تحـــرگني وتحشــم بـ اليطفــون
ومصدك وياهم كل حجي لسانك .
لـ علـي داود
.
مرحبا حبايبي شلونكم طبعا هاي اول تجربه الي بالكتابه واثقه هالقصه محيقراها غيري بس هيج جاي اكتب عندي قصه لصديقه وحابه اكتبهل اللي حاب يقرا اهلا بيه 😁
.
تركيا || اسطنبول
باحد مباني المدن العاليه
في شقه متوسطة الحال تعيش فتاة ذات ٢٣ ربيعا
الساعه ٧ ص مع صوت المنبه اللي يزرف الراس
گعدت من النوم شعري مهوس ومخربه وجهي لامه ملامحي ع بعض وماعرف شنو السالفه وشنو الوضع
اجاني فلاش باك وتوازنت وتذكرت اذا مااكمل قبل ٨ ونص اليوم المدير مال المطعم يعلكها ع راسي
كمت بسرعه ركض للحمام سبحت وطلعت وانا ابدل اشرب قهوتي واكل بس توست حتى مالحكت اخلي شي عليه واللبس بحذائي واركض شي فوك شي صايره
المهم طلعت ورحت ركبت مواصلات دخلت وارتاحيت من لحكت قبل ليفوتني اخخخ امداني ناسيه تلفوني ب الشقه لشوكت ابقى هيج مهمله وكبل للمطعم اشوه مو بعيد عن الشقه مالتي هوايَ
وصلت للمطعم بس فتحت الباب عيني عالساعه لكيتها ب ٨ ضبط اخذت نفس براحه ورحت لبست الصدريه بلشت اخذ طلبات الزبائن كالعاده بوجهي البشوش اللي يضحك رحت عالمطبخ رفعت اديه اثنينهم بحماس
ً
ساره : كااايز انا اجييتت
عمر : اوو لاهلا ورجع دنك يثرن بالبصل
ساره :شبيك عموره شبيك ضايج اجت صگارتك
تهاني: يمعوده عوفي السوالف تعاي ساعديني اخذي طلبات العالم
ساره: اوك اوك خاله وضحكت طبعا تهاني اكبر مني وتخخبل لو اكلها خاله هي مخليه عينها ع عمر وانا اتعمد احرجها كدامه احب اشاقيهم
خزرتني وكالت
تهاني : ساره اخذي طلبات العالم يالله
صاح علينا الشيف بالتركي كال يالله كملوا شغلكم جايين نشتغل مو نسولف
ساره : هاي شبيها العالم كلها مطنگره يالله ماضل شي واطلع من هالمطعم بس اللكه وضيفه تناسبني بمجالي وحلمي وحب حياتي اللي هو التجميل والميك اب
رحت كملت شغلي يوم عادي هادئ طلعت من المطعم رحت للماركت اخذت اشياء مهمه احتاجها تسوكت واخذت شامبو ومكيف
انوب رحت كعدت مقابيل البحر شويه حححح تنفست ورجعت للبيت تعبانه وهلكانه لأبعد الحدود
نمت وحسيت نفسي بنفس ذاك اليوم المشؤوم
انعادت علي الاحداث كلها
اهلي يضحكون ويسولفون بنتي عمرها ٨ سنوات وياهم جانت راحوا للمنتزه واخذوها وياهم
فاتحين كاميرا يسولفون ويايَ نضحك ونسولف يغورون بية لان مرحت وياهم ودره تضحك وتسويلي حركة معناها موتي قهر بقيتي بالبيت وانا رحت وياهم وجانت الضحكة ماليه وجهي ووجهم ماعرفت حتكون هاي اخر ضحكه اضحكها وي اهلي وبنتي وحتغيب سعادتي للابد بابا يكول مكانج فارغ ساره بس عادي ترسته دره
وماما ترد عليه تكوله لتضوجها عزيز خطيه
اخواني اثنين تؤم احمد ومحمد يضحكون يكولون نجيبلج جبس نايتروجين من نجي
بابا دار الاتصال عليه د يحجي وانقطع الاتصال
حسيت كلبي نغزني وماعرفت شنو اسوي رجعت اتصل عليهم بدون اي فائده تذكر يكولون الجهاز مغلق ماتحملت رحت اتصلت ع جميل كتله هيج صار
جميل :يجوز طفه الجهاز من الشحن
ساره:لا صار صوت وانطفى الجهاز هسه تروح تتطمن عليهم ع طريق الفلاني هم
جميل : يالله رايح هسه باي
بقيت اللوب بمكاني
هسه يتصل هسه يطمني لا مبيهم شي هسه يكول مابيهم شي بس طافي جهازهم اي شنو ممكن يصير باهلي ودرة روحي ! لا مبيهم
رن جهازي شفت الشاشه مكتوب جميل
اباوع عالجهاز ماريد اشيله واجاوب جسمي كله يرجف كانما حسيت باللي حيكوله
فتحت الخط اجاني صوته يصيح
جميل : ساااااره راحت دررره ولج راحت بتنا
اهلج كلهم راحوا سااااره صاير حادث ماخذهم كلهم يااربي
ساره : من بعد كلامه مكدرت احجي ولا انطق بشي بعدها محسيت بشي بعد
فزيت من الحلم اللهث وابجي واعيط تعوذت الشيطان وكمت شربت ماي اخذتلي صفنه شويه اتذكر احداث قديمة وي اهلي ودره بنتي
اعز شي بحياتي هي
عوضي الجميل
كانها ملاك
شعرها اصفر كيرلي مدنفشه
عيونها خضر نفس لون عيون ابوها
روحها نقيه كلش ورقيقه وحساسه
تحبني كلش تكول ماما انا هوايه احبج
يابعد كلبي ماما
من اطلب شي منها تكولي تؤمريني
راحت بنتي وراحت ضحكتها وسوالفها وطفت حياتي وراها
ماما شمعة سنيني اللي ضحت وتعبت وصبرت ودللت وكبرت
بابا اللي بحياتي مسمعت منه كلمة لا لحد متزوجت وهو مدللني
شايلني ع كفوف الراحه
اخواني التؤم اللي مشافوا من الدنيا شي
اهلي راحوا وبنتي راحت وهم يضحكون شكد جانوا فرحانين ومرتاحين
مجنت اعرف هاي اخر مره نتشاوف بيها ويودعوني
راحوا اهلي وهم مرتاحين بقيت انا للدنيا
راوتني اشكال واصناف هالحياة
ماعرف شلون لحد الان انا عايشه وباقيه اتنفس وبية دم ولحم
اجتني ذكريات قديمة لضحكنا ولعبنا وشقانا
بقيت الليل كله اتكلب وافكر بيهم مرات اكول ليش مارحت وياهم
الله ليش مااخذني
انوب استغفر الله واكول الحمد الله ع قضاء الله وقدره
.
يتبع ...
