فصليه ضابط مغرور

بهاذا البارت نتعرف على ابطال القصه

هلو اني نور عمري 16 سنه طالبه رابع عدادي مواصفاتي : {بيضه وعيوني عسلي فاتح شعري بي شويه شكار وزني 54 طولي 155} بابا عمره 48 سنه ماما عمرها 45 سنه عندي أخ واحد مرتضى عمره 18 سنه طالب سادس عاد السنه لان ما طلع معدل عالي.      
"
"
ام نور (سمر): نور يلا كومي كعدي الساعه 6:30 الصبح عندج دوام راح يروح عليج الوكت يلا كومي

نور: ماما بس شويه خليني انام والله تعبانهش اريد انام

سمر: ولج كومي شنو تنامي عندج دوام راح يروح عليج الوكت

نور: اووف شوكت اخلص من المدرسه عاد والله تعبتني 😑💔

سمر: دكومي كومي بعدج هسه صرتي رابع لعد لو تصلين السادس شتسوين يلا كومي

نور: يي هيان كمت

سمر: اروح اكعد مرتضى اذا رجعت وشفتي ما كمتي اموتج

نور: لا هيان كمت كلشي ولا تموتيني عيني ست سموره هههههه

سمر: هههههه يلا لعد كومي

نور: راحت ماما تكعد مرتضى اخويه واني كمت سبحت وطلعت نشفت شعري وسويت ضفيره وطبعا اني ما محجبه لان اكول بعدني صغيره ما هسه اتحجب وطبعا اهلي هم ما يغصبوني عالحجاب مخليني على راحتي شوكت ما اني اكول اتحجب اتحجب المهم نزلت شفت بابا دا يتريك رحت بسته وكعدت اكل

مرتضى: هاي شنو هاي ست نور تتلوكين لابويه من الصبح مبينه رايده شي منه شنو تريدين

نور: ماريد شي لازم حرام ابوس ابويه اني ماصرت مثلك ستاذ مرتضى

ابو نور (عادل): مرتضى اسكت خلي نور تاكل لا تضوجها من الصبح

مرتضى: هاي شنو بابا والله ما مضوجها هيا تضوجني اصلاا

سمر: وتضوجني هم ماتكعد الا اني اكعدها وياريت تكوم بسرعه تشلع كلبي وماتكوم

نور: هاي شنو ماما انتي هم مع مرتضى والله زعلت

مرتضى: لا ولج نور تعالي نشاقيج تعالي ههههه

نور: ما اجي ماما ماتحبني

سمر: ماما تعالي شلون ما احبج ليش اني كم نور عندي حتى ما احبج تعالي نشاقيج

عادل: تعالي حبيبي نور لخاطري تعالي اكلي وراج دوام هسه راح تتأخرين

نور: راح اجي بس لخاطر بابا

عادل: يسلم خاطرج حبيبي يلا تعالي

نور: رحت كعدت بصف بابا اكل اكلت وكملت واجا ابو الخط صعدت كعدت بصف فطوم

فطوم (صديقه نور): ها ولج نور درستي رياضيات

نور: يي درست بس احسه شويه بي صعوبه

فطوم: لا بالعكس سهل شنو ما فهمتي خليني اشرحلج هو قبل لا نصل المدرسه