نويت الصبر وخانتني دموعي

بارت 9

... وفجاه... ريم تصفعني ..
أنا - يالكلبههههههه خيرررر
ريم - ف شو سرحانه ؟؟؟
أنا - ماشي ..
امون - صارلج ساعه مو منتبههه لشي..
أنا - فطوم هاتي تلفونج بسرعه..
فطوم - حق شو؟!
أنا - تلفوني مافييههه رصيد .. ابي ادق ع شوق.. وعطتني دقيت عليها ..
شوق ( هلا )
أنا ( وينج؟؟! )
شوق ( بعدني .. مايد راح الدوام .. وقالي روحي بنفسج .. )
أنا ( لااا خلج لا تين .. أنا ونهيان . بني خلاص .. )
شوق ( شو بلاج؟ )
أنا ( قتلج لا تين بنمرلج يالله تحملي )
ريم - ليش؟ شصاير؟؟
أنا - ماشي ...
ورحت الغرفه . لبست عبايتي ونزلت الصاله ... نهيان وحنين وصلو ...
يدوه - يامرحبااا بكم
حنين ونهيان سلمو ع الكل..... ورحت احضنهم...
انا - نهيان .. خ نمر لشوق.
نهيان - تراها يايه مع مايد
أنا - لا مايد .. راح الدوام .. ضروري . وقالت انها بتسوق روحها.
نهيان - زين خ تي
أنا - قتلك خ نروح ماتفهم!
نهيان - زين بلاج معصبه وزعلانه..
أنا - حنين قومي خ نروح
اماه - وين ؟
أنا - نمر لشوق ..
يدوه - زين تحملو..
اماه - في شي ضروري ؟؟
أنا - مافي شي .. يالله مع السلامه ....
فالسياره... تميت اصيح..
نهيان صد ورا - بلاج؟
وقتلهم الموضوع ...
حنين - ترا مجرد خيال ليش معذبه عمرج هالكثر
نهيان يمسك ايدي - لا تفكرين هالكثر ..
أنا مسحت دموعي - ان شاءالله...
نهيان - تبون شي؟
حنين - ميروه تبين شي؟
أنا - لا
نهيان - وانتي ؟
حنين - لا مابا
وصلنا .. بيتهم.. وخذينا شوق.. ع طول حضنتها..
شوق - بلاج
نهيان - وييي ميروه قصه ثانيه ....
وصلنا البيت .. والبنات كانو مجهزين كل شي .. وتعذرت منهم. لاني. سحبت عليهم ... ويوم عرفو السالفه كلهم ضحكو علي وتغدينا.... المهم أنا والبنات قعدنا . ف الحوش.. حطينا الاغراض والأكلات ..خفايف يعني... .
نهيان - يالله حبيبي طالع تبغين شي؟
حنين - لا حبيبي سلامتك. وين رايح
نهيان - مع ربعي
حنين - زين تحمل
نهيان - ان شاءالله .. هاتي بوسه عسريععع
حنين - مافي يالله روح
نهيان - تبيني احلف اني م. بتحرك من مكاني!!!
حنين - اففف ... زين،
نهيان تقرب منها وبأسها ع خدها - حتى البوسه حارميني منها
حنين - خلاااص تراك حصلت بوسه يالله روح
نهيان - يألله آخر بوسه
حنين - نهيان عاددد
نهيان - خلاص تمام .... وطلع
حنين - اخ من هالولد شكثر يزعل .
الشباب طالعين من الميلس.....
أنا - نهيانوههه تعالللل كل ويانا
نهيان - مابغي جعله بالعافيه
أنا - يعافيك عيوني
الشباب يطالعون نهيان ...
حمدان - الحين ماعرفنا اي وحده حرمتك
حنين يت - أنا حرمتها الاولى والثانيه الثالثه الرابعه .
حمدان - بلللللل.... زين م قلنا شي،،،
مروان - بس تعزم نهيان ونحن ع فاضي واقفين
شما - تعال اخويههه كل
مروان - لا مابغي تسلمين
ريم - توك تقول محد يعزمنا
أنا - خليههه
هزاع - ها بنات م تبون شي
امون - أنا ابااا.... قصدي مابا
البنات ضحكننن ....
