جبروت هوس

بسم الله الرحمن الرحيم

للكاتبه ميمي

هوس. نزلت دموعي.. ي يعني راح تعوفينه؟

لبوة. كلنه على هاذا الطريق بويه امسحي دموعج.. سحبتها لحضني

ستيفن. شكو شبيها

ذيبه. صاير شي؟

لبوة. اخذتهم وكعدنه بصاله.. اني عندي فتحه بالقلب

الكل. شنوووو

ذيبه. داا تحجييينن؟

ستيفن. لبووة صدك تحجين

لبوة. اي سويت تخطيط وطلع عندي فتحه بالقلب

ستيفن. لازم تسوين عمليه

لبوة. أن نشاء الله.. عفتهم ورحت لغرفتي اخذت منوم ونمت ورجع نفس الحلم جانت هوس طفله وامي وبوي متوفين

.....

لبوة. كعدت على صوت بجي هوس فزيت بخوف خفت صارلها شي باوعت ذيبه وستيفن نايمين ويرجفون من البرد جان الجو بارد وتمطر وصوت البرق يخوف تنهدت بحزن ليش هيج يصير ويانه مو عساس العمام سند؟ ليش من ماتو اهلنه خلونه خدم عدهم؟ زين خوالي وين؟ ليش ما اجو لعزاء اهلي؟ الف سؤال براسي شلت الغطه مالتي وغطيت ذيبه وستيفن وشلت هوس حطيته بحضني وسكت بيها وبدين اغنيله اغنيه

دللول يالولد يبني دللول

يمه عدوك عليل وساكن الجول

يمه نام نومات العوافي

نوم الغزيل بالحراثي

يمه نام نومات الهنيه

نوم الغزيل بالثنيه

انا من اصيحن يمه يمه يمه

اصيحن حيل يمه

لبوة. شفتها نامت غطيتها ونمت بصفها صفنت عليهم وذكرت امي عاشت مضلومه وماتت مضلومه غمضت عيوني ونمت

....

هوس. صعدت لغرفتي اخذت مبايلي العب بيه اجاني طلب صداقه من شاب وقبلت كتبلي

هلو

هلا منو؟

هيج شفت حسابج صدفه وكلت اتعرف عليج

اهاا تمام

نتعرف؟

اي ليش لا اسمي هوس عمري 16

عاشت الاسامي العمر كله واني اسمي ويليان عمري 29

عاشت الاسامي العمر كله

شكراً

عفو..

هوس. بقينه نتكلم وتعرفنه على بعض اكثر وجان الشاب سبورتي ويحب يشاقه وطلع الاخ مسلم المهم سافرنه للعراق واني بعدني احجي ويه ويليان ولبوة متعرف خفت اكوللها وترفض اكلمه وسكتت

لبوة. نزلنه من الطياره استقبلنه زيد.. هلاا ولله بالحب شلونك

زيد. هلا بيج بخير وانتي شلونج

لبوة. يعني بخير الحمدلله.. سلم على اخواني

زيد. راح تجون وياي للبيت

لبوة. ابدد منكدر راح نروح للفندق

زيد. بكيفج هيه شنو فندق شكوو امشي وياي

ستيفن. منريد نزعجكم

زيد. ماكو ازعاج بين الأهل امشو

هوس. رحنه وياه دخلنه للبيت سلمنه عليهم وصعدنه للغرف الي مجهزينه النه بديت ارتب ملابسي وصلتني رساله من ويليان

مرحبااا

هوس. مراحب شلونك

بخير وانتي شلونج وصلتي بعدج

هوس. تمام اي قبل شوي وصلنه

اكلج شنو رئيج نتقابل بليل

هوس. ماعرف خاف لبوة متقبل

لبوة منو

هوس. اختي

وهيه شعليها؟

هوس. مو هيه ولي أمري وهيه المسؤوله عليه

اهاا يعني هيه الكبيره

هوس. اي مسؤولنه علينه كلنه بس شوف هيه عدها مهمه بعد كم يوم تروح من تروح اطلع وياك

تمام حبيبي

هوس. عفت المبايل واني افكر اكول لبوة عندي صداقه بشاب لو اسكت.. يلهه خل اسكت هيه شراح تسوي من تعرف وهسه يله صارت مسؤوله علينه وين جانت قبل ( هاا ومنو تحمل كلشي علمودكم)

يتبع

شنو رئيكم بشخصيه لبوة؟

شراح يصير اذا لبوة عرفت ان هوس عدها علاقه صداقه بشاب؟

معقوله زيد يطلع يحب لبوة؟

يمته خطوبه ستيفن وهل اهل البنت راح يوافقون؟

اشوفكم بالبارت الجاي جوهراتي

كلمه 474