تم إختطافي ( قصة بالدارجة مغربية 🇲🇦 )

Part 9 ✨

#🥀💎تم إختطافي💎🥀

#الجزء 9 : ❤🦋

أنا: اححح اححح شنو هاذشي لي درتي ليا فوجهي راه كيحرقني بزااف

فراس: تبتي وسكتي

انا: اووووف برااكة صافي مداوي ليا منداوي ليك يخخ

فراس: دابا نهرس ليك فمك لمجمعتيهش

انا: واش مكنبقاش فيك راني بنااادم ماشي حيوان

بقا كيشوف فيا شحال وهو ينوض جمع داك شي ومشى خرج ..تكيت وتغطيت وبديت كنبكي بشوية حتى نعست ..ملي فقت لقيت الحال صبح ..حليت عيني لي كضرني بزز وكيبان ليا فيها داك شي مضبب بزاف ..هزيت راسي وتلفتت لقيت فراس ناعس جنبي وباش مكملها رابط يدي بقنبة مع يدوا ..جريتها عالجهد حتى ناض

فراس: هييه أش كاين؟

انا: علاش رابطني معاك؟!

فراس : باش متهربيش

انا:واش كاين شي حدْ غادي يقدر يهرب وهو حالتو بحال حالتي؟ مالك مكلخ!!

خنزر فيا وهو ينوض فك يدي ...نضت دخلت الحمام ومن بعدها خرجت جلست فوق الناموسية وربعت يديا..كانوا حوايجي مزالين مسخين بالدم لي خرج ليا من نيفي وفمي البارح ..بقيت كنلمس في وجهي حتى جا قرب مني داك الزمر وبدا كيشوف فيه..

انا :اش كدير ؟

فراس: واش كيضرك بزااف ؟

انا :هههه ونتا أش دخلك ولا ياكما نسيتي بلي نتا السباب!!

فراس: شحاال فيك تاع الهدرة بلا فايدة هفف.

بدا يذهن ليا ثاني فوجهي وانا غير ساكتة ..خفت نهدر ونقول شي حاجة متعجبوش ويفلت فيا شي دقة ولا بونية ..سالا وناض وقف مد ليا شي حوايج..

فراس: لبسي هاذوا وحيدي لي لابسة راهم مسخين.

انا: ديولمن هاذوا؟

فراس: دياولي اللهم هما ولا تبقاي بهاذوا مسخين

انا: مبغيتش نلبسهم شكرا

فراس بالغوات: غتلبسيهم وبز منك!!!!

تخلعت وانا نوض خديتهم من عندوا ودخلت الحمام لبستهم ..جيت كنضحك السروال وصل ليا حتى لعنقي والتيشرت حتى لركابيا ..خرجت وانا معنقة السروال قدامي مع واسع ..وقفت قداموا وهو يبدا يطلع فيا وينزل وضحك..

انا: اش غندير لهاذ الزبل راه واسع عليا!!!!

جاب قنبة وعقدها ليا في خصري..

فراس:صافي دابا!!

انا: صافي ، فيا الجوع !

فراس : معمري شفت شي حد مخطوف وكيفكر فكرشوا ههه الله يستر

خنزرت فيه ومشيت جلست ..بقا هو كيدور فالبيت شحال ومشى خرج ...رجع وهو هاز معاه غير شي بيموات..

انا: لاش هاذوا؟؟ واش مكيناش الماكلة راه فيا الجوع بزااف

فراس: مكيناش هاكي هاذوا ولا بلاش نتي گاع

انا: صافي صافي عطيني

شديتهم من عندهم وكليتهم ومن بعد مسحت فمي وبقيت جالسة ..حتى هو كان جالس مقابل معايا وداير رجل على رجل وكيشوف فيا ..

فراس : مكانش عليك تهربي البارح

انا: أي واحد فبلاصتي كان غيدير نفس الشي عادي نخاف على راسي ونهرب راك خاطفني ماشي جالسة عندك ضيفة ، اجا واش مناويش تقول ليا علاش خاطفني؟

فراس: لا....

#يتبع......💜✨