#خطوات_حائره بقلم #منال_عباس
سكريبت 4
اول مره اشوف سامر بالشكل ده لقيت ان الكلام معاه مش هيجيب فايده سبته ودخلت اوضه النوم وقلت الصبح يبقى ليا كلام تاني معاه يكون فاق من القرف اللي بيشربه ده
لكن صدمتي كانت اكبر لما دخلت اوضه النوم وشوفت ميه واقعه على ملايه السرير لونها اصفر انا متاكده ان احنا خرجنا وسيبنا الاوضه نظيفه ما فيش اي ميه عشان تقع الميه دي جت منين بقيتها تجنن وقاعده افكر هل انا كنت كان معايا مياه ولا سامر كان معاه اى مياه قربت من الميه وشمتها لقيت ريحتها صعبه قوي وحشه جدا كانها ميه من زمان وصلت للريحه الصعبه دي ... خرجت بسرعه لسامر انادي عليه وانا هتجنن يا سامر تعالى تعالى ارجوك قول لي ايه اللي بيحصل هنا في حاجه مش طبيعيه بشوفها كل يوم ولكن كلامي ولا كانه سمعوا لانه كان في وادي ثاني شبه نايم شبه صاحي خفت اكتر وقررت اني ما انامش لازم اعرف في ايه بيحصل في البيت ده فكرت اتصل على ماما وافتكرت ان كاني ما عملتش حاجه جبت المصحف وقعدت اقرا قران كثير لحد ما نمت على نفسي وكالعاده ما صحتش غير على صوت المنبه بتاع الصبح...
قمت اتوضيت وصليت وغيرت هدومي لقيت سامر نايم على نفس الكنبه من امبارح بصيت عليه وانا بلوم نفسي وبلومه على الحياه اللي احنا عايشينها وما لهاش اي معنى ما اصحاش حتى ولا افكر يصحى واشوف فيا ايه بعد ما خلصت كل حاجتي رحت على المدرسه اليوم كان صعب لاني كان عندنا في اليوم ده متابعه من الوزاره كان الكل مشدود والمدرسه كل واحد بيحاول يظهر على احسن وجه كان نفسي الاقي اي وقت فاضي عشان ادور على منار واتكلم معاها بس هي كمان كانت مشغوله عدى اليوم بصعوبه جديده قوي قوي قوي قوي مش عارفه احكي لكم اليوم كان شكله ايه ما صدقت ان الحصه الاخيره مش عندي شغل فيها اتصلت على منار وسالت عليها قالت لي ان هي موجوده ومش عندها اي شغل دلوقتي طلبت منها تيجي تقعد معايا محتاجه افضفض معاها شويه وفعلا جات لي وكان شكلها متغير وشها اصفر بالرغم ان هي شكلها جميل بس كان باين عليها انها تعبانه تعب شديد اتخضيت من مظهرها وقلت لها
هنا : مالك يا منار .. وشك اصفر قوي يا حبيبتي
منار : والله هنا انا مش فاهمه اللي بيحصل لي انا وانا بكلمك امبارح تعبت
مع ان الدكتور قال ان الضغط والسكر تمام عندي يمكن بقى اجهاد انت عارفه الاولاد وطلباتهم
هنا : سلامه عليك يا حبيبتي ربنا يطمننا عليكى
منار : اه يا حبيبتي احكي لي انت بقى قولي لي مالك فيك ايه حاساك عايزه تقولي حاجه
هنا : فعلا يا منار في حاجات بتحصل لي الفتره دي وانا مش لاقيه ليها اي مبرر مش عارفه اروح لمين واحكي له
حتى ماما صعب تسمعني هي دايما مشغوله
منار : انا معاكي يا حبيبتي احكي اللي مضايقك كله الناس لبعضها ..
فجاه لقيت نفسي بحكي بيها كل حاجه عن حياتي من وانا طفله وكل حاجه حصلت ليا حتى موضوع احمد وازاي يتخلى عني.. حد ما وصلت لحياتي مع سامر وازاي عدت سنه وبعد السنه بدات تحصل ليا الحاجات الغريبه دي
منار : اعوذ بالله من الشيطان الرجيم سلاما قولا من رب رحيم ايه الكلام اللي بتقوليه ده يا هنا انت متاكده ان ده مش حلم او بيتهيا لك
هنا : حتى انت يا منار هتقولي بيتهيا لي انا متاكده من اللي بيحصل وطلعت موبايلي ووريتها صوره ملايه السرير وهي عليها الميه انا قررت اصور كل حاجه عشان اللي يقول لي بيتهيا لك اوريه اخذت مني الفون وقعدت تبص على السرير بس ما لقيتش حاجه..
