بارت 5
عشنا حياه سعيده و طبيعيه نفس روتين من كليه للبيت اكل دراسه و نوم
بل عطله تساعد مرت خالي بل تنضيف ونسوي حمله بل بيت
و مرات اخذ مرت خالي و بيبي نروح هم نغير جو
و هكذا وبعد مرور سنه وسنتين اتخرجت ويا فرحه
خالي و عمي والباقين كلها فرحانين بيه
كانت تبجي بيبي من فرحه واني حاضنتها
اجه عمي و مرته وبناته بس ما اجو ولده
سوو الي احلا حفله تخرج تخبل حفله 🎊
والحمدالله خلصت من كليه
ثاني يوم رحت للنجف وحدي رحت ابشري اهلي بتخرجي احجي وأكول اتخرجت و رفعت راسكم وابجي واحس بيهم يباركولي
رجعت للبيت
رحت نمت
ثاني يوم رحت لخالي بل صاله
ساره: اكلك خالو
خالي : كولي امري مو بس كولي
ساره:اني اريد افتح محل بس ما عندي فلوس كافيه
خالي :اني اساعدج بس شنو محل الي بالج
غير تفتحين صيدليه
ساره: لا اريد افتح محل كيك أنصدم اي أنصدم
كال شنو قصه خالو هل سنين كلها وبل اخير تفتحين محل كيك
ساره: حلم امي تفتح محل كيك وماكدرت تسوي واني اريد اسوي بدالها سكت خالي
مرت خالي : سوي الي يعجيج بنيتي فرحت لان قبلو
رحت طلعت ٨ ملايين جنت اجمعهن من راتبي
ساره: خالو انت شوفلي محل صغير و حلو مكان زين
خالي : انشالله
بعد مرور شهر اشترينه محل و اغراضه وكلشي وبديت اسوي كيك و للمعلومه اني ع امي اعرف اسوي كيك و حلويات كلش طيبات
فتحت محلي والحمدالله مرور ايام صار عندي طلبات هواي
و فتحت بيجات ع ( انستا و فيس و تيك توك)
وشغلت عندي بنات 2️⃣ علمتهن ع شغل والحمدالله الله رزقني وكل ما ارجع للبيت اخذ وياي يوم كيك يوم حلويات يوم كليجه ادللهم 😅
بعد ما فتحت محل ب سنه صار محل كلش معروف وصار اكو توصيل و طلبات و اسوي تجهيزات أعراس او تخرج او عيد ميلاد وكلشي
صرت اجمع مبالغ جبيره كلش وكلت لخالو راح اسد محل لمده اسبوع واريد اروح بيت عمي لان مشتاقتله
خالي: براحتج بنتي
ثاني يوم سديته محل و اخذت وياي كيك
و بقلاوه و حلويات و معجنات و كليجه من كلشي اسوي اني اخذت
رحت بيت عمي من وصلت كال عمي شنو هاي عمو انتي خطار علمود تجيبين هيج وياج
كتله لا جبتهن علمود تضوكون شغلي
وضحكو واستقبلوني احلا استقبال
طبيت وسلمت عليهم وكعدنا
بليل كتله عمو اريد احجي وياك
عمي : اي بنتي كولي
ساره : اني اريد ابني بيت اهلي ليش هيج باقي بس قطعه فارغه عمي أنصدم 😮؟؟
عمي : المن منو يعيش بي انتي لو منو و ليش
ساره: اريد اسوي جامع بيها للصلا
نكمل بل بارت 6
