اسعد الله اوقاتكم بكل خير
تصويت + تعليقات حلوة مثلكم
ومشاركة للقصة بحال عجبتكم
تابعوني نجماتي على حساباتي الانستا
والتلي والتيك توك بأسم rawaan_ahmeed1
Love you my ✨✨✨✨
----------------------------------------
ارجوان: كل لحظة تمر بحياتنة ترجعنة بشكل او اخر
للبدايات لذيچ اللحظات المبهمة الي منگدر نتخطاهة
ولساعنة نسأل نفسنة هي چانت حقيقية او لا
مجرد وهم صنعناه بعقلنة وصدگناه °°°°°
نايمة بفراشي واباوعلة مااعرف شسوي وياه
وشسوي وية نفسي مجاي اعرف اتصرف
وماادري لشوكت اضل بهاي الدوامة ياترى
اذا عرف بلي صار وياية شراح يكون رد فعله
الله يلعنك وميض وين ماانت موجود
عساهة
بحظك وبختك كون گلبك ينكسر مثل مكسرت
گلبي وخليتني متعذبة حسيت بأيدين جهاد
حاوطتني خلى راسة برگبتي وصار يطبع
بوسات هادئة عليهة
جهاد: صباح الحب يعمري
- انت ليش تعرف شنو حب
- اي ليش مااعرف
- مااظن
- شبيچ حبيبتي من الصبح
- مابية
- تروحين للطبيبة
- لا گلتلك اني مو بحاجة علاج
- تمام بس اهدي منروح بس حسني سلوكچ
وتصرفاتچ ترى الكل صار يعرف بالي سويتي
ليش تشمتين العالم بينة
- انت تدفعني لهاي التصرفات وتعرف كلش زين
اني مااتحمل ضغط الي بية مكفيني
- هو شنو الي بيچ بس اريد افتهم صارلي سنتين
وياچ جاي احاول افتهمچ ومااگدر تعبتيني
عيشي مثل باقي الناس ليش يومية مسويتلي
مشكلة شكل وبلاخير اخسرچ وتخسريني
اني احبچ صدگيني ومااريد غيرچ
- احاول ابتسملي باسني براسي وراح للحمام
واني گمت اسوي ريوگ سجاد نايم
ضليت اشتغل واتصفن كل شوية انتبه
على نفسي وارجع اشتغل ساعات اصدگ اني
محتاجة طبيب نفسي ولازم اتعالج بس مااريد
