رواية العقرب والحامي 🤍🦋

Part 5

الصدمات التي تأتي للمرء واحده تلو الاخري تجعله غير قادر علي استيعاب الواقع ، ولكن اين الواقع وانت كنت اقوي صدمات حياتي 💔

~~~~~~~~~~~~~~~~~~~~~~~~~~~

ذهب سامر الي صديقه عمر الذي طلب منه ملاحقة موضوع تهكير هاتفه ليعرف من فعل هذا دلف سامر الي المكان الذي يمكث به عمر بعصبيه

سامر بحنق/ انت يا زفتتت انت انا مش قايلك خلال 24 ساعه تعرفلي مين هكرلي التليفون عده يوم ونص وانت ما ادتنيش خبر ليه

عمر بهدوء / معرفتش لحد دلوقتي مين عمل كدا

سامر بحنق / نعممم يا روووحمممك اومال كنت بتعمل اي كل دا
عمر علي نفس الهدوء/ والله كنت بدور ورا الي عمل كدا بس اظاهر انه شخص ذكي ماسبش وراه دليل واحد يدل علي شخصيته لأنه منضف وراه كويس اووي ومفيش اي حاجه بتدل علي اي حاجه تخصه

سامر وهو يجلس بجانب عمر بغضب جحيمي/ هيكون مين عمل كدا ومين هيكون ليه مصلحه ف انه يهكرني ويمسح كل حاجه من علي التليفون غير مريم وانا عارف انها جبانه مش هتعرف تعمل حاجه انا شاكك في البت صاحبتها

عمر بتركيز / لاء اعتقد ان مش مريم ولا صاحبتها عشان انا دورت ورا صاحبتها ولقيت انها مهكرتش اي حد قبل كدا ودا يعني انها لسه مبتدئه ومش سهل تهكر تليفون كدا بالإضافة انها دلوقتي بتشتغل في مجال تصميم برامج ومنصات Dasigner يعني فمعتقدش انها ليها علاقه بالهكر وكدا عشان مش اي حد خريج حاسبات ومعلومات بيبقي هكر يا سامر ولا اي

سامر بتفكير/ طب لو مش هما اومال يبقي مين اعتقد ان لو حد شاف المعلومات الي علي التليفون و اخد منها نسخه مثلا اكيد هيهددني بيها ويطلب مقابلها مبلغ فلوس مثلا او يبلغ الشرطه ليه بقا معملش كدا

عمر بتفكير/ او يمكن يكون حد من تبع البنات الي انت معاك صورهم وقرر يخترقك ويمسح ذاكرت الفون بس ومشافش حاجه اعتقد ان دا الخيار الأمثل ل إلي انت فيه

سامر بإقتناع / صح ممكن برضو علي العموم همشي انا بقا عشان رايح اقابل واحد صاحبي سلام

عمر / سلام

ثم نهض سامر وذهب خارجاً من منزل عمر وهو يتوجه إليه صديقه كما زعم اما عند عمر ف اخرج هاتفه وضغط علي بعض الأزرار وقام بالاتصال بشخص ما حتي أتاه الرد سريعاً

عمر بإبتسامه/ ألو ايوا يا باشا سامر كان عندي ولسه ماشي

الشخص / قلتلوا اي

عمر بخبث/ زي ما حضرتك فهمتني واقنعته بإن مفيش اي اثر ل الي اخترقه وفعلا دا الحقيقه الان مفيش اي أثر بيدل علي شخصية الي هكره

الشخص/ شابوو يا عمر برافو عليك عايزك كدا علطول اهم حاجه هو اقتنع بكلامك فعلاً ولا لاء