للاسف الصورة ماكنتش واضحه علشان الإضاءة ... بقلم منال عباس
هنا : انا من ارتباكى ما اخدتش بالى افتح الفلاش ...
منار : بصى يا حبيبتى ...افضل حاجه ..تحصنى نفسك بذكر الله ...وتبعدى الأفكار دى عن دماغك ..وبالنسبه لزوجك ...اقعدى معاه واتكلمى ..وعرفيه أن اللى بيعمله ذنب عظيم ..وهيدمر صحته ...وربنا يهدى ليكم الحال ... الحقيقه كلامها ريحني شويه وخلص اليوم سلمت عليها على فكره نسيت اقول لكم ان منار ساكنه بعيد عني بشويه صغيره قررنا ان احنا كل يوم نمشي مع بعض لحد ما نوصل انا بيتي اقرب للمدرسه عن منار بقت منار تمشي معايا لحد ما اوصل لبيتي وهي تكمل لحد بيتها ..بقلم منال عباس... وصلت الشقه وقررت اني ابص مكان الميه قبل ما افتح الباب بس الحقيقه ما لقيتش اي حاجه قلت يمكن صدفه فتحت الشقه ودخلت سمعت صوت ضحك واحده طالعه من المطبخ جريت على المطبخ لقيتها صافي خالد جوزي واقفه بتعمل قهوه وزوجي واقف معاها استغربت هو ما عرفنيش ان صافي جايه النهارده سلمت عليها كان سلامها ناشف وجاف لقيت سامر عمال يقول لي
سامر : يلا يا هنا غيري هدومك بسرعه صافي عملت لنا الغداء كثر خيرها وانا بحب اكل صافي جدا
هنا : اه حاضر بقلم منال عباس ...تسلم ايدك يا صافى ...
دخلت اوضه النوم عشان اغير هدومي اتفاجئت ان اوضه النوم متنضفه والسرير متغير الملايه بتاعته وكل حاجه محطوطه بالترتيب اللي انا بعمله بقيت مش فاهمه حاجه ما هم غيرت هدومي ودخلت اتوضيت وصليت الظهر وخرجت ليهم كانت فعلا صافي حطت الاكل على السفره وقعدنا احنا الثلاثه نتغدى وكالعاده انا قاعده ساكته وسامر وخالتو صافي نازلين هزار كل شويه وكلام كثير كله هزار في هزار الغريبه في الموضوع ان طنط مامه سامر بتحبني جدا وانا الحقيقه بحبها بس الغريبه بقى انها ما بتقعدش زي ما اختها بتقعد عندنا ولا ممكن تعمل حاجه غير لما اكون انا موجوده يمكن علشان صافي اصغر سنا فهي واخده على سامر مش عارفه
خلصنا الغداء وشلت الاطباق وغسلت المواعين ورجعت علشان احط الفاكهه لقيت صافي بتدي لسامر سيجاره ملفوفه شكلها غريب سالتهم هو ايه ده وبعدين معاكي يا سامر انت هتشرب الحاجات دي لقيت صافي هي اللي بترد بقول لك ايه بقى احنا عملنا لك اللي نفسك فيه سيبينا بقى احنا بمزاجنا ردها الحقيقه كان مفاجاه ليا قلت لها ايه اللي حضرتك بتقوليه ده حضرتك زي مامته المفروض تخافي عليه المفروض انك لما تشوفيه بيعمل كده تمنعيه لقيتها بتضحك ضحكه غريبه وصوتها عالي وبعدين معاكي يا سامر ما تشوف مراتك احنا قلنا ايه احنا جايين نعمل دماغ مش عايزينها تفوقنا من الدماغ دي بقيت مش مصدقه اللي بيحصل ده ازاي ازاي دي خالتو الخاله بتبقى ام تخاف على المصلحه رحت قربت من سامر قلت له رد عليا ازاي بتعملوا كده هتسيب الزفت ده ولا لا بص عليا بصه غريبه وقال اللي مش عاجبه يمشي وانا هنا صاحب البيت فاهمه ولا لا ما قدرتش استحمل اكثر من كده دخلت اخذت شنطتي وخرجت ورحت عند اهلي لقيت بابا وماما كالعاده متخانقين بابا وماما عمرهم ما اتفقوا على اي حاجه دايما بابا لما يتضايق من ماما ينزل يقعد على القهوه مع اصحابه ما حدش منهم فكر يقول لي فيك ايه كل واحد مشغول ان يثبت قد ايه اللي قصاده وغلطان لكن انا ايه وفيه ايه ما حدش سالني بقلم منال عباس ...