اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلع خليفة و سكر الباب وراه تم واقف عند الباب و هو حاط ايده على قلبه كان مصدوم من نفسه لانه اول مره يمسك احد بهاذي الطريقة
خليفة بتوتر : انا كيف جي مسكتها ؟!
شل خليفة الافكار من مخه و نزل تحت راح غرفة الاكل و كان ابوه قاعد سحب خليفة كرسي و قعد شوي و دخلت توق قعدت عدال خليفة بهدوء بدو ياكلون و بدون كلام قطع حاجز الصمت صوت احمد
احمد : انزين...
توق رفعت راسها خليفة ما اهتم و كمل اكله تم احمد يطالعهم و هو ساكت
احمد فجأه بدون سابق انذار : متى تفكرون اتيبون عيال
توق فتحت عيونها على وسعهن و خليفة غص على لقمته لفو على بعض و هم مصدومين
احمد بصرامه : لازم اتيبون عيال توق بحيا : بس عمي نحن تونا مكملين شهر من زواجنا احمد لف عليها : عجلو خليفة قام : عن اذنكم
طلع خليفة بسرعه من غرفة الاكل
خليفة في نفسه : "بعد ابوي ما لقى يفتح هالموضوع الا اليوم.... خلا كل الايام اختار اليوم يقول لنا جي.... توني ما صدقت اتقرب من البنت الحين بيي هذا و بيطيرها من ايدي"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
توق تمت تطالع عمها خلصت و قامت
توق : الحمدلله
طلعت و شافت خليفة واقف اول ما شافته تذكرت كلام عمها قبل شوي و صار ويهها احمر على طول اتجنبته و مشت
