بعد نص ساعه •
ام جامح بصوت عالي : مسرهه
مسره استغربت وهي تناظر في عتاب : شكلهم راحو الرياجيل خليك بجيب لنا
عتاب : زين لاتتاخري
مسره وهي تاخذ لها صحن وتغرف لها هي وعتاب
ام جامح : كثري ناديت البنات
مسره : زين
ويدخلون غرفه مسره لقو عتاب
عتاب : بعد ايش تجون حبايبي
ليالي : يالله وافقت امي تطلعني
مزون : كنت بسابع نومه ماصحيت الا من المويه
عتاب : ههههههههه
مزون : امي مرسله غلا عشان تصحيني وغلا تحسبه زي العاده عشان اصلي
ليالي : سوت خير عشان تعدلين نومك
دخلت مسره وقامت عتاب خذت صحن الرز منها
وبسطت السفره
مسره : يوه نسيت اجيب اللبن ، وهي تجلس : ماعاد اقدر اقوم خلاص ظهري تكسر ، مزون : اجيبه انا ، وطلعت للمطبخ مانتبهت من فيه لان الثلاجه كانت قدامها تقدمت وفتحتها وانتبه لها
ولف وهو يشرب مويه ويناظر بالي تدور اللبن وهو على الطاوله ،
وتلف وجها وبصوت عالي : مالقيت اللب ، انتبهت له ، مزون بخرشه : يمههه
تغيرت ملامح وجه : وش يمه وش شايفتني
مزون : قرد وهي تتقدم لعنده ابعد
جامح وعينه بعينها : واذا مابعدت؟
وهي منقهره انه شافها قبل وهي تمسك شعره .
جامح : يالكلبه فكي
مزون وهي مستانسه : تستاهل ، وهو يسحب شعرها ،
مزون : يالكلب فك ، وتصارخ وهو يصارخ وكلاً يعاند الثاني ، لين جو البنات على صراخهم .
مسره : اشفي ، وهي تشوف كل واحد ماسك شعر الثاني ،
مسره : جامح بلا قله ادب اترك البنت
جامح : والله ماتركها لين تتركني عشان تعرف كيف تمد يدها
مزون : فك وافكك
جامح : كبرنا على الحركات هاذي وهو ينطق فكي وافكك
مزون : هههههه وهي تفكه وتخزه ، وهو يفكها
وتسحبها مسره وتطلع ويطلعو البنات وراهم
عتاب : مو منجدكم انتو
مزون : هو الي بدا مابعد
مسره : والله انكم بزران ماتخطيتي للحين هههه
مزون : لاتضحكينن الي جاني بيجيه الزق ، وهي تروح لغرفه مسره وتاكل ويجون عندها وياكلو
قبل خمس سنوات •
جامح بصوت عالي : مسرهه
مسره بخوف وهي تنطق : هلا ،
جامح بصوت عالي : ويننن اغراضيي الي كانت هنا
مسره : والله مدري مادخلت المجلس اليوم
طلع وهو معصب من البيت ، شاف مزون طالعه من البقاله ، (نرجع ل امس)
مسره : وش؟ تحبين جامح؟ اخوي؟
مزون بخجل : اييي ، سمعهم جامح وهو مايحب احد يحبه يكره هالشي (نرجع) ، وهو يتقدم لعندها ويعطها كف ،صنمت بمكانها مزون وهي تناظر فيه .
جامح : ليه تحبيني ؟ ، وهي تبكيي علطول شافها تبكي وخاف احد يشوفه وهو يروح عنها ،
نرجع للواقع •
ليالي : اليوم القهوه هنا "عند ام جامح"
عتاب : اي عندها اليوم
مزون وهي تلبس عبايتها : جد مو كانت على امي اليوم
مسره بدون نفس : لا خذتها امي عشان عزيز
عتاب : يوه يذا العزيز الي كرشته سابقته
مزون وهي ماسكه جوالها : بنات وحنا علينا العشاء
ليالي : لايكون علينا الفطور هههههه
عتاب : يسويها عمي ههههههههه
ليالي : لا يربي ، مسره : عتاب بجي عندك تكفين كارهه البيت من جاء
عتاب : حياك البيت بيتك ، ويلبسو عبايتهم ويطلعو
كان قدامهم جامح : على وين
مزون : مالك دخل ،
جامح : ماسالتك مسره على وين ؟
مسره : بيت عتاب
كان بيت عتاب قريب ووصلو على طول ومزون رجعت لبيتهم ، دخل الكل واخر وحده ليالي مانتبهت للحجر الي قدامها وطاحت ،
ليالي بألم وهي تناظر الجرح وماقدرت تمسك نفسها وبكت من الألم ، سمعوها جابر وضاري
طلع لها ضاري وهو يشوفها ماسكه رجلها وتبكي
ومشى للبيت ينادي عتاب ، عتاب بشهقه : اهعع وهي تتقدم لها وترفعها لاجل تدخلها البيت
وهي تناظر بضاري : ناد مسره
وهو يدخل البيت الا مسره طالعه ، ورجع لهم
ماقدرو يمسكوها لانها كل شوي تطيح وتتعور ،