أنا - زين خ نطلب
نهيان - لااه م تطلبين .. اغار ع صوتج
حمدان - وابويه عليككك
حنين - هههههههههه تحمليييه احيينههه
نهيان اونه زعلان من حنين...
أنا - شوفيك عليها
نهيان - المهم . طالع تبون اخذ لكم شي ؟
أنا - لا مانبي .. مشكور. وتحمل
وروحو.......
أنا - بلاكم !
حنين - اخوج تافه
أنا - احااا ليش تافه
حنين - السالفه م تسوى... وها ياي يزعل
أنا - شسالفه انزين..
حنين - قالييي ابا بوسه. قتله لا مافي روح مستعيل. وعقب تم يقول . تبيني احلف لج اني م بتحرك من مكاني .. وخليته يبوسني .. ومره ثانيه طلب مني قتله روحح لا تتاخر . جان يطلع .
البنات - ههههههههههه
ريم - مو من صجه
انا - الريال يبي يبوس حرمته شيخصكممم انتو هههههههه
حنين - ليش يزعل انزين؟؟
امون - المهم ماعلينا .. خ نلعب..
أنا - اي لعبه ؟
امون - بحط دبة ماي .. و أنا بدورها... إذا يت عليج يعني دورج.. وبنسالج اي سوال .. لازم تكوني صريحه..
أنا - عرفتها . يلا ..
امون لفت الدبه.. و يت ع حنين....
ريم - ويييييي يلااا من بيسألها...
أنا - أنا بسالها... احممم.... من متى كنتي تحبين نهيان
حنين - همم... صارلي سنتين وانا احبه.
ريم شهقت - هاااااا؟ حلفي بس؟
حنين - والله
امون - وحنا كيف ماعرفنا؟
شما - خلاص ياخي خ نلعب...
دورت الدبه.. و يت ع امون.....
العنود - شو بينج وبين هزاع؟
امون - ماعندكم سؤال ثاني؟
ريم - مايصير لازم تردي
امون - مابيني وبينه شي
أنا - احس وقفو اللعبه . خ نقعد معاهم. ونسمع سوالفهم..
ريم - يلا قدام....
جمعنا الاغراض... ورحنا الصاله ......
عموه - اشوف غيرتو رايكم....
أنا - اليلسه معاكم احلى
عموه - إذا احلى م بتقعدون ف الحوش
أنا - يالله عاد بغينا نغير الجو شوي
يدوه - أنا قررت . قرار مهم
اماه - شو القرار؟
يدوه - بعد اسبوعين.. عرس محمد وريم..
انا - يووووووووهههه حماسسسسس
ريم استحت ..
عموه - يالله بالبركه ان شاءالله..
ام حمدان - باقي دور الباجين
ام مروان - كل وحده بتتزوج.. ومحد بيحس
اماه - صدقج يا ام مروان
أنا - شويات وبيييكم... طلعت رحت ف الحوش
الشباب قاعدين ف البر ومسوين يلسه.....
حمدان - ياخي شرايكم .. نلعب سوني يوم نرد البيت
هزاع - بس ف بيتنا اوكيه؟؟
خليفه - موافقييين
نهيان - احس يباله. طلعة الاهل
محمد - هييه والله .
حمدان. - شوفو سيف كيف سرحان وهب معانا...
هزاع - سيف
سيف - هلا
هزاع - شرايك ننتحر؟
سيف - اوكيه ماعندي مشكله...
هزاع - حتى الاهل ؟؟!
سيف - هيه حلو
محمد قام ودز سيف - بلاك انته؟ مستوعب هزاع شو قاعد يقولك؟
سيف - شو ؟
هزاع - اقول عادي ننتحر.. تقول عادي مدري شو ههههههههههههه
مروان - سيف ف عالم الموازي
حمدان - واضح اصلاً... خبرنا من هاي سعيدة الحظ .. ساحب علينا عشانها...
سيف - اي سعيدة الحظ وخرابيط .. تدرون هب جوي...
تلفون حمود رن .... - لحظه شويه....
