طوق نجاتي

البارت الخامس عشر ❤

عدا الاسبوع و مالك وحمزه و مروان رجعو من امريكا ورقيه كانت مستنيه انه يبعتلها مسدج انه وصل البيت
رقيه منزلتش الشركه النهارده و استأذنت من مالك لان رحيم واخيرا هيخطب

عند جنه جهزت وحطت ميكب بسيط وكانت متوتره جدا
رحيم و اهله وصلو وبداو يتكلمو و رحيم عرف نفسه و قروا الفتحه وكانو قاعدين مع بعض رحيم استاذن يقعد مع جنه لوحدهم شويه
رحيم٠مبروك ي حبيبي
جنه ب كسوف٠انت ليه مقولتليش
رحيم٠امم بصي انا معجب بيكي بقالي فتره كبيره وكنت خايف اجي اقولك وكدا
جنه بفرعه حاجب ٠ليه هو انا بعض
رحيم بضحك٠لا طبعا هو مش خوف منك كان خوف من ردك
جنه٠امم وبعدين
رحيم٠وبعدين ي ستي انتي خدتي اجازه وكنت كل يوم بستنا انك تيجي و من هنا بقا اتاكدت اني
جنه٠ انك اي
رحيم٠اني بحبك
جنه ابتسمت ف الارض وسكتت
رحيم٠وعلي فكره كنت عارف انك بتحبيني
جنه٠اي دا ازاي لا طبعا
رحيم٠عيني ف عينك كدا
جنه بعدت عينها عنه وضحكت رحيم ضحك بصوت عالي ٠ مش قولتلك
جنه ٠لا علفكره عادي يعني
رحيم ب غمزه٠ي ولا
جنه٠بس بقا كمل
رحيم٠وبعدها ي ستي قولت لازم اقولك اول م تيجي و اليوم اللي جيتي فيه كنت شبه متاكد اني هشوفك
جنه٠امم
رحيم٠بس خدت الرقم وجيت خطبتك وبقيتي خطيبتي
جنه٠طب كنت هتعمل اي لو قولت لا
رحيم٠بعض النظر عن اني كنت عارف انك هتوافقي بس كنت هفضل وراكي وعلي قلبك و هزهقك ف عيشتك لحد م توافقي
جنه بضحك٠انت فظيع
رحيم٠بس بحبك
جنه٠ انا كمان
رحيم٠وانتي كمان اي
جنه٠انت قولت اي
رحيم٠قولت بحبك ي جنتي
جنه٠و نا بحبك
رحيم٠يااااااه اخيرا
________________________________________
اليوم خلص وروحو و مالك لسه مبعتش ل رقيه وكانت قلقانه كدا ومستغربه هي ليه قلقانه عليه ب الشكل دا او ليه حتي مستنيه انه يبعت ليها مسدج
اليوم خلص وبدا يوم جديد رقيه صحيت او تقريبا منامتش خدت شاور ولبست ونازله
وفاء٠اي دا انتي صاحيه لواحدك
رقيه٠ايوا ي ماما
وفاء٠ف اي
رقيه٠مفيش حاجه
وفاء٠طب مش هتفطري
رقيه٠لا ي ماما ماليش نفس هنزل علشان متاخرش سلام
ونزلت علطول وصلت الشركه و كانت بتدور عليه ب عنيها ف كل مكان وطبعا مش موجود حست ب وجع ف قلبها وخوف
دخلت مكتبها من سكات وبدات تلهي نفسها ف الشغل
الباب خبط رقيه بفرحه وامل ادخل
روضه٠الناس اللي جت و معبرتنيش
رقيه ب خيبه امل٠هو انتي
روضه٠كنت مستني مين ي قمر
رقيه٠لا ولا حد
روضه٠ف اي
رقيه٠ولا حاجه منمتش بس و تعبانه شويه
روضه٠متاكده ان علشان كدا بس
رقيه٠ايوا بقولك اي
روضه٠اي
رقيه٠هو مروان جه
روضه٠ويتسالي ليه
رقيه٠عادي يعني ي روضه
روضه٠اممم ن السؤال ميبقاش كدا
رقيه يعني اي
روضه٠السؤال يبقا مالك جه ولا لا علشان قلقانه علبه
رقيه ب توتر٠وانا هقلق عليه ليه و بعدين بسالع مستر مروان علشان هسلمه المشروع اللي بشتغل عليه
روضه٠ي ستي ماشي هصدقك ب العموم لا مجاش
رقيه٠طيب
روضه خرجت وراحت علي مكتبها اتصلت علي مروان و اطمنت عليه و رقيه بتتصل علي مالك بس مش بيرد و كل شويه خوفها بيزيد اكتر ، فضلت مستنيه و اخرت نفسها اكتر و كان الكل مشي و ف الاخر مجاش ركبت تاكسي وروحت البيت دخلت علي اوضتها من غير كلام غيرت وخدت دش وفضلت تفكر ف مليون حاجه وخانتها دموعها وعيطت كتير لحد م نامت
_______________________________________
عدا اسبوع ونفس الوضع مفيش حاجه اتغيرت
رقيه بتروح شغلها وتفضل مستنياه ومش بتشوفو ولا حد بيبعت ليها مسدج
صحيت علي صوت فونها بليل
رقيه بنوم٠ايوا
مالك٠وحشتيني
رقيه قلبها بيدق جامد٠مين
مالك٠معقول نسيتي صوتي ف اسبوع
رقيه وكانت خلاص عرفت هو مين٠ وهو انا هفضل حافظه صوتك ليه يعني
مالك٠امم شكلك زعلانه اوي
رقيه٠ ليه انت عملت حاجه تزعلني
مالك بضحك٠طب ي ستي هستناكي بكرا ف كافيه ٠٠٠
رقيه٠لا معلش مش هينفع
مالك٠لا هينفع و هتيجي وبعدينانا قولتلك هقولك علي حاجه لما ارجع م السفر
رقيه٠اه ورجعت من اسبوع ومكلفتش نفسك حتي تبعتلي مسدج تطمني عليك
مالك٠كنتي قلقانه عليا
رقيه٠لا وهقلق ليه يعني بس من باب التقدير ع الاقل واني لما اكلمك ترد عليا
مالك٠حقك عليا هفهمك كل حاجه بكرا
رقيه٠تمام
مالك٠متزعليش
رقيه ٠ماشي م زعلانه
مالك٠متزعليش لحد بكرا بس علشان متناميش زعلانه و هصالحك لما نتقابل
رقيه ب ابتسامه حاولت تداريها٠ان شاء الله
مالك٠متبقيش قاسيه بقا
رقيه٠علفكره مش قاسيه ولا حاجه بس انت اللي عملت كدا
مالك٠طب حقك عليا خلاص بقا هفهمك كل حاجه بكرا والله
رقيه٠اوك ماشي تصبح على خير
مالك ب ابتسامه ٠وانتي من اهلي
رقيه٠اي
مالك٠بقولك وانتي من اهله
رقيه٠لا مقولتش كدا
مالك بضحك لا علفكره قولت كدا يلا نامي بقا باي
قفلت ونامت وكانت مبسوطه وهتتجنن وتعرف هيقولها اي
خلص البارت ال ١٥ ❤