لا اعرف مصيري

البارت 4

انا: خلاص بنروح توا و نرجع غدوا بإذن الله
سيرخيو: تمام سلام
طلعت على طول  🏃🏻‍♀️🏃🏻‍♀️نجري من الفرحه ماحسيتش حتى بالمسافه وصلت لمحل بابا
نسيت ماقتلكمش.. بابا اسمه جوردان عنده محل متع بقوليات مأجره ايجار وماما اسمها لارين هدي هي عائلاتنا متكونه من أب و أم و 2 بنات اللي هما انا و ريموت 😂قصدي ريمو
نرجعو..
وصلت لمحل بابا لقيت واحد يهزب ف بابا و بابا دموعه ف عيونه
وقفت بعيد شوي عالمحل و قعدت نسمع فيهم
الشخص: يا جوردان ليك اكثر من شهر و لتو تخدم و ما خلصتش
بابا: استنى عليا شويا وتو ندفعلك بالتقسيط
الشخص: لا مش ح نستنى اكثر من هكي يالله خود بضاعتك و اطلع
بابا: 🤲الله يرحم والديك عندي عيله بعدين كيف بنطلّع مصروفي
الشخص: دير رايك والله😒
بابا: راعيني حتى شوي و حس بيا يا ولدي راني ف عمر بوك امهلني شهر بس
الشخص: به لكن دير ف بالك انهم 40 الف مش 40 دينار
بابا: تمام لكن ما تجيبش الدوه لبناتي
انا: 🥺🥺بابا هذا كله باش تخلينا نعيشو ف سعاده... تمام السنين كلها وانت اتضحي بكل شي تو دوري اني
اليوم اللي بعده...
انا: 🥱صباح الخير ماما
ماما: صباح الخير
انا: بنغير حوايجي و بنمشي للشركه نبيش نفطر
ماما: غير نوضي اختك قبل و برو مع بعض
انا: 🙂يصير خير
خشيت للحمام غسلت وجهي و طلعت و خشيت للدار دوب ما نتحرك نبيش ندير دوشه باش ما تنوضش ريمو غيرت دبشي و طلعت
لقيت اول تاكسي وصلتني للعمل
كيف خشيت للشركه لقيت فيه شويه موظفين الاغلبيه ماجوش لقيت رنده و2تانيين بس حتى المدير سيرخيو ماجاش
انا: صباحو ورد رندوش
رنده: نورتي الشركه يا ايهان
انا: بوجودكم
📱ترررن ترررن
انا: شويه نرد ع فوني ونجي😊
رنده: خودي راحتك
انا: الو سيدرا
سيدرا: اهلين ايهان وينك مغيبه هالفتره كلها
انا: 😁بديت نخدم يا سيدو مافيش مبروك
سيدرا: هااتسوو معقوله يا حماره ماتقوليليش به انشالله الف مبروك
انا: الله يبارك فيك.. سيدو نطلب منك طلب🥺
سيدرا: شنو فيه انشالله خير🤔
انا: تقدري تحصليلي فلوس من ياماك خوك و مجرد نوفرهم نردهملكم
سيدرا: الصراحه صعب شوي لكن تو نكلم ياماك ونقولك.. لكن شنو السبب و كم تبي
انا: تمام.. بابا صاير معاه موقف و محتاج فلوس🥺محتاجين 40الف دينار
سيدرا: تمام بإذن الله يصير خير
صكرت الهاتف و رجعت التالي لقيت واحد واقف وراي
انا: 😮منو انت
الشخص: اني الاخ الوحيد لسيرخيو
انا: اها🙂مه اني قعده جديده مش الكل نعرفهم
الشخص: المهم مرحبتين بيك اني اسمي كيفن (kevn)
انا: 🤭وانا اسمي ايهان اخت اريام
كيفن: ايهان ممكن تجي معاي للحجره متعي فيه موضوع نبي نحكيه معاك
انا: 😕يالله.. انشالله خير
تشك🚪
خشينا و صكر الباب
الصراحه خفت لان مانعرفش عليه شي هدا
كيفن: 🙂اكيد مستغربه ليش ناديتك و صكرت الباب صح
انا: اي الصراحه لان مانعرفكش اصلا
كيفن: اي عندك الحق... توا بالصدفه سمعتك تكلمي ف التليفون انك محتاجه فلوس صح
انا: 😠تراقب فيا يعني.. معندكش علاقه بيا هدا شي خاص
و جيت طالعه🚶‍♀️كيف وصلت ف باب الحجره 🚪
كيفن: انا جاهز انه ندفعلك اكتر حتى من 40 الف و مجرد ما تخلصي من الشركه رديهم ليا
انا بكل عصبيه😠: مستحيل ناخد منك حتى دينار واحد احني مش محتاجين لحد
كيفن: انتي فكري ف الموضوع و ايمت ما تبي اني جاهز
انا قربع🚪صكرت الباب و طلعت الصراحه طارتلي منه
خدمت المطلوب مني و جهزت مقالات هلبه ف الكامبيوتر و جي وقت المرواح
روحت للحوش لقيت ريمو ف الحوش ما مشتش للعمل لأن اني مانوضتهاش و ماما عابيه عليا انها مشت معاي
و جي وقت لعشي🍽️🍕🍕🍕🍕🍷🍷🍷🍷 مقعمزين ع الطاوله مع بعض انا و بابا و ماما و ريمو احني كلنا ناكلو الا بابا كان مهيم و ماكلته صفر ماكلاش بكل
المهم وجعني الموقف🥺
و اني مستعده ندير اي شي في سبيل انه يكون بابا مستريح
ستنيت لغدوا الصبح
نوضت ريمو و مشينا مع بعض
انا/اريام: صباح الخير جميعا
الموظفين: صباح النور
جهاد: اهلا ايهان و اريام صباح الخير
انا: 🙂صباح الخير جيدو
اريام: صباح الورد جهاد
كيفن: صبااح الخير اريام حبيبتي 😚
اريام: صباح الورد🙈
انا: 😨قارت بيل هرب شد شد داخل منطقة الجزاء و قولاااتو للميرنقي🤣🤣🤣شنوا هدا يا عار و خلاص
اريام: 😲صكري جلغتك ما دخلكش
انا: كيفن ااا فيه ملفات حطيتهم ع الطاوله ف الحجره متعك شوفهم
كيفن: ااا اي اي متعات امس
انا: اها
كيفن: تمام ميه ميه
مشي كيفن للحجره متعه شوي و لحقته
طقطقطق 🚪
كيفن: ادخل
تشك 🚪
انا: كيفن 😶
كيفن: احكي شنو فيه يا ايهان
انا: 😐فكرت ف عَرضك امس واتخدت قراري
كيفن: اها🤷🏼وشنو كان قرارك
انا: موافقه... وكل هدا على خاطر بابا لا اكثر
كيفن: 📝 هذا شيك بقيمة 40 الف دينار
تفضلي🗞️
كيف وصلت ايدي ف الشيك سحب الورقه مني
كيفن: لكن نبي منك مقابل
انا: شنووو😮
.
.
.
كل شي مصلحه لو تبو تعرفو شن يبي مني استنو البارت الجاي
.
.
#يتبع