نوائب شام

البارت ٧

#نوائب_شام

بقلم ايلول 💚

تصويت وتعليق بين الفقرات لطفًا 🦋
""""""""""""""""""""""""""""

غَريب انتچي أعلى البيبان
محَد يدري برسومي!
أنه المنسي أنه التَعبان
أنه الملتَم سواد الدنيا بهدومي !

""""""""""""""""""""""

رويده :: التفتت على شام وهي تبجي بحركه وتكله قابله

- لااا شام

نضربت على حلكي من ايد سجود وشام كطعت روحها من البجي

حسين :: هاي هي هسه يجي السيد يعقدلكم

سجود :: اذا ما خليتج خدامه جوه رجليه

رويده :: دفعت سجود  ورحت الشام بس اريدها توكف عل حيلها وتحجي وياهم مغمضة عيونها وتبجي حضنت وجهه بين ايدي واسحبها بس اريد تفك عينها وتباوعلي
- شاام شام  حاجيني باوعي

بجت بحركة وفتحت عيونها بعيوني

- كلتي ما استسلم لا تتنازلين لا تقبلين ما يگدرون يسوون شي

ومجرد كملت كلامي وياها نجريت ونضربت من ايد ابوي رجعت بسرعة اباوع بعيونه وهو يتوعد ويحلف التفتت على صوت شام وراي واكفة على اول باية من الدرج وتحجي بخنك وعبره

شام :: قال تعالى ::
(لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ ۚ وَكَذَٰلِكَ نَجْزِي الظَّالِمِينَ)

من توكف على السراط المستقيم بيا وجهه وشنو الراح تحجي وانت ظالم ، هم يجي يوم وتگول بري ذمتي من أذيتج ؟ هم يجي يوم وتگول غلطت وتنتظر اسامحك وحق كل دمعه وكل وجع عيشتنياه لو ادخل جهنم وياك ما اسامح . ولا تنسه هالكلام عمو طول عمرك لا تنساه

نجريت من شعري وايد سجود نلفت على ركبتي ، واني روحي مشتعله بيها نار مدري منين اجت كل هالقوة دفعتها حيل طاحت ليورا مصدومة  صيحت بصوت عالي مبحوح

شام :: وخرررررري وخرررري حيوانة  جلاااااب ما تخافون من الله مااا يوكف بعينكم حتى كلام رب العالمين عم انتتتت تنحسب عم الله اكبر عليكم وعلى الساعة الاجيت بيهااا يمكم