[Unicode]
"ကိုယ်လည်းလေလောကီသားပေမို့ ချစ်သဲငယ်ကြင်ပါလှည့်ကွယ်"
[ Part - 1 ]
မေလပေမယ့် မိုးစောစောရွာတဲ့နှစ်မို့လို့အိမ်ရှေ့က ပိတောက်ပင်မှာရွက်နုတို့ထွက်ရုံမက ပိတောက်ပွင့်တွေလှိုင်လှိုင်ဝေနေလေရဲ့။ ဒီနေ့လည်းချစ်ရတဲ့ဇနီးကိုယ်ဝန်သည်မလေးက ခံတက်ချဉ်ကိုချဉ်ချင်းတက်လို့ကိုမြတ်မိုးခမျာ ခံတက်ပင်ရှိတဲ့ဘယ်အိမ်ကများအညွန့်အဖူးလေးရလိုရငြား ရွာရိုးကိုးပေါက်လျှောက်ရပြန်ပြီ။
"ဟေးကောင်ကြီး ဘယ်အိမ်လျှောက်မလို့တုန်း"
"တောင်ပိုင်းခဏဘကြီးရေ အရီးကျော့တို့အိမ်မှာခံတက်ဖူးလေးများရမလားလို့"
"ဟေ..မနေ့ကတင်စောင်းလျားသီးရှာပုံတော်ထွက်သေးတယ်မဟုတ်လား"
ကိုရင်တောင်လုံးဖခင်ကြီးဘကြီးသောင်းတောင် သတိထားမိနေပြီ။ တနေ့တမျိုးချဉ်ချင်းတက်နေတဲ့ကိုယ့်ဇနီးသည်အကြောင်းကတော့ ခြေတိုအောင်ရွာထဲရှာပုံတော်ထွက်ရတဲ့သူအသိဆုံး။
"အိမ်ကပန်းဝါကစားချင်တယ်ပြောလို့ဘကြီးရဲ့ ခုချိန်ကကလေးလွယ်ထားရတာဆိုတော့ အစားပျက်အအိပ်ပျက်လေ ကိုးလထဲရောက်နေတဲ့ခမျာကိုသူခံတွင်းလိုက်တာလေးရှာကြံကျွေးနေရတာ"
ပန်းဝါကမွေးခါနီးဖွားခါနီးအထိစားချင်တာရှိလျင်စားရမှကျေနပ်သည်။ သူများကိုယ်ဝန်ဆောင်တွေလို တစ်လနှစ်လတည်းချဉ်ချင်းတက်တာမဟုတ်သော်ငြား မြတ်မိုးသည်မငြူစူရက်ပါပေ။
"အေးပါကွာ ငါ့တူတို့သားဦးလေးချောချောမွေ့မွေ့မွေးပါစေ"
"ပေးနဲ့ဆုနဲ့ပြည့်ပါစေဘကြီး..ဒါနဲ့ ခံတက်ရွက်ရှာပုံတော်ဆက်လိုက်ဦးမယ်"
"အေးကွယ်"
အရီးကျော့တို့အိမ်တောင်မရောက်လိုက် လမ်းမှာတင်လှည့်ပြန်ခဲ့ရတာက သူယောက်ဖညိုချောရဲ့အမောတကောစကားကြောင့်...
"မကြီးဗိုက်နာလို့တဲ့ယောက်ဖကြီး"
သူလည်းအိမ်ကိုအပြေးတပိုင်းနှင်ရတော့၏။
သူအိမ်ပြန်ရောက်တော့ ယောက္ခမဖြစ်သူကသူ့ဇနီးမွေးတော့မယ့်အကြောင်း မီးဝင်ဖို့ပြင်ဆင်နေတာဖြစ်ကြောင်း ကျေးလက်ဆေးပေးခန်းကသားဖွားဆရာမသွားခေါ်ပေးဖို့ခိုင်းပြန်၏။
YOU ARE READING
ကိုယ်လည်းလေလောကီသားပေမို့ ချစ်သဲငယ်ကြင်ပါလှည့်ကွယ် (Completed)
RomanceGenre: Romance, Mystery, Action Start date:5.10.23 End date: 2025 Status: completed (paid gp) စက်မှော်ရုံ: "ခေါင်းငြိမ့်ခေါင်းခါဘာလုပ်လုပ် မင်းရှေ့မှာငါရှိတယ်..ခေါင်းငြိမ့်ရင်ငါ့ကိုချစ်တယ်လို့သတ်မှတ်မယ် ခေါင်းခါရင်ဒီေနရာမှာနှစ်လောင်းပြိုင်ပဲ..စက်မှ...
