له منزلن مرموق وسط الحنايا

البارت 4

البارت الـ 4

حصه : سيف حد فالبيت ؟

سيف يطالعها من الجامه : مادري ليش
حصه : كيف ماتدري ؟
سيف : قوم امايا اضن
حصه : تظظن ؟؟؟؟؟
مهره تصدلها : ليش تسألين ؟
حصه تطالع سيف : لاني مابا ارد البيت وما يكون حد فيه . .
مهره : وناويه تنشبين لي يعني . .
سيف يصد يطالع مهره وبصوت جدي : مـــــــــــــــهر ه !
مهره تطالعه : شو ليش تطالعني . . قلت الصدق انا . . تبا تنشب لي وتخرب علينا
سيف بنظره عصبيه : صخي خلاص . .
مهره : انا الي آصخخخخخخ ؟؟؟
سيف : اسمعي الرمسه . . " ببرود " خلي اليوم يعدي على خير . .
مهره : وقف السياره . .
سيف عاقد حياته : شوووووه ؟
مهره : وووووووقف السياره اقووووووووولك
سيف : بعطيج طراق والله
مهره تصارخ : قسم بالله لو ما وقفت السياره اني ببطل الباب وبعق روحي . .
على طول سيف يا على ينب ووقف السياره ونزلت مهره وقام سيف ونزل وراها . .
مهره : لا تلحقني خلاص روح اقعد معاها ف بيتكم ويوم بتخلص هات سيارتي بيتنا ..
سيف : يا بنت الناس حق شو تكبرين السالفه . . ألف مره قلتلج
مهره تقاطعه : قللللللللتلج انه هي ماعندها حد وووووو اهلها مسافرين وتامه روححححها ياخي بسسسسسسرسسس تعبت وانا اراعييييييييها خلها تراعيني بعد . .
سيف : خلاص حبيبي انا اوعدج هاي اخر مره تخرب علينا
مهره تطالعه . .
سيف :اوعدج خلاص . .
حصوه تتجدم وتدق هررن . .
سيف يصد جان تنزل الجامه . .
حصوه : يعني لين متىىى . . تعبت وانا اتريا
مهره بغيض يايه تنطق بس سيف حطا ايده ع حلجها بقوه : خلاصصصصص خلاص قلتلج اتحملي اخر مره
مهره تتحرطم بس هو مايسمع ولا يفهم لانه حاط ايده وضضضحك . .
مهره تخوز ايده : خاااااايس انت وياها . .
وتسير صوب السياره وتبطل الباب وتشوف حصوه يالسه جدام مكانها
مهره : نعم فديتج ؟
حصوه : ترى انتي نزلتي ما بتردين !
مهره : عفوا . . ؟؟؟ " تطالع سيف "
حصوه تطالع سيف : خلاص انا يلست جدام بتنزلوووووووني يعني والله مايسسسوا الا مكان
سيف يسير صوبهم ويشوف مهره : خلاص خليها . . " بصوت واطي " قلتلج اخر مره اتحملي
مهره تطالع سيف بغيض وبصوت عالي : قسم بالله اني ما اقعد ورى . . خلها تركب ورى احسنلها . . احين بتبدي هالعنسسسسسلانه علي انا
سيف : ما ابديها عليج يا اميييييييييه . . بس مافيها شي الا مكان ايلسي ورا ما يستوي شي
مهره فاجه عينها : احين انا حرمتك وانا الي ايلس ورى ؟
سيف يتنهد : اقولج شي . . تعالي سسسسسوقي وانا الي بيلس ورى . .
مهره وحصه تمو يطالعون سيف وهو ما سوا سالفه راح ورى ويلس . .
ما علقت مهره وسارت تحرك السياره بتسوق . . واول ما ركبت السياره تفاجئت ان حصوه نزلت وراحت تيلس ورى . .
مهره بغيض فخاطرها " قاعدين نلعب احنا !!!! .. سم يسمج ان شاء الله ويفكني منج "
تمت تسوق وهيه مطنششششششششششششششششششه خير شر . . حاطه كل حرتها فالسواقه .. تسوق بسرعه جنونية !
سيف بحنان : حبيبي خفي السرعه شويه . .
حصوه تمت صاده تطالع سيف بقهر ع كلمة " حبيبي "
ومهره برد خاطرها " طشوووونه " وخفت السرعه . .
اول ما وصلو البيت . . تمت تترياهم ينزلون . .
حصوه تطالع سيف : يالله انزل . .
سيف : انزلي وبلحقج . ! بسلم ع حرمتي قبل لا اروح
حصوه : خلاص بترياك . .
سيف : شوه تتريني الله يهديج . . روحي داخل دقايق وبي انا . .
حصوه : انزين بتريااااك . .
سيف : روحي اترييني داخل مش اهني . .
حصوه : ليش ؟
سيف : شوه ليش بعد . . حرمتي ابا اقعد معاها يمكن ابوسها ما يصير ابوسها جدامج بعد
حصوه بقهر بطلت باب السياره ونزلت . .
