مهمه في الماضي[مكتملة]

"البارت الثانيـ2¦عفريت البيت"

"بسم الله الرحمن الرحيم"
"اللهم صلِ وسلم وبارك على نبينا محمد وعلى آله وصحبه أجمعين"
إحتراماً منك/كِ لتعبي في كتابة ما تقرأ أرجوا أن لا تنسى أن تضغط النجمه يا رفيقـ/ـة !
---البارت[الثانيـ2|عفريت البيت]---
لو مقراتش الجزء الأول عمرك ما هتفهم الجزء الثاني بيتكلم عن إيه؟

يسري :
دخلت البيت جري عشان ألحق المـ.ـصيبه دي بأي شكل وطلعت على السلالم عشان اشوف هي فين؟ وطبعا من منظر الشباك بره عرفت أحدد انهي أوضه هي فيها...وصلت الأوضه وفتحت الباب أتصدمت..مفيش حد في الغرفه!!
إزاي! أنا متأكد أني شفتها، وقفت شويه بفكر ومستغرب اللي حصل...خدت بالي من حاجه أن الغرفه اللي أنا فيها شكلها كانت غرفة بنت صغيره
أصل لون دهان الجدار وردي باهت مترب و السجاده برضو هي كمان عليها تراب كتير مغطي لونها الوردي و السرير عليه دباديب كتيره ومخدات كبيره بس برضو كلهم متربين، ده حتى الدولاب الأبيض مترب
، بصم خلينا نتفق أن كل حاجه في البيت قديمه ومتربه وأحيانا مش شغاله
بدأت اتمشى في البيت وأنا حاسس أن رهبتي من البيت راحت وكأني بتمشي في بيتي، فضلت افتح في الغرف واتفرج على كل حاجه، هو فعلا بيت جميل بس محتاج تنظيف و شغل جامد...رفعت رأسي وشفت شبابيك عاليه لو اتفتحت هتهوي البيت و تدخل شمس في المكان الكئيب ده
قلت أما أدور على حاجه اطلع عليها و للصدفه لقيت سلم خشبي يساعدني أطلع فوق للشبابيك

حطيت السلم وطلعت عليه وأول ما فتحت الشباك بترابه اللي عليه
هوب قام غراب أسود كبير ناطط في خلقتي جرحني في خدي اليمين وكأن ريشه عباره عن سكـ.ـاكين مش ريش عادي
بسبب الفزع وقعت من فوق السلم واتخبطت في الأرض جامد لدرجه أن دماغي نـ.ـزفت، بدأت أحاول أفتح عنيا و أفوق لكن مفيش فايده أنا حرفيا بيغمى عليا لحد ما حطيت إيدي على دماغي وشفت الد.م على إيدي قمت غمضت عيني و أستسلمت للسحابه السوداء

بصراحه مش فاكر أنا فضلت قد إيه مغمى عليا لكن حاسس إني حلمت بحلم غريب لا ده كابوس وكنت حاسس إنني نايم وصاحي في نفس الوقت
أنت متخيل!

شفت في الحلم راجل أنا معرفهوش بس الشخص ده شكله كان بيخوف جداً ، عنيه كانت كلها سوداء و شعره كان منكوش تقولش واحد متكهرب و فيه خطوط سوداء ماشيه في وشه
و جـَ.ـسـ.ـمه كان رياضي جدًا وفي نفس الوقت مرن جداً لدرجه انه يقدر يطبق جسمه زي الورقه بالظبط! يعني أنا كـ يسري كان نفسي أعرف الشخص ده بيلعب رياضه في أنهى جيم؟
المهم كله كوم وابتسامته لوحدها كوم تاني كانت ابتسامة سنانه زي ابتسامة سمك القرش بس بلون أصفر مش أبيض خالص وكل ما يتكلم ينزل د.م اسود من فمه!!!
شفته ماسكني من رقبتي جامد كان "بيخـ.ـنقني" ورافعني من على الأرض مكنتش قادر أقاوم وكأن أطرافي مكنتش بتاعتي!
بدأت راسه تتلوى زي البومه قرب من وشي بوشه وقال بصوت كله غضب وكأن اللي بيتكلم مش إنسان قال :
"أخرج من منزلي!"
وفجأة جرحني في خدي اليمين بظفر الإبهام الطويل من الأيد الشمال
"أتوجعت أوي وكأنها حقيقه"