عدى الوقت بسرعه ولقيت ماما بتسالني هو انت مش هتروحي ولا سامر هيجي ياخدك قلت ليها انا وسامر متخانقين لقيتها اتعصبت بسرعه متخانقين ازاي يعني ازاي ما قلتيش عمل لك ايه وقال لك ايه حكيت لها ايه اللي حصل مع خالته من اول ما رجعت من الشغل لحد ما مشيت لقيت ماما قالت ايوه هو الرجاله كلهم كده هو عايز يتشد انت خساره فيه انتى انت تقعدي هنا معززه مكرمه ... ابوكي لما يرجع ليه كلام معاه ...دخلت اوضتى لاول مره اروح في النوم بهدوء من غير ما احس باي حاجه كابسه على نفس كاني كنت محتاجه انام النوم ده نمت وصحيت على صوت اذان الفجر فرحت قوي انا من زمان ما بعرفش اصحى على الفجر تقريبا من يوم ما اتجوزت ما بصحاش غير على صوت المنبه قمت اتوضيت وصليت الفجر وقعدت ادعي ربنا كتير... كان الوقت لسه بدري على ان اقوم اجهز للشغل قلت افتح الفيس شويه اضيع اي وقت لقيت البيدج بتاع النادي منزله ان احمد المحلاوي مقدم نفسه للانتخابات مجلس الاداره لقيت ناس كتير كاتبه له تهنئه كلام كثير حلو والغريب ان لقيت صور كتير وفي وسط الصور لقيت نفس البنت اللي كانت مع اصحابه واقفه جنبه وهو ماسك ايدها مش عارفه ليه حسيت بغيره مع اني مش من حقي انا دلوقتي ست متجوزه وهو حر في حياته بس شكل الصوره فضل في خيالي قفلت الفيس وقمت جهزت عشان اروح للمدرسه لقيت بابا صحي بدري ومحضر ليا السندوتشات زي ايام زمان بابا : صباح الخير يا هنا يا بنتي انا عرفت كل حاجه من مامتك ما تشيليش هم اي حاجه وانا ليا كلام مع سامر يلا خدي سندوتشاتك عشان تلحقي شغلك
هنا : صباح الخير يا احلى بابا فى الدنيا بقلم منال عباس...انا كويسه يا بابا ..اطمن
بابا حمدى : ربنا يطمنى عليكى ديما ...
اخدت السندوتشات وشكرت بابا ومشيت رحت على الشغل ...
فى طابور الصباح
وقفت أمام فصلى شوفت نظرات مدرس معانا متثبته عليا .. انحرجت ودورت وشي بسرعه بعيد عنه بقيت مستغربه يعني ايه هو ليه بيبص عليا كده المهم خلصنا الطابور كالعاده وطلعت على الفصل شرحت الدرس بتاعي لحد ما خلصت الحصه الاولى والثانيه والثالثه كان طبعا ثلاث حصص ورا بعض بيبقى بالنسبه لي شيء مجهد شويه بس خلصت ونزلت اوضه المدرسات لقيت منار قاعدة وحاطه أيدها تحت خدها
هنا : صباح الخير يا مونى ...مالك حاطه ايدك تحت خدك ليه ..
منار : لا يا حبيبتى مفيش ...اجهاد الاولاد والمذاكرة وشغل البيت والمدرسة...
هنا : الله يكون في عونك...
منار : شكلك النهارده متغير ؟
هنا : متغير ازاي يعني..
منار : شكلك احسن وشك رايق وصافي شكلك كده اتصالحت انت وسامر الا قولي لي ها الدنيا وصلت لايه .. اتكلمت معاه. ؟
هنا : لا وحياتك ده احنا اتخانقنا وسبت البيت
منار : انت بتقولي ايه يا هنا يعني ايه سبتى البيت؟!!!
هنا : دي حكايه طويله وقعدت حكيت ليها كل حاجه تصرفات خالتو المريبه وتصرفاته هو كمان
منار : الحقيقه يا هنا كلامك عن الست دي مخليني احس من ناحيتها حاجه كده مش كويسه مش عارفه هي مالها يعني ازاي خالتو يعني وتخليه يشرب معاها ولا هو هي اصلا بتشرب ازاي هي الست ظروفها ايه يعني ما لهاش زوج ولا ايه نظامها..