محمد ( الو ؟ )
أنا ( هلا ب حمودي )
محمد ( خلصيني شو تبين؟ )
أنا ( بلاك ترمسني جي؟ )
محمد ( قاعد مع الشباب يالله قولي )
أنا ( عندي لك خبر حلو )
محمد ( شو هو؟ )
أنا ( قرررب عرسك )
محمد ( اونه؟ )
أنا ( والله .... هااااا صبري بيييج )
محمد ( متى العرس؟ )
أنا ( يدوه قالت عقب أسبوعين ... )
محمد ( فديتها والله تفهمني )
أنا ( خلاصصص ياعمي يايه .... حمود بسكر عنك حرمتك المستقبليه تزقرني يالله باي )
حمدان - بلاك مستانس
محمد يبتسم - عقب اسبوعين العرس..
هزاع - عرس منو؟
محمد - يعني ب العقل عرس منوووو؟
مروان - يعني عرس محمد شوفيكم مستخفين . ههههههههه
نهيان - اووووه من جذه الاخ فرحان والابتسامه شاقه حلجه شق
محمد - اسكت عني..
الشباب - بالبركه اخوي...
سيف - دام جذه.. خ نرد البيت نتأكد احسن.
محمد - يالله ...
ريم - كنتي ترمسين منو؟
أنا - الحب مالج
ريم - جب.. شو قلتي له
أنا - عن العرس
ريم - م تتحمليييينن يعني؟؟!
أنا - بلاج
ريم - كنت بقوله بنفسي
أنا - راحت عليج هههههههههه
هزاع وهو يدق ع امون.. وامون ردت ....
امون ( هلا؟ )
هزاع ( اموون )
امون ( بعد دقيتلي؟ )
هزاع ( سمعييي دخيلج والله )
امون ( خير؟ )
هزاع ( اموون احبج وايد )
امون ( تستهبل ؟؟ )
هزاع ( لا والله م استهبل .. احبج من زمان ولا دريت اني احبج )
امون ( اوكيه والمطلوب؟ )
هزاع ( قاعد اعترف لج بحبي وتردين علي بكل برود ؟ )
امون ( باي ) وسكرتتت ف ويههه..
حنين - بروح الغرفه
اماه - زين حبيبتي
والشباب وصلو.....
محمد - هود هود..
يدوه - هدا هدا معرسنا تفضل..
دخلو وسلمو ع الكل.........
حمدان - ها يدوه شو سمعنا
يدوه - شو سمعتو؟
هزاع - قرب عرس محمد
عموه - من قالكم؟
وانا ااشر ع هزاع... بمعنى ( لا )
هزاع - الاخت ميره..
يدوه - ميروووه
أنا - هلا يدوه..
يدوه - انتي مخبرتنه؟
أنا مو قادره امسك الضحكه - ها يدوه . ههههههههههههه
عموه - شو بلاج تضحكين
أنا - مادري .. ههههههههه
يدوه - لا تضحكين وانا ارمسج.
أنا - ان شاءالله
يدوه - ليش خبرتيه؟
أنا - شو؟
يدوه - عن العرس
أنا - وييي متى قلت أنا؟
محمد - ميره طراق لا تستغبين
يدوه - كلمها عدل اختك ترا..
محمد - حاضر . بس ليش قاعده تخرط
أنا - يدوه حبيبتي انتي تعرفيني م اخرط.. إذا تبيني بحلف برأس هزاع
هزاع - هيييييي أنا شيخصني
محمد - يدوه اراويج آخر اتصال من منو؟
يدوه - يالله أشوف..
محمد وهو يراوي يدوه ....
يدوه - آخر اتصال من ريم...
محمد - هااا؟ لا يدوه والله ميروه كانت داقتلي..
حمدان - من جذه الاخ كان يبتسم يعني مستحيل يبتسم سبب ميره
محمد - اسكت عنييييي... وتم يطالعني.. وهو معصب
أنا - خلاص لا تتضاربن... أنا اتصلت فيه. وقتله عن العرس.. وخذيت تلفون ريموه واتصلت فيه عسبت م يكشف لكم حقيقتي ههههههههههه.... ركضت وصعدت.....
اماه - ترا هب زين الحركه اللي سويتيها تراهم مخطوبين .. بس
وقفت ع مكاني - ترا رقمي ها بس غيرت الاسم هههههههه
ريم - يالكلبهههه
محمد - والله اراويج..
أنا - نهيان موجود م بتقدر تسويلي شي... وصعدت الغرفه.....
نهيان - يالله بروح اريح شوي تعبان
اماه - شوفيك حبيبي عسى م شر
نهيان - مافيني شي مجرد تعب .. يالله.... وروح
امون - ها يدوه متى نتجهز والخ....
