هَكذا تبقيتُ مُتبعثرة من رؤية العالم
غَطى الظلام على عيناي
ليُحيط روحَي
تُرسم الرهبة في ملامحي بٕ كلِ وقت
في اي مكان و زمان تجدني مغتاضة من الحياة
يتجمع كُل شيء في قلبي
كَ هواءِِ يتجمع فيهِ لعبة الاطفال
حتى تنفجر كما أنفجر الدمع من عينَي
- زينَب أسعَد..
زينــــب
اتصلت على فدوى اصرخ وابچي
اخربط ماعرف اربطبـ وقت واحد ، بـ ساعه وحدة
نفسين انقطعوا عن الحياة ..
قلبين وقف نبضهُم ..
روحين صعدت للسماء
جثتين اندفنوا بالمقبرة ..و فارقت اثنين من أحباب قلبي
ثنينهُم عزاز روحي .
غسلوه و توجهنا لمكان لم شَمل عزازنه "مقبرة وادي السلام"شگد قلوب امهات فرفحت بسبب هالقبور ..
اشگد ناس بچو و لطمو و ناحو على هالقبور في سبيل يرد المات ،
بس ماكو جدوى
ماكو سبيل للرجوع
كلمه مات " ماكو سبيل للرجوع"
راح و مَايرجع المات
بس ذكرى تبقى بـِ گلوبنامهما كان تعاملة ويانة و قربة ألنه و حبنة آلة
من يموت راح ينكشف غطاء القلب ، من نفتقد الي نحبة يالله نحس بـ طعمةأتمشى بنص المقابر
يجي يوم و احنا بصفهُم ، يجي يوم و نلحگهُم
همه السابقون و نحنُ اللاحقون ..عيني على مراسم دفن أبوي
على التراب الي يحطون بي على قبره
اباوع شلون وگف الدفان يقرأ له الفاتحة
أخوي منحني ظهره على ابونا ،قربت يم قبره ، اشيل بالتراب بأيدي .. تراب أبوي بين ايدي صار !
دنگت راسي لزمته أمرغله بأيدي للأرض و أباوعلة شلون ينزل مثل ما انسحنت روحي و طحت من سمعت بيدموعي تنزل بغزاره حاره
تحرگ خدي خيبات ..دفنوك بويه؟
دفنوچ جنه؟
اول ليله الكُم جوة التراب
شحالكُم؟بردانين؟
جوعانين؟
حاسين بشي؟
خايفين من الظلمة؟
خايفين من الوحدة؟
خايفين من المواجهة؟لو هذا كله بكفه وحسابكُم بكفه ثانيه؟
مَامرتاحين مو؟ مختنگين مو؟
شلون أتحمل فكرة غيابكم شلوووون !!
تقربت يم قبر ابوي اباوعله و خاطري مكسور
زينب : بويه شما تسوي لي انا بنتك .. بنتك انا .شهگت حيل و ذبيت حسرة و كل ما بيها شهگاتي تعلى
- بنتك زينب بنتك .
مسحت وجهي بأيدي المليانة تراب و صار خدي طين ، اختلطت دموعي وي التراب
زينب : اوعدك ابوي ، اوعدك اختم لك القُران
و اقرالك الصالحات ، و اذكرك بالخيرصفنت لحضة أدراك ، يا خير ؟
الانسان من يموت يترك اثر بصمه بالحياة
لو زين لو شين ، شنو أثرك بحياتي بويه؟گمت بكسرة على حيلي تمشيت يم قبر جنه
اهلها يمها يقرأون الفاتحة و دموعهُم تنزل حالهم أبد مو احسن من حالنة
چانوا يتلگون بنتهم بفرحة تلگوها بتابوت
چان ضنهم تتزوج و تسافر للخارج تالي توفت و سافرت يم ربها
![](https://img.wattpad.com/cover/348194511-288-k469864.jpg)
أنت تقرأ
قبو فدوى الحُر
Actionشهباءً كاملة ، وَ اشهب ناقص اغفر على روحكَ السلام ، و اعتقني من الجحيَم كـُن لي قبوً لـَ سُري ، وساكونَ لكَ حُرًا جبـَرٍ عظيم ، لـسردابً عتيق لم نكتبُ عهدًا و ميثاقٍ للحياة لكـَن ما بعد اليوم ، اروي لكُم حكاية الأصحَاب بقلمي انا ، "زينـَب" ، اروي...