وسيف عقبها نزل وركب جدام . .
حصوه تمت معصبه وتمشي بقهر لين دشت البيت . .
سيف : يالله حركي . .
مهره تطالعه بصدمه : شوه
سيف : شو الي شو بعد ؟ حرركي يلا . .
مهره : وين احررك . .
سيف مبتسم : بعوضج عن التخريب الي صار . .
مهره مبتسمه غصب من الفرحه :صدق
سيف : ههههههههههههههههههههههههه ه . . خيبه لهالدرجه . .
جان تحرررك السياره وتششششششخط ويل بعد . .
سيف : يالخبببببببله . .
مهره تطالعه : اول مرررره تطلع منك هالشجاعه يعني . .
سيف : كله ولا زعل العروس
مهره : هييييه مفتكر ف زعلي الحييييين . . مادري منو كان قبل شوي يهازب عشان وحده زعطووووطه
سيف : ع طاري الزعطوطه . . اتريي شوي ..
مهره تطالعه : شو تسوي ؟
سيف يتصل ع البيت : اصبري . . ألووو . .
حصوه : هلا سيفففففففف . . وينك انته بعدني اترياك
سيف : حصوه ترى امايا فالبيت يعني ماله داعي الخوف . . وحمدان بعد شويه وبيوصل . . يالله مع السلامه
حصوه : لحظظظظظظه
طوط طوط طوط . .
مهره : مع انه ماله داعي تخبرها بس يلاا بمشششيها . .
سيف : لان ماباها تطلع كل شوي برى والجو بدا يظلم وهاي ياهل بتم تتريا
مهره : ذبحتنا ياهل وياهل . . مادري ليش تشوفها ياهل . . تراك الا اكبر عنها ب 4 سنوات
سيف : ماعليج منها انتي . . تفكيرها تفكير يهال ومخها صغيير
مهره : وااااااي بتبط جبدي تراك
سيف : خلاص خلاص !! سدي طاريها احنا طالعين نغير جو . . " يعقد حياته " انتي وين يايه . .
مهره : بننزل المنتجع . . ابا اتمشا وياك يعني !
سيف : منتجع ابوج هالوقت . .
مهره تطالعه : لو منزلتنك البيت وايد احسن
سيف : هههههههههههههه امزح معاج ياخي . .
مهره : حيوان . .
سيف : بصمج كف . . عيب يلاا . .
يرن فون مهره . .
سيف : منو ؟
مهره تشوف المتصل وتعطيه الفون : رمسها . .
سيف يبتسم : مرحبا الساع
يزوي : بسم الله الرحمن الرحيم
سيف : سامعه صوت ابليس ؟
يزوي : انتو شو تسووون
سيف مبتسم : بعد شو نسوي . . الي انسويه انتي شو يخصج ؟
يزوي : لا صدق ما اتمصخر
سيف : لا والله . . ولا انا اتمصخر . . نعم شو تبين
يزوي : ابا مهور ابا اطمن عليها وابا اقولها كم شي
سيف : قوليلي بقولها . .
يزوي : عطني ايااااااااااااها
سيف يمد الفون : تبا ترمسج . .
مهره ترمس : ألوو . .
يزوي : ايه يالخايسه متى لحقتو تتراضون
مهره : هههههههههه قبل شويه
يزوي : هرووووم . . المهم متى بتردين ؟؟؟؟
مهره : انا قايله لابويه انه بحدود الـ 10 بكون فالبيت والحين بعدها 9 . .
يزوي : تمي لين الفيييييييييير بعد . .
مهره : قولي قولي . .اكيد ابويه سار مكان . .
يزوي : اول شي قال لي انه بيرقد لكن عقب رد ياني قال بيروح مطار دبي بيشل ربيعه من المطار وبيوديه بوظبي . . وبيتم اهناك وعقب صلاه الفيررر بيرد راك . .
مهره : فدييييييييييييييتج انا وفديت هالاخبار الحلوووووه . .
سيف : شو قوليلي . .
مهره : يلا اوكي اذا صار شي يديد خبريني اوكي ؟
يزوي : يالله اوكي . .
مهره : وانتي اسمعي اقعدي ادرسي عن اللعبان وراج امتحان باجر . .
يزوي : انزيييييييييين
مهره : باي . .
يزوي : باي . .
سيف : شفيها ؟
مهره : ابوي طالع وبيرد ع الفير .. يعني اليوم حصوه تحلم تشوفك . .
سيف : لا اختي الغاليه ورايه دوام . .
مهره ادق جتفه بقوه : لا اتقول اختي . .
سيف يأشر : بركني اهني . . " يطالعها " اونج تبين تفعدين معايه لين الفير . .
مهره : وليش ما اقعد معاك . . ع الاقل تعوضني عن الزعل الي زعلتني اياه والقهر الي اكلتني اياه . .
سيف : اسميها مطالبج ما تخلص
مهره تسويله مالت : . .
سيف مبتسم : فديتج انا . . يالله انزلي انزلي . .