يدوه - بنسوي ليلة الحناء بعد
محمد - لا يدوه ماحب والله
يدوه - يمكن البنت تبي
عموه - ريم م تحب هالسوالف .. وحتى حناء م تحب
يدوه - يمكن الريال يبيها تتحنى
هزاع- يدوه بلاج ع كل كلمه تقولين يمكن ههههههههههههه
يدوه - اصطلب .. متى بتتزوج ونفتك.. منك
هزاع - افا يدوه .. مدورلي وحده اصلاً
ع طول امون شافته....
عموه - صدق من هي؟؟
هزاع - وحده. فديتها
ام حمدان - قول منو خ نفرح فيك
هزاع - اخت مايد .. مريم .
امون انصدمت...
يدوه - يالماتستحي ع ويهك ..
هزاع - يدوه شوفيج م رمستها ولا شي .. بس اقولج هي فخاطري
عموه - تتكلم صدق ؟
هزاع - اكيد
امون قامت. وروحت......
فطوم - اكلم شوق؟؟
هزاع - لاااااه اسولف ترا.. مب تروحون وتخططون كل شي واطلع اتوهق .. ف هالموضوع ..
عموه - لا تقولها من بدايه عيل...
هزاع - خلاص تم ...
حمدان - الشياب وينهن
يدوه - طالعين مادري وين
حنين قاعده ع الشبريه .. مع التلفون .. ونهيان دخل ..
حنين قامت - هلا فيك حبيبي
نهيان مارد عليها وانسدح..... وحنين قعدت صوبه...
حنين - شو فيك يانور عيني
نهيان - مافيني شي خليني اريح تعبان..
حنين - اشوف فيك حمى.
نهيان - لا م يحتاي لا تشوفين ..
حنين - ليش قاعد تسوي فيني جذه؟؟
نهيان - مش وقته
حنين - نهيان
نهيان - خليني انام
حنين - شو هاي الحاله والله.. ويوم بغيت اقوم مسكني..
نهيان - اسولف وياج شوفيج
حنين - لا م تسولف وياي واضح اصلاً
نهيان - والله اسولف .. قعدي سوي لراسي مساج
حنين - مصدع؟
نهيان - شوي .
حنين - زين كل شي وعقبه بعطيك بندول
نهيان - مابا
حنين - لا تعاند . يالله عاد
ونزلنا رحنا المطبخ.......
حنين - شو تبا تاكل؟
نهيان - اندومي
حنين - مافي اندومييي... بسويلك همم..
نهيان - لا تسوين شي مالي خاطر... اغرفي لي عيش شوي
حنين - ان شاءالله....
بعد خمس دقايق .......
حنين - يالله خذ بندول وماي.. وعقب ريح شوي
نهيان - ان شاءالله...
حنين - يالله خ نروح
نهيان - خلج قاعده معاهم
حنين - قلت خ نروح
نهيان - مافيني شي والله يالله حبيبي . إذا بغيت شي بدقلج
حنين - صدق؟
نهيان - هيه
حنين - زين تحمل حبيبي
نهيان باسني ع خدي....
10:24م
يدوه - يالله وقت الرقاد..
حمدان - يدوه انتي تنامين هالوقت هب نحن
يدوه - مايخصني فيكم . اتكلم عن البنات.
انا - اماه أنا والبنات بنسهر بيت قوم عموه عادي؟؟
اماه - هيه حبيبتي
يدوه - مب تطلعون آخر الليل ياويلكم
ريم - ولا يهمج حبيبتي
امون - يالله حنين نروح
حنين - مااقدر ايي
أنا - ليش ؟
حنين. - نهيان مصدع شوي
امون - ترا إلا مصدع مافيه شي الريال
أنا - بروح أشوفه
حنين - نايم الحين. . بروح أشوفه وبطمنج
أنا - لا تنسين ها وتحملي
حنين - ان شاءالله... وروحت..
عموه - شكثر تخافين عليه انتي. خلاص الريال متزوج حرمته بتتصرف ...
أنا -.. بهتم فيه طول م أنا عايشه ان شاءالله نشوف احفاده . بعد بتم اهتمّ فيه..
