Chapter 59သိလိုစိတ်
"ပြဿနာက လွန်ခဲ့တဲ့ ၅ရက်က ဖြစ်တာကို အခုမှ အစီရင်ခံတာလား..."
ချောင်းယွင်မှာ အစီရင်ခံစာကို ဖတ်ပြီးနောက် တစ်ခုခုမှားနေသည်ဟု ခံစားလိုက်ရသည်။ နဂါးမျိုးနွယ်မှာ အမြဲလိုလိုပင် စီမံခန့်ခွဲရေး ဗျူရိုအား ဆန့်ကျင်နေသည် ဖြစ်သည်။ စီမံခန့်ခွဲရေး ဗျူရိုက သူတို့၏ လုပ်ရပ်အမှားများကို ဒဏ်ကြေးတပ်သည့် ဖြစ်ရပ်များမှလွဲ၍ အဆက်အဆံ မရှိခဲ့ပါပေ။
"သူတို့က အဲ့လူကို ရှာကြည့်ပြီးပြီနေမှာ... ဒါပေမဲ့ အောင်မြင်ပုံမရဘူး..."
နဉ်ရွှမ်က မိုးပြာနဂါးမျိုးနွယ်မှ ပေးလာသော သံသယရှိသူ၏ အချက်အလက်များကို ဖတ်ကြည့်လိုက်သည်။
"အနည်းငယ် ဝတယ်... နက်နဲတဲ့ ကျင့်ကြံခြင်းနဲ့... အသံအက်အက်... သူတို့ကြားမှာ ရန်ငြိုးဟောင်းရှိတယ်လို့လည်း ပြောထားတယ်..."
နဉ်ရွှမ်က ဖတ်လေလေ အသံတိုးတိုးသွားလေ ဖြစ်ပေသည်။ သူ ဖူလီကို ကြည့်လိုက်သည်။
"ဖူကော... ဒါက..."
ဖူလီက နဉ်ရွှမ်ကို ကြောင်ငေးကြည့်လိုက်သည်။
"မိုးပြာနဂါးမျိုးနွယ်က ပေးလာတဲ့ အချက်အလက်တွေက တိတိကျကျ မရှိဘူး... အဲ့လူကို ရှာမရမှာ ကြောက်ရတယ်... ဒီဖော်ပြချက်နဲ့ ကိုက်တဲ့ လူသား ဒါမှမဟုတ် မိစ္ဆာကို မင်းသိလို့လား..."
"မသိပါဘူး..."
နဉ်ရွှမ်က သတင်းအချက်အလက်ကို ခုံစောင်းပေါ်သို့ ပြန်ထားလိုက်ပြီး အပြင်းအထန်ဆိုလာသည်။
"ဒီကိစ္စကို မှန်မှန်ကန်ကန်ဆုံးဖြတ်ဖို့ ကျွန်တော် အသင်းတစ်သင်း ခေါ်လာလိုက်မယ်..."
မိုးပြာနဂါးမျိုးနွယ်၏ သလင်းကျောက် နန်းတော်တွင်...
မိုးပြာနဂါး မျိုးနွယ်ခေါင်းဆောင်က အိပ်ယာတွင် လဲနေသော ချင်ယန်းကို ကြည့်လိုက်သည်။ ခေါင်းဆောင်က ဟွင်းယွမ်ဆေးတောင့်ကို ထုတ်လိုက်ပြီး ချင်ယန်းကို တိုက်လိုက်သည်။
YOU ARE READING
မျိုးကွဲများနှင့် ယှဉ်တွဲနေထိုင်ခြင်း
Fanfiction💥New BL Coming Soon Title- Don't Discriminate Against Species