#همسات الجحيم
بقلمي : بلوفيا 💙
لٱ تنسون التصويت + التعليق بين الفقرات + متابعه لحسابي 🦋.
• ـــــــــــــــ(♟️)ــــــــــــــــــ •
كـليـــر::- الحياه مسرحيه بشعه تنعرض عليها حياتك باصغر تفاصيلها ، اني كلير الي رافقني الحزن من اول يوم بولادتي انرسم التعب بكُل دقه علئ ملامحي
وقعت عيوني علئ الساعه المتهالكه الي بمنتصف غرفتي بمجرد مَا لمحت الوقت تسلل الخوف لـقَلبي
كمت من مكاني بسرعه طلعت من الميتم المتهالك
اتخبط بين الشوارع يادوب كم انسان بالشارع
فركت ايد بايد واني احس بالبرد القارص يجمد الدم بجسمي حضنت جسمي بايدي الاثنين احاول اغطي الاماكن المكشوفه من جسمي بس للااسف ملابسي شبه مقطعه
باثناء طريقي ناحيه شغلي وگفت كدام مدرسه
اراقب الطلاب وهمه يدخلون للمدرسه شنو الفرق
بيني وبينهم ؟! همه انولدو بين عائله واني عائلتي
تخلت عني باول ثواني من حياتي قبل حتئ لا التمس
الحنان من عدهم
كملت طريقتي ناحيه شغلي واني صافنه علئ حياتي
وتعرجاتها رغم صغر سني بس الحياة شبعتني ضيم
بيدي كارتونه علج
تسلل لاذاني صوت انثئ مستهزائه
::- همه ذولي الاهل يخلفون ويذبون بالشوارع
خطفت نضره سريعه عليها وابتسمت باستهزاء علئ كلامها دنكت راسي وكملت طريقي غالبا الناس يحكمون علئ الانسان من الخارج
كملت طريقي الئ ان توقفت كدام شارع مليان
ناس والسيارات تمر سريعه تنهدت تنهيده عاليه
وتقدمت ناحيه الشارع جسمي يرعش من البرد
احاول قدر الامكان اتجاهل نضرات الناس
ناحيتي وعلئ ثغري ابتسامه صغيره خافيه بيها
تكسرات روحي
مابعت غير اربع علوجه وبعض الماره ينطوني
فلوس بدون مايشترون وعلئ ثغرهم ابتسامه
يضنون بانهم مسوين خير بهل حركه لكن بالعكس
هاي الحركه تحسس المقابيل شكد هوَّ ضعيف ومثير
للشفقه
كعدت بالكاع واني احس جسمي شبه جامد
سن يطك بسن وايدي سرعان ماتحولت للون الازرق
دليل علئ تجمد الدم قربت ايدي من فمي وبلشت
انفخ عليها عسئ ولعل يخفف من البرد
لكن حتئ انفاسي تطلع علئ شكل دخان نزلت دموعي
علئ خدودي واجهشت بالبكاء شنو ذنبي بهل عُمر اعاني من قسوه القدر ؟!
أنت تقرأ
|| همسات الجحُيم ||
Боевикبين ازقه الجحيم هنا يقف الشيطان وعلئ ثغره ابتسامه مـُكر تغلفت حياته بالظلام لـيكون من اكبر زعماء المافيا ابسط شـيئ لديـه هو القـتل ، مجرم يتعطش لسُفك الدماء اخذ لقب " الشيطان " بكل جداره اصـبح مجرم لـتـثـبت انك قوي قادر علئ محاربه عواصف من حديد من...
