مابين طرف العين

Part 8

في بيت ابو عمر | الساعه 5:00العصر |
ام عمر :عمر يايمه ماودك تتزوج
عمر :لا يمه ماودي الحين
ام عمر :عمر ي ولدي اذا فيه وحده في بالك قلي واخطبها لك قبل تروح
عمر فز يجلس : اي يمه نفسي اتزوج من عائلة الجد سعد من بنات عياله سمعت مرا فجر تتكلم لي رنا وتقول انهم طيبين اذا عادي تخطبي لي وحده منهم
ام عمر بفرحة لانها طول عمرها تتمنى تزوجة سُلاف :ابشر يمه عندهم وحده اسمها سُلاف الي ازوجك اياها طولي عمري ادعي انها من نصيبك
عمر : فيها الخير ان شاءالله بس لاتخطبين لي ذي الفتره وانتي عارفه هم وش يمرون فيه
ام عمر :اكيد يمه  والله يكون بعونها
عمر :تصدقين يمه ان باسل ذا جدا غريب وعليه تصرفات ماش ماتعجبني
ام عمر : مااقول غير حسبي الله عليه من ولد
عمر :اي والله صدق ، عن اذنك يمه تاخرت قالولي العيال اليوم بنجتمع في بيت الشعر  ونسيتهم
ام عمر :بيت الشعر حقكم ولا حق الشياب
عمر :لا حقنا
ام عمر :اذنك معك يمه وانتبه لي نفسك
عمر :تبشرين تبغين شي وانا راجع
ام عمر :سلامتك بس شوف خواتك لايكون يبغون شي
عمر :طيب وطلع لي خواته فوق يشوف لو بغن شي

عند العيال في بيت الشعر |
حمد :ي عيال ماكان عمر تاخر
زياد :الا تاخر لايكون صار فيه شي
عبدالعزيز :لا ان شاءالله مافيه شي يمكن صار عنده شي والحين بيجي
عمر :سلام عليكم
الكل :وعليكم السلام
سعود :خوفتنا عليك
عمر : شوفتو قلت لكم اني غالي عندكم بس محد يصدقني
يزن وحاتم :هههههههههه تعال بس تعال جنبنا
عمر :طيب
خالد :يا عيال من فيكم اليوم بيغني لنا ؟
نط عبدالعزيز :وش رايكم اليوم كلنا نغني
العيال :تم
وبدو يغنون اغنية  الحب بلوى
ياصاحبي ماتهون وصاحبك مايهان
انا تراني على هقوتك واللي تبي
الحب بلوى وهم من هموم الزمان
لكن عليك بكلام الله وهدي النبي **
وكملو على هذا الموال الى صلاة العشاء وكل واحد بعد الصلاة راح بيتهم
تعريف بسيط عن حمد
حمد اهله كلهم متوفين مابقى منهم غير ابوه واخوه عبدالعزيز والثانيه توفو في حادث سياره كان عنده 4 خوات واخو غير عبدالعزيز وتوفو الله يرحمهم
اما امهم توفت من صدمة الخبر .

في بيت الجد سعد| عند الحريم |
مجتمعين حول وجدان الي تخبرهم وش سوا فيها باسل
شموخ :الله لايوفقه الكلب
وجدان :امين امين ولا يجلس يوم فيه مرتاح وكل يوم يتعذب
الكل :امين امين
نجد وهي حاضنه وجدان :معليه معليه المهم ترا عندي لك مفاجاه
وجدان :وش هي
نجد :حلوه مرا لا تخافي
وجدان :تمام
ام زياد :اخبارك ي مها
مها:بخير الحمدالله الا ان قلبي لازال يوجعني
*مها اسم أم بشاير .
الجدة نور :ماقال لك الدكتور اخر مره عنه شي لعله تحسن
ام بشاير : لا ماقال لي شي لاكن ناد فهد وكلمه
بشاير وهي حاطه راسها على حضن امها بتعب :بس ان شاءالله بخير يماه
الكل :ان شاءالله خير يارب
دخل يزن وهو يركض : سلام ي الطف عائلة
الكل :وعليكم السلام
شموخ بهمس :يقول الطف عائلة وهو اربع وعشرين ساعه بس يهاوش هههه
سمعها يزن ولف عليها برفع حاجب :قلتي شي ؟
شموخ بنظرة حاده :لا
الجده نور:يالله انك نحفظهم لي
يزن :امين وياك ،المهم وين عمتي وجدان !
وجدان ترفع يدها :شوفني هنا ي عيون عمتك
يزن :تعالي جدي يلقاك هناك
وجدان :في احد طيب ؟
يزن :لا بس العيال وجدي وابوي وعماني مايحتاج تتغطين
وجدان :ابشر روح وانا جايه
طلع يزن وترك الكل في استغراب ليه الجد يبي وجدان
طلعت وجدان وراحت برى عند الرجال
وجدان ببتسامه :سلام عليكم
الكل :وعليكم السلام
الجد سعد ابتسم :تعالي يمه جنبي تعالي
وجدان :ابشر
الجد سعد : وجدان ي بنتي سعود حاب يسوي ملكة وبعدها بي شهر يبي يسوي الزواج موافقه
وجدان بستغراب :انا بخير عادي بس انا مو شموخ ههههههههههه
الجد سعد ضربها على راسها بخفه :اجل قموي نادي شموخ
راحت وجدان تنادي شموخ وجات شموخ
شموخ بضحك :مسيتو بي الخير ي الربع
الكل بضحك من ضحكها :مشيتي بس الخير اقلطي اقلطي (بمعنى ادخل )
شموخ :امر ي جدي وش بغيت
الجد سعد : بعد اسبوع ملكتك وبعدها بشهر زواجك موافقه ؟
شموخ  وهي تلف لي ابوها :موافق ؟
ابو شموخ :اي موافق ماعندي مانع
شموخ وهي تلف على جدها :اجل موافقه مدام ان ابوي موافق وانت يا جدي موافق ؟
الجد سعد :اي موافق
شموخ :اجل موافقه  وهربت راحت الحريم تقول لهم
الجده نوره بببتسامه:مبروك مبروك  ي عيون جدتك
شموخ :يبارك فيك ي قلب حفيدتك
لدن بفرحة وهي ترقص :الله بيصير. عندنا زواج قريب ونردح
ام زياد بضحك على خبال بنتها :طيب هدي عشان ماتنكسرين قبل الزواج ههههه
الكل :والله ي لدن غيرتي جونا
قامت وجدان وتجيب سماعه صغيره وتشغل اغاني منها : تعالي ي لدن نردح
الجده نور :والله وصارت بنتي مخبولة  هههههههههههههههههه
الكل :ههههههههههههههه

انتهى 💕
اعتذر على البارت قصير
تخطو الاخطاء الاملائية لان كتبته على السريع 🌷