هنا : بقول لك ايه سيبك منهم انا الحقيقه نفسي ارتاح من التفكير في الموضوع ده وراكي اي مشاوير بعد المدرسه
منار : الخميس واحنا يوم الخميس ما
بنذاكرش الاولاد بيطلعوا من المدرسه بيروحوا النادي مع اصحابهم.. بقلم منال عباس
هنا : حلوه قوي طب يلا بقى اول ما تطمني ان الاولاد راحوا النادي نخرج انا وانت ايه رايك نروح نتغدى سوا في اي مكان
منار : قشطه تمام هكلم جوزي واتفق معاه وفرصه نخرج سوا ونتغدى هو كده كده بيرجع متاخر...
فرحت انى هخرج مع منار ...حاسه انى محتاجه انطلق شويه ...مش عايزة افكر فى اى حاجه ....خلص اليوم الدراسي ...اخيرا ....واتفقت مع منار نتقابل بعد ساعه
رجعت البيت كانت ماما وبابا قاعدين منتظرني
ماما : هنا تعالي قولي لي انتى ناويه على ايه
هنا : ناوي على ايه في ايه يا ماما ؟
سميرة : في موضوع سامر الموضوع ده احنا مش هنعديه ازاي يسيبك كده تمشي من غير ما يجيبك لينا وازاي اصلا يكون بالاخلاق دى ...وكمان صافى دى ازاى تتعامل معاكى كدا ...
مره احس ان انا متغيره ولقيت نفسي برد على ماما بنفس اسلوبها انا دلوقتي محتاجه ارتاح واتكلمت بنفس الأسلوب العصبي اللى ماما بتتكلم بيه
لقيت ماما بتبص لبابا بتقول له شايف بنتك شايف الاسلوب اللي هي بتتكلم بيه وبدل ما يقعدوا هم الاثنين يتكلموا في مشكلتي قعدوا يتخانقوا كالعاده بصيت ليهم وقلت ليهم انا خارجه مع منار صاحبتي
سميرة : يعني ايه يعني ايه تخرجي وانتى في الظروف دي الناس تقول عليكى ايه...
هنا : اللي عايز يقول يقول دي حياتي وانا حره فيها ثم انا ما بعملش حاجه غلط وانت متاكده من ده كويس سيبيني بقى يا ماما سيبيني انا تعبت انا محتاجه اتكلم مع حد واخرج اغير جو ما فيش حد هنا بيسمعني ادي ابسط الامور مشكلتي وقاعدين تتخانقوا بدل ما تسمعوا المشكله ونلاقي لها حل ممكن تسيبوني في حالي بقى ودخلت اوضتي ورجعت الباب ورايا طلعت فتحت الدولاب قعدت ادور على اي حاجه من هدومي اللي بسيبها عند ماما لغايه ما لقيت طقم بسيط بنطلون جينز وشيميز ابيض حطيت ميك اب خفيف لفيت طرحه سبانش والبس كوتشي رياضي عشان نقدر امشي بسهوله وخرجت لقيت ماما واقفه لي انت برده هتمشي اللي في دماغك..
هنا : لو سمحت يا ماما انا ما بقتش صغيره معايا موبايل وقت ما تحتاجيني رن عليا ممكن بعد اذنك تسيبيني عشان ما اتاخرش وقبل ما ترفض او تعترض زي زمان خرجت وقفلت الباب ورايا نزلت وكان لسه بدري فاضل ربع ساعه على ما منار تيجي .قولت اروح عند بيتها ونخرج من عندها .... وانا ماشيه في الطريق علشان اروح لمنار قابلت طنط مامه سامر طنط مامه سامر اسمها حنان ست طيبه جدا وقليل لما بتيجي ولما بتيجي عمري ما حسيت انها حد غريب عني هيبقى بالعكس انا بحبها وبحب وجودها... بقلم
طنط حنان : هنا يا حبيبتي انت فين ده انا جايه لكم زياره النهارده
هنا : اهلا ازي حضرتك يا طنط هو حضرتك ما تكلمتيش مع سامر ولا ايه
طنط حنان : لا يا حبيبتي ده انا كنت هنا قريبه منك قلت اجي اسلم عليكم واشوفكم يعني لو محتاجين حاجه ناقصاكم ولا حاجه ....
هنا : الحقيقه يا طنط انا وسامر متخانقين وانا سيبت البيت ...
طنط حنان بزعل : ليه كدا يا هنا دا انا بقول عليكى عاقله
هنا : اسأليه ..هو وخالتو صافى ...
لقيت طنط حنان وشها جاب الوان
اول ما سمعت اسم صافى .....يتبع
