قيود الحرير

part 1

#قيود_الحرير

بقلمي: فـاطمة الاسدي 🫧

لا تنسون التصويت رجاءًا + متابعة الحساب + التعليق على كل فقرة 🤍

بداية جديدة ان شاءالله 🍁🥹
———————
تشرق الشمس وتنسدل خيوطها الذهبية اللامعة على اجزاء ذلك الطريق، في كُل صباح تعزف الشمس اللحانها لترقص على أوتار ذلك المنظر الخلاب، لينعكس ضوؤها اللطيف على الأشجار والأعشاب المتراقصة مع النسمة الخفيفة..

تزقزق الطيور وتتفتل بعض الفراشات على شمس الشتاء الخفيفة كان هذا احتفال الطبيعة بقدوم فصلها المُفضل الشتاء

وكفت ذيج السيارة السودة الفخمة كدام بوابة البيت الخارجية بنظام ونزلت الجميلة بطلتها الطفولية وابتسامتها المشرقة رغم الي مر عليها بالمدرسة قهقهت بخفة واللتفتت لصديقتها

-لهيب وصلنا

-لهيب: اي ست دُنيا شنو تحبين تكولين؟

-دُنيا: ما اريد اكول اريد اصيح لأن جايبة درجة عالية وفرحانة حيلل ههههه

ابتسمت الثانية بأتساع واشرقت الاجواء ويه نعومة ابتسامتها الحلووة.. 

-لهيب: اشوفج تحاجيني مو علساس زعلانة مني؟

عضيت شفتي السُفلية بندم ودرتلها اناظرها بغيض..

-دُنيا: ايي صح ذكرتيني ولي عني

عفتها ومشيت للبيت لكيت الباب مفتوحة دفعته ودخلت برجلي اليمنة ولهيب ورايه تمشي وتدردم درتلها وسألت..

-تكولين ابن خالتج موجود؟

تأفأفت بنفاذ صبر وكلبت عيونها وگالت..

-هم سألت عليه دُنيا بعدي عنه هوَ ما يريدج لو ما خالتي جان ما اكتفى بتجاهلج

-ليش تكولين هيجي وانتِ اكثر شخص يعرف شكد احبه لا أصلًا اعشقه ويمكن هوَ يحبني هم بس طبعه الحاد يمنعه يعترفلي؟

-لو جان يحبج جان تزوجج حتى لو صغيرة ما تعرفينه يعني انتِ بس ما يهتملج اصحي هوَ ما يباوع لوجهج حتى!!!

ابتلعت مي جوفي بألم لأني ادرك زين صحة كلامها بَـس حبي الجنوني اله خله عيوني عمية عن جبروته وانزعاجه مني، ابتسمت بتكلف وكلت بثقة..

-دُنيا: يمكن صحيح بس ما استسلم حتى لو جان كلامج صحيح راح اخليه يحبني، اني حلوة وما بيَّ نقص وهم بنت خالته ماكو سبب حتى يرفضني اصلاً اكُلج شلون هسه اروح واسأله واعرف منه اذا يحبني!

شهكت فاتحة عيونها عفتها وركضت للدرج اصعد بدون سابق انذار متجاهلة صياحها ورايه وكفت فوك محد موجود هاي فرصتي تسلسلت لغرفته ببطئ وكفت كدامها دكيت الباب ما أجاني رد..