خليفه - ونحن شو؟؟
أنا - لو تكونون نفس نهيان.. بتشوفوني اداريكم.. أوردي اهتمّ فيكم بدون حبكم لي أصلاً
أماه - ميره شو هالكلام ؟!
أنا - اقول الصدق
عند حنين ونهيان.....
دخلت الغرفه .. حطيت إيدي ع يبهة نهيان عسبت أشوف إذا فيه حمى أو لا.. بس م كان فيه الحمدلله... ورحت بدلت .. انسدحت . وتميت اتأمل ويهه فجاه... وقام ...
حنين - ليكون أزعجتك؟!
نهيان - لا حبيبي أي ازعاج..
حنين - وكيف تحس الحين؟!
نهيان - بخير وأيد
حنين.- الحمدلله ... بتنش؟
نهيان - برد انام . متى يتي الغرفه
حنين - قبل خمس دقايق..
نهيان - فديتج .. لفي وتعالي بحضني
حنين - مريضضض تراك
نهيان - لا تفاولين علي بذبحج
حنين - خلاص زين....
Cut
ام حمدان - ان تزوجتي بعد بتهتمين فيهم؟
أنا سكتت ولا رديت عليها...
ام مروان - مو عارفه شو تقول مسكينه
أنا - اولاً إذا أبي اقول شي م بأخذ رأي حد وثاني شي .. الزواج قسمه ونصيب... ان شي نصيب بوافق. ع واحد يكون ريال وقد كلامه.. ويكون صادق بحبه لي... م بغلط نفس الغلطه بعد..
مروان تم ساكت... وسيف يطالعني ويطالع مروان...
ام مروان - شو تقصدين ؟؟!
أنا - مو قصدي شي عيوني
ام مروان - بو مروان  شوف اسلوبها
يدوه - بديتو انتو الثنتين بعد.... عصبت... ميييرههه روحي الغرفه
أنا - بطلع من هالبيت ابرك... وطلعت . قعدت ف الحوش وأنا خايفه أصلا.... وبعد دقايق .. البنات يوونييي.....
أمون - لا تتضايقين.. تصير تصير
أنا - زين خ نروح .... وقمت عسبت اروح معاهم...
مروان - مييره.. ..
طالعت فيه.....
مروان - ممكن نتكلم؟
انا - نتكلم ف شو؟
ريم - يالله خلصتي .. تعالي نترياج...
أنا - لا خلج قاعده هنا... وانتو روحو.....
مروان - موضوعي معاج مو معاها
أنا - مابيننا اسرار ... كمل
مروان - ندمان بغلطتي وايد .
أنا - قبل ها خلاص .. نسيت الماضي.. وأنته بعد أنسى ..
مروان - ماقدر أنسى. بتقدم لج مره ثانيه..
أنا وريم انصدمنا .....
أنا - هاااا؟
مروان - هيه ..
تاكدت أني هنت عليك يوم شفتك راضي. على حالنا ... والله لو كنت تدري بحبي لك كان تبكي عيونك مثل م أبكيتني.. اذكر اني يوم ودعتك بكيت من بعد هاليوم ما املك شعور. طاب الخاطر منّك . يفارقني .. وهو واقف على بابي. أبسألك بالله وش فيك صديت
‏منهو على شانه تمنيت فرقاي. ‏بكره يمرك نفس شعوري وبتقول
ياحيل الله وشلون كان متحمل. عطيتك شعور ياكثره عليك . . ‏وش فيك خايف تلمس الجرح بيديك ؟ تعال .. مابه إلا جروحك.
أنا - خلاص .. مابغي ارجع لك...
مروان - عطيني فرصه ميره دخيلج.. والله احبج..
أنا - ههههه تحبني؟؟؟ من متى تحبني؟ . ع العموم بخليك يالله . وروحت عنه...
هزاع - يالله . منو بيلعب؟
محمد - يلا أنا وأنت نلعب... وهم بيشجعون الفريق اللي يبون
حمدان - احس اليوم لا .. واضح كمية التعب اللي فينا .
سيف - مشكور اخوي ماتقصر والله... قتلهم عن قلبيي
هزاع - من متى فيك قلب؟
سيف - يالله بروح انام
امون - ياخي كنت بقولكم شي
ريم - شو؟
امون - تعرفون عن سالفة هزاع صح انه مقلبني وها
ريم - هيه
امون - بلكته وتم يتصل فيني .. ويقولي احبج...