عتاب وهي تناظر ليالي ، ليالي بهمس : لا اكيد
عتاب بكذب : ماحنا قادرين
وهي تناظر فيه وبادلها النظر وتقدم لعندها
ومسكها من عند خصرها وهي تمسكت برقبته وهو متمسك فيها ويمشي منتبه لنظراتها له "تناظره وتنزل عيونها" ونزلها بصاله وطلع وجتها عتاب بشاش ومعقم ،
وتقدمو عندها البنات •
عتاب : خلصت وتناظر ب ليالي ، انتي كيف طحتي
ليالي : من الحجر الي عند بابكم
مزون : ههههههه كنت بطيح يوم جيت بس سترها ربي
عتاب : كل مره ابوي يقول ل ضاري لكن لا حياه لمن تنادي يقول انسى
مسره : بنات شوفو اميره شتقول بالقروب
تقول تعالو بكرا
مزون : قدام
ليالي : تهريب
عتاب : معك
مسره : معكم تهريب ، بقولها لاتقول لاحد انو بنجي
مزون : اي بذات امها لاتقولهاا ماتسكت والله لانروح فيها لو عرفو (طبعاً بنت عمتهم اميره ب الحي الثاني) بالقروب ،
اميره : تمام ماراح اقولهاا ، تعالو على المغرب لانها بتكون طالعه ، وقعدو يخططون كيف يروحون لها بدون علم احد ،
الصبح الساعه 6 •
واقفين البنات كالعاده عند بيت مسره ينتظروها ،
وقفو العيال عند بيت جامح ياخذونه ،
وطلع لهم جامح وراحو ، وطلعت مسره ومشو للمدرسه ،
ليالي : بنات تخيلو امي قالت من بكرا الباص بيمر من الحي يعني خلاص ماعاد في مشي رجل اخيراً
مزون بعدم تصديق: كذابه جد
ليالي : والله وهي تلف على مسره وترا يجي بدري يعني اصحي بدري وخلصي ،
العصر الساعه 6:30•
بالقروب بدردشه ،
ليالي : بنات يالله وينكم ترا طلعت رحت عند مزون تعالو هناك
مسره : تمامم جاينن عتاب معاي
مزون : استعجلو لاتمسكني امي بشي قلت انو رحت ل مسره
مسره : قلت لهم اني رحت لك هههههه
وقفلت جوالها وطلعو هي وعتاب ، وصلو عند مزون وطلعو كلهم ،
مسره بخوف : احس برجعع والله بننكشف بنات
ليالي : كالعاده انتي محد كاشفنا يابنت رايحين وراجعين محد داري ولو درو والله لو رايحين بارتي بيت عمتي ترا
مسره بقهر : انتي تعرفي تفكيرهم عندهم مو بس تبي بيت عمتك في شي ثاني
مزون : خلاص انتي وياها مسره اسكتي ترا كل مره تتكلمين ننكشف لو مره تسكتين ،
بعد دقائق •
عتاب : ذا بيتها صح
ليالي : اي البيت امشو مع الباب الثاني قالت
ومشو للباب الثاني ، كان الباب فاتح دخلو علطول ،
عتاب دخلت عليها بالاحضان : اشتقت لك يزق منزمان عنك وراك ماتداومين
اميره : والله يابنات بذات هالفتره مفحالي لشي بس ابي انام احس تعبت نفس الروتين شغل دراسه نوم
ليالي : عاد تصدقون بنات ، عماني يخططون بهالاجازه يطلعونا واخيراً
مزون : اي سمعت والله من كثر ماافتح الموضوع ل ابوي كل ماشوفه
مسره بعالم ثاني : صدق محد تكلم غريبه
مزون : اكيد محد بيتكلم تعرفينهم حقين الحاره ليه وليه رايحين يكرهونك ، وكملو سوالف لين 8 •
مسره : بنات الساعه 8 يالله مشينا والله بيشكون امي بتسال
ليالي : يالله ، وقامو
اميره : تو بدري اقعدو
مزون : وين بدرييي تعرفين انتي ، هزت براسها ب تمام
ووقت رجعو كلهم جو ببيت ليالي ، مرت دقائق الا وجوال مسره يدق ،
مسره بخوف : يمه بنات اميي
مزون : اشفيك لا ماتوقع
ردت مسره على امها : هلا
ام مسره : وينك ، مسره : عند ليالي
ام مسره : متاكده ؟
مسره : اي ،
ام مسره : ورا عمتكم حصه تقول انكن كنتن عندها
مسره وهي تناظر البنات بصدمه : لا ماجيناها
ليالي بهمس : مستحيل اميره قالت لها
مزون : اوكيه بنت حصه الكريهه بس تسوي فينا كذا احس خلوني شوي استوعب ، ويأشرون ل مسره تقولها من من عرفت ،
ام مسره : اميره قالت ل امها ان تو انتن عندها وكلمتك ، والحين وانتي عندي الكل يتكلمون عنكم انا ابي اعرف وش موديكم هناك ليه ماقلتو ل احد
مسره : اجيك واعلمك ، قفلت مسره من امها
