رجعت وجد قالت : مشعل ياخي خلني اروح الغرفه هذي بس لا تقول ل امي منيره بتخاصمنا خلها بيني و بينك و بين عبير شرايك ؟؟؟
مشعل : لا
وجد : مشعععل !!
مشعل : الحين في احد يخلي زوجته تعيش برا بيته ؟
وجد : ابك عادي محد درا بعدين الكل يعرف انك مغصوب عليي يا مشعل بسرعه يلا قل تم
مشعل : لا
وجد : اذلف
مشعل : ان شاء الله
صحيت عبير
عبير : قومو نطلع انا طفشانه !
مشعل : يلا مشينا
وجد ابتسمت ل حب مشعل لها و انه ما يرد لها طلب
تجهزو و كل حاجه و يوم جو يطلعون شافو وجد قاعده نفس القعده حقت اول و تكتب ب دفتر
عبير : وجدوه و صمه !
وجد : لبيه
عبير : البسي بسرعه بتأخرينا حسبتك جاهزه !!
وجد : انا ما بطلع اصلا من قال لك بطلع ؟
عبير : بطلي يا وجد ترا بقوم اعضك
وجد : لالا ما بطلع روحو وانا هنا بسوي لكم العشاء
عبير : بنتعشى برا
وجد : تم اجل بالعافيه عليكم يعيوني
عبير : قومي البسي ولا يويلك !
مشعل : وجد قومي ترا تعبت من الوقفه
وجد : طيب بس ترجعوني بعدين و تكملو طلعتكم ؟
مشعل : يصير خير
راحت وجد لبست بسرعه و حطت بلاشر و مسكره و روج و طلعت لهم
عبير : ادعس يالمزه
وجد : حيياتي انا
طلعوا و راحو المول
في السوق
عبير : وجد انتي روحي خذي كل شي تبينه و انا كمان بروح و على حساب مشعل كلنا تم هههههههه؟
وجد : تمام حبيبي
راحت عبير و مشعل قعد يستناها
و راحت وجد قعدت ع الكراسي اللي قريبه منهم
مشعل راح لها
مشعل : وشوله تعبتي مو منجدك !
وجد : لا وين ما تعبت لكن ما ناقصني شي ولو قلت ل وجد اني ما ابغى شي بتخاصمني و قلت استناها هنا و انت ليه ما تروح تتمشى؟
مشعل : لا ما عندي شي ناقصني انا اشتريت اول كل شي ،، خذي بطاقتي و روحي اشتري كل شي بخاطرك
وجد : لا لا ماني محتاجه شي والله
مشعل : وجد روحي اشتتتري اللي بخاطرك !
وجد : والله مافي شي ناقصني ياخوي
مشعل سكت و قعد يتفرج بجواله و مرت ساعتين و ما حس لف على وجد لقاها قاعده نفس القعده من ساعتين ما تحركت
مشعل : وجددد !! هي وجد
وجد : ها ها موجوده ها
مشعل : اشوا احسب صار لك شي ،، ما طفشتي ؟
وجد : لا بالعكس عادي ،، شوووف جت عبير
عبير : كويس ما طولت صح؟
مشعل : ساعتين ما طولتي !!!!!!
عبير : وين اغراضك يا وجد ؟
وجد : اوه ما لقيت شي عجبني صراحه
عبير : عاد انا لقيت اشياء تجنن اشتريت نص السوق !
وجد : يا عزتي لزوجك راحت فلوسه هههههههه
مشعل : عوافي نعيش و باكل غيرها
ركبوا السياره
مشعل : اي مطعم تبون ؟
عبير : اسال وجد انا باكل اي شي معاكم
مشعل : ها يا وجد وش تاكلين ؟
وجد : عاد جيتوا تكلمتوا و انا خلاص بنفجر الحمدلله من كثر ما اني شبعانه !! وصلوني البيت و روحو تعشوا
عبير : وجد صاحيه انتي قد لك اسبوع مو ماكله شي !!! ترا تعبت منك والله تعبت ليه مهمله نفسك و لا تاكلين ولا تنامين زي الناس ولا غرفه زي الناس ولا اشياء تطلبين لمتى وانتي كذا !
وجد : عبير حبيبي اهدي والله العظيم كل شي من اللي قلتيه غلط ب غلط ! انا مهتمه بنفسي مره
مشعل : واضح عاد مره
وجد : هههه ، عادي تنزلوني البيت ؟
مشعل : طيب
نزلت وجد و دخلت البيت
عبير : مشعل نزلني لصديقتي عادي ؟
مشعل : تمام حبيبتي
نزلها و رجع مشعل
لقى وجد جالسه بالصالة و ماسكه بطنها
مشعل : شفيك شفيك !!!!
وجد : لا لا بس بطني يوجعني شوي
مشعل : من قله الاكل !!! الحين اطلب اكل و تاكلين
وجد : تعشيت انت و عبير برا ؟
مشعل : لا نزلتها عند صديقتها طلبتني و رجعت هنا
وجد : طيب اطلع مع الشباب ما تبي ؟
مشعل : مافيني والله الزبده بطلب اكل وش تبين ؟
وجد : سلامتك شبعانه
طلب لها مشعل اكل
نص ساعه و دق الجرس
وجد : مشعل افتح الباب اكلك وصل
مشعل : يلا يلا
فتح مشعل و اخذ الاكل
مشعل : كيف ريحته ؟
وجد : حلوه ريحته بالعافيه عليك ❤
مشعل : يلا انزلي كلي
وجد : خيرررر قلتلك ما باكل
مشعل : انزززلي !!!
وجد : تمام تمام
نزلت وجد اكلت برجر واحد و البرجر الثاني قالت : خليه ل عبير تجي تتعشى حبيبي هي ❤
مشعل : جبت لها عشى كملي اكلك
وجد : طيب
