" ကြွေလွှင့်သွားပြီဖြစ်သော ဂျွန်တိုင်းပြည်၏ မင်းကြီးဂျွန်ဂါဝမ်ရဲ့
မိဖုရားခေါင် ဂျွန်ယူဂျောင် ဝိညာဉ်တော် အေးချမ်းစွာဖြင့်
ကောင်းကင်ဘုံသို့ ခညောင်းပါစေ. . "
အထက်မိုးကောင်းကင်တစ်ခုလုံးသည်
ရဲရဲတောက်နေသည်က မနေ့ညသန်းခေါင်ယံအချိန်ကစ၍ ယခုအချိန်ထိပျောက်ကွယ်မသွားသေးပေ။
များစွာသော တိုင်းသူပြည်သားတို့နှင့်အတူ
နန်းတော်အလယ်တွင် ဂျွန်မင်းကြီး တစ်ယောက် ငူငူငိုင်ငိုင်ဖြင့်
စိတ်နှလုံးဂျုံးဂျုံးကျနေသည်။
မဟုတ်၊ နှလုံးသားက အစိမ်းလိုက်ကွဲကြေသွားသလိုပင်။
လုံးဝပြန်မရနိုင်တော့သော ဆုံးရှုံးမှုက အသည်းအိမ်ကို မီးမြှိုက်သကဲ့သို့ ပူလောင်ရသည်၊ နာကျင်ရသည်။
လက်ထဲတွင်တော့ မနေ့သန်းခေါင်ယံကမှမီးရှူးသန့်စင် မွေးဖွားလာသော တော်ဝင်သွေးသားကလေးက အနှီးထုတ်လေးနှင့် ရှိနေလေ၏။
တစ်ဦးတည်းသော ချစ်ရသူ ဤမိဖုရားသည်တော့
ချယ်ရီပန်းဖတ်တွေ ပြည့်နှက်နေတဲ့ မီးစင်ပေါ် လှဲလျောင်းနေခဲ့ပြီဖြစ်ရာ
ရွှေစင်ရုပ်သဖွယ်အတိပြီးသော မျက်နှာတော်ဟာ
အိပ်ပျော်နေသည့်နှယ်. .။လှပနေသေးသည်။နုပျိုနေသေးသည်။
ကိုယ်တို့တွေ တွေ့ဆုံခဲ့ချိန်က မနေ့တနေ့ကလိုပဲ ယူဂျောင်. .။
ပြောနေကျစကားတွေဆိုပေမယ့် ' ငါ အသက်ကြီးသွားလို့ မလှတော့ရင် နင်ချစ်အုံးမှာလား ' ဆိုတဲ့ စကားကို ထပ်မမေးတော့ဘူးလား။ ထပ်ကြားချင်မိသေးတယ်။
ရီသံခိုးခိုးခစ်ခစ်လေးနဲ့ ပျော်လွှင့်နေတဲ့ ပုံရိပ်လေးကို ထပ်မတွေ့ရမှာတော့မှာက ဘဝရဲ့ အကြီးမားဆုံး ဆုံးရှုံးမှုတစ်ခုပါ။
စောစောစီးစီး နှုတ်ဆတ်သွားတဲ့ အတွက်လည်း စိတ်ဆိုးမိတယ်။
သိလား၊ ဒီဘုရင်က မင်းနဲ့မှပဲ ပျော်ရွှင်မှုရခဲ့တယ်ဆိုတာ။
စွာတေးလန် မိန်းခလေးတယောက်တည်းကိုပဲ ချစ်ခဲ့တယ်ဆိုတာ။
အမြဲတမ်းပြောခဲ့သလိုပဲ သိပ်ချစ်တယ်. . ၊
ကောင်းကင်ဘုံမှာ ကိုယ့်ကို စောင့်နေပေးနော်။
မင်းကိုယ်ပွား ဒီတော်ဝင်ရတနာလေးကို
ကောင်းကောင်းမွန်မွန် ပြုစုပျိုးထောင်ပေးပြီးခဲ့တာနဲ့
ကိုယ်လိုက်လာခဲ့ပါ့မယ်. . ။
YOU ARE READING
BLOODY LORD
Vampireသာမန်လူသားမဟုတ်တဲ့ အရှင့်အပါးမှာ ခစားရင်း အရှင့်အကြောင်းတွေ လူတွေမသိအောင် ဖုံးပစ်ပေးခဲ့တယ်. . .
