<< UNicode >>
မမလေးကို မောင်ခိုးမယ်
ဂျွန်ဂယူရဲ့ နောက်ကို ဆင်ကြီးတစ်ကောင်က သဲကြီးမဲကြီး လိုက်နေတယ်။ဂျွန်ဂယူက နောက်ကို လှည့်ကြည့်လိုက် အသားကုန် ပြေးလိုက်ဖြင့် မောဟိုက်လို့နေသည်။သို့ပေမယ့် ရပ်လိုက်လို့မဖြစ်ပေ။ဂျွန်ဂယူ ငယ်ငယ်ရွယ်ရွယ်နဲ့ မသေချင်သေးပါ။အခုမှ ရည်းစားလေးရတာ တစ်လပင်မပြည့်သေး။သူ၏ ရည်းစားလေးနှင့် ပျော်မြူးချင်သေးသည်။သို့ပေမယ့် ကံကြမ္မာက ဂျွန်ဂယူအား မျက်နှာသာမပေးခဲ့ပါ။ ဂျွန်ဂယူဟာ ပြေးနေရင်းပင် ဘယ်ကပေါ်လာမှန်းမသိတဲ့ သစ်ငုတ်စကို ခလုတ်တိုက်ကာ လဲကျပါတော့သည်။အစကတည်းက မှီခါနီး ဆင်ကြီးဟာ နောက်ဆုံးတော့ ဂျွန်ဂယူ့ထံသို့နီးကပ်လို့လာခဲ့ပါပြီ။ဆင်ကြီးဟာ မျက်ထောင့်နီကြီးဖြင့် ဂျွန်ဂယူအား စူးစိုက်ကြည့်နေသည်။နှာမောင်းကြီးကိုဝေ့ရမ်းပြီးနောက်မှာတော့ ဆင်ကြီးရဲ့ ဘယ်ဘက်ခြေထောက်ကြီးဟာ မြောက်ကြွလာပြီး ဂျွန်ဂယူ၏ ဦးခေါင်းအား နင်းခြေလိုက်ပါတော့သည်။
ဂျွန်ဂယူ့ရဲ့ အော်သံစူးစူးနောက်မှာတော့ မျက်လုံးတွေဟာ ဆတ်ခနဲပွင့်လာခဲ့သည်။ကြောက်လန့်ခြင်း ၊မောဟိုက်ခြင်းတွေကြောင့် ဂျွန်ဂယူ့ရဲ့မျက်နှာမှာ ချွေးသီးလေးတွေရှိနေသည်။ ပထမဦးဆုံး သူ၏ဦးခေါင်းအား စမ်းကြည့်ပြီးသည့်နောက် ရှိနေသေးသည့် ဦးခေါင်းကြောင့် ဂျွန်ဂယူဘေးပတ်၀န်းကျင်ကို သေချာကြည့်ပြန်သည်။နေရောင်ထွက်ခါစဖြစ်သောကြောင့် အလင်းခပ်မှိန်မှိန်ကိုမြင်ရပြီး ထိုအလင်းရောင်ကြောင့်ပင် သူသည်တောနက်ကြီးထဲမှာမဟုတ်ပဲ သူ၏အိပ်ခန်းထဲတွင်ရှိနေခြင်းကို သိရှိလိုက်ရပြီးနောက် သက်ပြင်းချမိတော့သည်။
" အိပ်မက် မကောင်းဘူးပဲ "
မိုးလင်းနေပြီဖြစ်တာကြောင့် ဂျွန်ဂယူပြန်အိပ်မနေတော့ပဲ ရေမိုးချိုး ကိုယ်လက်သန့်စင်ကာ သွားနေကြဖြစ်တဲ့ ရွာဦး ဘုန်းကြီးကျောင်းဆီသို့ ဦးတည်ရန် ဆုံးဖြတ်ချက်ချခဲ့တော့သည်။
" ကံ အညံ့တွေပျောက်ဖို့ ဘုန်းကြီးကျောင်းမှာ ကုသိုလ်သွားယူရမယ် "
YOU ARE READING
မမလေးကို မောင်ခိုးမယ် (Completed)
Fanfictionအဖေအမေတွေမသိခင် ၊အစ်ကိုမောင်တွေမသိခင် ၊ မမလေးကို မောင်ခိုးမယ်