مسره : والله وقلت خلونا نرجععع مارتحت
ليالي : حسبي الله عليها بنات تكفونن تو كنا نسولف حلوين
مزون : والله وتوقعت بالعقل نروح ونجي ومحد يدري ! مستحيللل اساساً كنت متوقعه كل شي منها
عتاب : امي تراسل بمشي ، والله يستر يابنات والله ماراح نسلم من كلامهم ،
ليالي : اقعدو تكفونن ماقدر اواجه امي لحالي
مسره : والله كلنا مانقدر انتي تشوفين امي شقالت
عتاب : امشو والي يصير يصير ماهي اول مره
وطلعو من عند ليالي ،
الصبح س6 ، عند البنات في حوش بيت ابو عتاب ،
ليالي : قاعده احمد ربي ابوي مو موجود ولا كنت خذيت هواش بعد منه ، تقولي امي ماهمني عادي روحي بس كان عطيتيني خبر بدون علمي كذا وش تبي اقول وتوريني كلامهم تقول قهرني كلامهم وانا اقول ان مو صحيح انك رحتي وتعاتبني اهخخ ندمانه
مسره : والله وتصفقت وانسحب جوالي مني امي ماتتحمل كلامهم
عتاب : والله زيك ي مسره تصفقت ههههههه
مزون : والله يابنات انصدمت من امي ماقالت لي شي ولا فتحت الموضوع هههههههه
جاء الباص حق المدرسه وركبو معاه ومشو ،
الساعه 12:01 الظهر ~ وطلعو البنات برا المدرسه ،
ليالي : بنات الباص قالو بيتاخر بيجي على 12:50 وكذا
مزون : تكفونن لا مقدرررر استنى اكثررر
مسره : صدعتني الشمس بدخل جوا اتصل على جامح
عتاب : اي اتصلي ماقدر اصبر لين 50 طلعنا بدري مره اليوم ،
راحت مسره جوا تتصل على اخوها جامح ، ورجعت لهم ،
لفو الشاشه لتكمله ،
مسره : يقول دقائق وجاي
جتهم اميره : كلمت امي تقول اروح معاكم
محد رد عليها طنشوها ،
وقعدو دقائق الا وجامح جاي عندهم ياخذهم
وركبو الكل واخر وحده مزون ، وسكرت الباب بالغلط بقوه ،
جامح : كسررر
اميره بصوت مسموع للبنات : ههههههههه
وعرف جامح ان معهم وحده ماهي من بنات عمه ،
بحكم ان بنات عماته مايجونهم كثيرر فامعرفها
جامح : وين اوديكم ؟
مسره : ودنا لحي* بيت عمه حصه ،
.
العصر الساعه 4 ~ ، تجمعو عند الجد من عياله وحريمهم وحفيداته واحفاده ،
قبل لايجون العيال ، راحو البنات يسلمون على الجد
وسلمو وقعدت عتاب تفرك رجل جدها وتسولف معه
بعد دقائق دخلو العيال كلهم : هييي ، ودخلو باتجاه غرفه جدهم
عتاب بعد ماعرفت ان العيال جاين علطول دخلت الدولاب ماعليها عبايتها بزينتها ، استغرب الجد وسكت ، واطلقو كلهم سلامهم وتساؤل عن اخبار الجد وكذا وطلعو (ضاري ، عزيز ) نطق الجد : عتاب وراك بدولاب اطلعي بس العيال ،
جامح وجابر انصدمو من جدهم ، وطلعت عتاب
لهم وهي منزله راسها ، غضو بصرهم ،
ولف جابر شوي عليها لمح ملامحهاا وانصدم
من جمالها الي كان لغيره جداً عادي لكن تجذبب من عيونها السود ورمشها الطويل وشامتها الي عند عينهاا ، وهمس :
يا أم العيون السود والرمش الضليل
الله حسيبك كيف قلبي بنظره ملكته ،
عند البنات ~ ، بعد مادخلت عليهم عتاب ومعالم وجها متغير انتبهو لها البنات ،
ليالي : بنت اشفيك ؟ ، ماردت وهي تفكر شافوها ولا لا؟ ، قامت مزون هزتها من كتفها : بنت شبلاك
عتاب انتبهت عليهم : ها لا مافي شيي
وجلست واخذت جوالها وبالها عندهم ،
وحست ليالي صار لها شي وماتبي تتكلم وسكتت
الساعه 8:00 العشاء ~ ، جمعهم الجد بصاله
وهم يسولفون فجاءه تكلم عزيز وانظاره على ابو مسره "خالد" وبصوت عالي للكل : عمي ابو جامح طالب يد بنتك مسره على سنه الله ورسوله
مسره رفعت راسها باتجاه ماهي مستوعبه الي قاله هو الي سمعته ؟ ولا تتوهم هو قالها ولا هي سمعته غلط ؟
ابو جامح : هاذي الساعه المباركه ونحنا موافقين واكيد البنت موافقه ،
هنا مسره تأكدت الي سمعته صحيح علطول تحجرت الدموع بعيونها وهي تناظر ابوها ،
