احفاد ال عمران

بارت 8

اليطب معركه...
ويطيح وصط العدو...
خلي الجسد ينسحل...
يموت موتت شرف...

سمير صبيح

....

فراوله:- عزه صدك هيج سويتي بشهرا شهرا شهرا ما غيرها متاكده...

سندرلا:- شكتلج يابه اذا ما اسحلهن كلهن..

اريان:- يااا وهسه هيه يعني ماتت..

سندرلا:- اكللهن راسها تعلك بالشجره..

ليلى:- يعني انتي رجعتي بعد سنتين وتزوجتي ابن طليقج وخليتي زوجج يقطع راس اخته ويعلكه بالشجره...

سندرلا:- اممم شعبالجن لعد وصبرلي شوف شراح اسوي اليوم بكرم..

اريان:- اي عاد كرم اريدج تلعبين بي خلقه.

سندرلا:- تدللين

بتر:- يلا كومو اجه فقار

سندرلا:- كمنا واكفين بالباب ننتضره يطب.. انفتح الباب وطب هوه واول ما طب نزلت دموعه...

ليث:- لا لا لا شمالك عليمن البجي لا تبجي تعال...

سندرلا:- تحاضنو وكل واحد بيهم بجه وغيث على صفحه واكف ودموعه عشره عشره راح بتر حضنه بقوه وانعم هم والبنات يبجن اله اني ما احب ابجي كدام اي احد...

فقار:- تعال حيوان تعال...

سندرلا:- راح لغيث وحضنه بقوه كتلكم فقار جان متعلق بغيث بشكل جدآ جبير..

فقار:- اخخخ انعل ابوكم ولد الكلب

سندرلا:- سلمنا اني والبنات من بعيد ورجع حضن غيث وغيث حضنه راح ليث يجر بفقار..

ليث:- اهوووو هسه دعوفه شجلبت

فقار:- هاي بعدك تغار

ليث:- اي يلا وخر

فقار:- جا اعناد بيك ما اعوفه..

سندرلا:- ضحكنا وكعدنا شويه ورجعت للبيت...

طبيت وسمعت اصوات عاليه شفت مرام تلطم على صدرها بقوه وتبجي وبلقيس هم..

بلقيس:- الله لا يوفقججججج يا حيوانههههه ماتتت اختي ماتتت

سندرلا:- جؤ جؤ جؤ شبيهن الحلوات... كعدت يمهن وهنه يلطمن.

سندرلا:- على شنو تلطمن هيه ماتت هاهيه بح راحت لجهنم..

مرام:- الله لا يوفقججج

سندرلا:- تذكرين من مره شعلتي الطباخ وخليتي ايدي بالنار ها؟

طلعت اثر ايدي واني اذكر من جان عمري 14 شعلت العين الجبيره وخلت ايدي عليها وما خلتني انام...

مرام:- تستاهلينننن

سندرلا:- ضربتها راشدي بقوه هيه وبلقيس..