[Unicode]
"ကိုယ်လည်းလေလောကီသားပေမို့ ချစ်သဲငယ်ကြင်ပါလှည့်ကွယ်" (paid gp)
"ငယ်..ကြည့်စမ်း..ဒီပန်းအဖြူလေးတွေကလှတယ်နော်"
ငယ်စိတ်ေပြာင်းသွားအောင် ခြံထောင့်မှာရှိသည့်အပင်ပေါ်က အဖြူနှင့်အနီလိုလိုလိေမ္မာ်လိုလိုပွင့်ညှာလေးတွေရှိသည့်ပန်းပွင့်တွေကိုလက်ညှိုးထိုးပြရသည်။
"ဟယ်..ဟုတ်ပါ့..ဆိတ်ဖလူးပန်းလေးတွေ"
"ဘာပန်း..ဆိတ်ဖရူ..ဖလူ.."
"ဆိတ်ဖလူးပန်း"
"ဆိတ်ဖလူးပန်း"
"မှန်တယ် good job"
လက်ကလက်မလေးထောင်ကာ လှုပ်ယမ်းပြသည်။
"ဆိတ်ဖလူးပန်းတွေကိုငယ်ကြိုက်လား"
"ကြိုက်တာပေါ့..ဒါပေမယ့် ငယ်တို့ခြံထဲမှာမရှိဘူး..ငယ်မန်းေလးမှာဘော်ဒါဆောင်နေတုန်းက ဘော်ဒါဆောင်ရှေ့မှာတော့ရှိတယ်..ဆိတ်ဖလူးပန်းကဒီလိုအချိန်ပဲပွင့်တာ..အဲ့ဒိအချိန်တုန်းကတော့ စာကျက်ရင်အဲ့ဒိအပင်အောက်သွားကျက်တာလေ..ဆိတ်ဖလူးပွင့်တွေကမြေပေါ်မှာလည်းဖွေး အပင်ပေါ်မှာလည်းဖွေးနဲ့ အနံ့ကလည်းစံပယ်ပန်းလောက်မမွှေးပေမယ့် သင်းသင်းလေး..လေအဝှေ့မှတချက်တချက်ရတာမျိုး..အား...အဲ့ဒိတုန်းကအချိန်တွေကိုတောင်သတိရသွားပြီ"
ငယ်ကသူသဘောကျနေတာတွေပြောနေရရင် မျက်လုံးဝိုင်းကလေးတွေက ညအချိန်ရေကန်နက်ထဲကလရိပ်ကလေးလိုပြာလဲ့နေပါသည်။
"နေဦး..."
လူဘေးနားကထပြေးသွားကာ မြေပေါ်ကြွေနေသည့်ဆိတ်ဖလူးပွင့်တချို့ကိုလက်ခုပ်လေးထဲထည့်ယူလာ၏။ ပြီးတော့ သူ့နားထင်ဘေးနားကြားထဲတစ်ပွင့်စီညှပ်ပေးလိုက်ပြန်ကာ...
"လှသွားပြီ..နားပန်းဆံ..နားပန်းဆံ"
ကိုလူချောကမိန်းမချောချောတာလို့ပြောရင်လွန်မယ်မထင်။ ဆိတ်ဖလူးပန်းတွေနားမှာညှပ်ပေးထားတော့ ငယ့်မျက်လုံးထဲလှလိုက်တာလေ။ ငယ်လုပ်သမျှ ပြုံးပြုံးကြီးနဲ့ငြိမ်ခံနေတာလည်းချစ်စရာကောင်းနေပါ၏။
"ဟီးဟီး"
မဟုတ်တာလုပ်ထားရင်၊ လုပ်ချင်တာလုပ်ထားရင် ပြုံးလေ့ရှိတဲ့အပြုံး။ ထိုအပြုံးကို လေးညိုချောကငါးခူပြုံးလို့အမည်ပေးထားသေး၏။
YOU ARE READING
ကိုယ်လည်းလေလောကီသားပေမို့ ချစ်သဲငယ်ကြင်ပါလှည့်ကွယ် (Completed)
RomanceGenre: Romance, Mystery, Action Start date:5.10.23 End date: 2025 Status: completed (paid gp) စက်မှော်ရုံ: "ခေါင်းငြိမ့်ခေါင်းခါဘာလုပ်လုပ် မင်းရှေ့မှာငါရှိတယ်..ခေါင်းငြိမ့်ရင်ငါ့ကိုချစ်တယ်လို့သတ်မှတ်မယ် ခေါင်းခါရင်ဒီေနရာမှာနှစ်လောင်းပြိုင်ပဲ..စက်မှ...