ريم - هزاع ؟
امون - عيل من؟
أنا - امبيههه... لااه احس ...
العنود - ههههههههه يضحك
ريم - زين سمعو .. اللي عندها اعتراف او تبي تقول .. تحب من ومن يحبها ... خ تفضل؟؟
أنا - لا وييييت... خ نطقم ببجايم وعقب
امون - البجايم عند منو؟
ريم - عندي لحظه ...
طلعتهم .. ولبسنا.... البجامه .. بطقم قرد ووسيعه
ريم - يلا نبدا ... دور شما اول شي
شما - أنا ؟؟؟
ريم - هيه يلا كملي
شما - مافي حد ..
ريم - اعترفييييي
شما - يمكنننن في حددد . بس مافكرت يعني
ريم - يلا العنود دورج
العنود.- مافي حد... ومو جوي يعني
ريم - زين يلا دوور امون ... تحبين حد؟
امون - م اظن
ريم - في حد يحبج ؟
امون - احس هزاع
شوي وسيف طرشلي ......
سيف ( هلا )
أنا ( اهلين )
سيف ( غريبه تردين بسرعه )
أنا ( قاعدين نسولف ونلعب )
سيف ( شو تلعبون )
أنا ( لعبة الاسئله )
سيف ( هيييه زين ... بدقلج.. )
أنا ( ماروم قاعده معاهم )
سيف ( زين لا تسولفين ... بس بسمعج. يالله بدق )
ودقلي .. رديت ولفيت التلفوني فحضني .....
فطوم - منو؟
أنا - ها مال الشركه مادري شو المهم كملو ...
سيف ( تعرفين تخرطين ها )
ابتسمت .....
ريم - وابويه... بتاكد منه باجر
امون - م تقولين له شي ريموه بفلعج بأذني
البنات - هههههههه
ريم - يلا فطوم دورج.. في حد تحبينه او يحبج؟
فطوم - لا بعدني
سيف ( لو سألتج قوليلها الصدق )
أنا ( خير ان شاءالله )
امون - تكلميني ؟
أنا - لا
ريم - شو تقصدين ب بعدج؟
فطوم - مافكرت يعني ههههه
ريم - يلا . دوووور ميروههه
أنا - قلت م بشارك ولا بلعب
ريم - متى قلتي؟؟ بنات سمعتوها وهي تقول م بشارك!
البنات - لا
أنا - خلاص مره اليايه بلعب
سيف ( ردي عليها انزين )
أنا ( اسكت عني )
ريم - ترمسين منو؟
أنا - محد ياخي ارمس عمري ...
سيف ( فديت وتقول عمري اخ بس )
أنا ( م اقصدك ترا )
امون. - ترمسين حد بالتلفون ؟
سيف ( وييي توهقتي )
انا - كم مره اقولكم ارمس عمري اوهااااا فجرتو راسي . بروح انام.
ريم - لحظهه ياكلبه لا تشردين
أنا - مابا العب انزين
ريم - مش بكيفج يلا .. في حد تحبينه ولا يحبج؟
أنا - لا ابد مافي حد ولا بيكون في حد
ريم وهي تغمزلي - ميروووه اعرفج ترا....
سيف ( متى يييت انته.... اقولك بو عبدالله باجر بينا ان شاءالله ) وسكر....
ف الغرفه....
هزاع - بو عبدالله منو؟
سيف - ربيعي يعني منو... وبعدين تعال بسالك
هزاع - هلا
سيف - تحب حد؟
هزاع توتر - لا من قال.
سيف - شوف لا تخرط علي ... عرفت كل شي . هي خبرتني
هزاع - منو؟؟ امون؟؟
سيف - تحب امون ها
هزاع - لاا ماحبها... مغلطططط
سيف - خلك صريح..
هزاع - هيه الصراحه .. احبها...
سيف - وي حركات
هزاع - وانته تحب حد؟
سيف - لا
هزاع - لا تخرطططط اعرف ترا
سيف - شو تعرف ؟
هزاع - تحب ميروه
سيف - لا وين ياهل ياهل كيف احبها
هزاع - قاعد اقولك ادري كل شي ف لا تخرط علي
سيف ابتسم - اسكت يلا روح