصدر وماادري شلون راح ندبرهه لان العيشة راح تصعب والله يستر من الجاي
_يمة فلش امريكا كون وهية شعليهة بالكويت
جابر :مو رئيس الكويت طلب منهم يوگفون وياه ويخلصون شعبة من الجيش العراقي
_وهيچ امريكا سمعت كلامة ورضت توگف وياه بدون مقابل
جابر :لاشلون طلب منة يخلصهم من الغزو العراقي مقابل ثروات البلاد من النفط وغيرها الك
أنت تقرأ
قصص قصيرة(من الواقع)
Historical Fictionقصص قصيرة من واقع العراق البعض منها حقيقية والآخرى خيال