«كل شيء»

ch.3

/رفيف/

:"خلاص فهمت بابا انا اسفه و حاضر،ما عاد ازيدها"
دخل بدر للغرفه

:"ابوي ايش سوت هي، كلنا نغلط ايش فيها"
ابوي لفت لعند اخوي بدر

:"انت مصيبه اخرج اطلع برا ما ابغى اشوف وجهك"
صارخ باعلى صوت ،فخرج بدر و خرج ابوي بعده

رجعت فوق سريري كورت نفسي و بكيت لما حسيت عيوني بتخرج جلست ادعي على ابوي

من قوة كلامه الجارح الي حتى الي بدون احساس يوجعه و يتالم

.......

/بدر/

دخلت غرفة اختي اشوف كيف وضعها شفتها نايمه و دموعها على خدها

خرجت و انا متوجع عليها و انا مو قادر اسوي شيء اساعدها فيه

لكن الاهم اني في كل لحظه افكر في نور و نور و نور ونور ونور و الف مره نور

و الي سويته امس و هل انا غلطان او لا،بعدين استوعبت اني لازم اروح اشوف وائل و ازوره و اطمنه

علاقتنا ما هي بذيك القويه بس حتى و ان بروح

........

رحت للمستشفى الي فيه عمتي ام وائل اشوف اخوها بخصوص انه صديق اخوي محمد

و ما لقيته فظنيت انه في بيت وائل فقررت اروح قلت اضرب عصفورين بحجر

اخذت وجهتي و رحت لعند بيته رنيت الجرس
و فتح لي خاله سلمت عليه ،و سالته عن وائل،فاشر لي على غرفته

طلعت لقيت الباب و ماحد فتح فتحت ادري قلة حياء بس فتحت و شفت نور نايم جنب حضن وائل

تملكتني الغيره،بس سكتت و خرجت الا اسمع كشكشه
:"اعوذبالله انت ايش جابك"

لفت لما سمعت صوت نور
:"لا اسف ما كان قصدي بس جيت اشوف وائل قلت ما اقطع لقطتكم الحميميه"

قام نور و جلس
:"ما تعرف انت الادب الناس تدق قبل تدخل،بعدين ايش من حميمية"

قام وائل:"نور ازعجتني خلاص"
رحت لعند وائل سحبته للارض

:"قم يله الساعه ١٢ ولسا نايم،يا مسكين وراك نقل كثير"
وائل:"ما هو وقتك ذحين يا بدر"

:"امزح بس جيت اطمن عليك،بروح ذحين انتبه لنفسك و عمتي"

وائل:"تمام،انقلع بس"
اخذت ادراجي و خرجت