هلو هذا البارت الثاني من القصه عذروني البارت الاول جان قصير بس جنت كلش تعبانه اي نكمل
ساره : احس روحي كلش تعبانه ومادري ليش
خلص اليوم الدراسي الشاق وانه راجعه وانه اباوع من الجامه تذكرت الولد الي شفته الصبح ضليت اگول هم مقدر الي اشوفه مره ثانيه لو لاء
محمد : مارحت للكليه وضليت واگف يم المدرسه لحد ما صارت وكت طلعتهم وطلعو ومن بين كل البنات هيه الوحيده الي نتبهت عليه وهيه طالعه وضليت اباوع اله واشوف ملامحه الحلوه لحد ماگلت بعد ماروح اشوف بيت بنيه بنيه لحد ما اوصل لبيتهم باجر اجي وادخل للمدرسه رحت ورجعت ثاني يوم الصبح بنفس الوكت الي شفتهم امس بي انه شفته بس هي ما شافتني
ساره : رجعت للبيت تعبانه سبحت وبدلت وتغديت ونمت لان كلش تعبانه وثاني يوم نفس الشي هم گعدت ورحت للمدرسه واليوم ممل طبعا
محمد : گلت بعد مابيه مجال لازم ادخل للمدرسه بس شنو اگول لو سئلوني شنو اگول ها اگول جاي اسجل اختي بهاي المدرسه وبما انو جانت بدايه سنه فه عادي محد راح يشك بيه صار اول درس ودگ الجرس وثاني درس ودگ الجرس
ساره : طبعا انه روحي بخشمي ومالي خلگ احد بس خلصن درسين وانه اريد اروح الاداره اريد اسأل ام الرياضيات على مسأله مافهمته و ماخذه الكتاب وياي رحت للاداره وسألت على المدرسه بغرفه المدرسات
محمد : طبعا دخلت للمدرسه ورحت سويت روحي اريد اسجل اختي ودخلت وسألت الحارس الاداره وين گلي هاي وانه رحت دخلت الاداره و گعدت يم المديره وهيه عبرت بس ماباوعت على الاداره راحت مادري وين بس قريب
ساره : وانه اتاني المدرسه تشرحلي وانه واگفه بره غرفه المدرسات گبال الاداره اباوع منا ومنا واشمر صفنات اله واشوف منو الولد الحلو الي شفته بالسياره مالته السوده ضليت فاكه حلگي هذا شيسوي هنا فتحت الكتاب وخليته على وجهي
محمد : شفته وانتبهتلي وغطت وجه بالكتاب يعني شلون قصده انته شتسوي هنا
مديره المدرسه اسمه منال
منال : اهلا استاذ تفضل شنو تريد ؟؟
محمد : ست اريد اسجل اختي هنا شنو المطلوب اجيبه وياي !
منال : ها همزين اجيت اليوم لان اليوم اخر يوم لتسجيل
محمد : لعد زين الحمد لله ما تأخرت جان وين اسجله
منال : المطلوب صوره اله ورقم وتلفونك وعنوان بيتكم والزي المدرسي رصاصي وشال ابيض و الباقيات تعرفهن
محمد : نعم شكرا ست الله وياج طلعت من الاداره و اباوع عليه وهيه تمشي گدامي وگمت كضيته من ايده
ساره : كملت من شرح المدرسه الي جنت اصلا ما منتبه اله لان افكر هذا شجابه هنا وخلصت واجيت اطلع من ممر الاداره وجان احد يكضني من ايدي درت اشوف عزاااا العزاني شنو هاي ضليت مصفنه شوي بعدين حجيت انته منو حته تكض ايدي
محمد : دارت وضلت صافنه شوي وبعدين گالت انته منو حتى تكض ايدي وگتله بس افهميني قبل لا تحجين
ساره : ضليت معصبه بس شوي طلعت مدرسه من غرفه المدراسات گالت ساره من هذا گلتله ست هذا ابن عمي اجه هنا يسأل عني لان بابا گله گالت خلصي وتعاي لان انه عدكم
محمد : اجت مدرسه وسالت هذا منو گلت هسه راح تحجي وتفضحني بس لاء گلتله ابن عمي فرحت لان ضحت وما حجت و گالت ماعرفه
ساره : راحت المدرسه گتله ها شتريد
محمد : گتله شوفي انه شفتج بسياره المدرسه وانعجبت بيج وگلت اشوف وين مدرستهم و علمود اشوفج
ساره : گض جف ايدي وگلي طيني قلمج گتله شراح تسوي
محمد : گضيت جف ايده وگلتله طيني قلمج سالت گالت شراح تسوي انه ردت اكتب رقمي على ايده
ساره بده يكتب كتب اول رقمين عرفت راح يكتب رقمه وخلص وكتب فوگه محمد
محمد: وگلتله هذا رقمي احجي وياي بس عرفي نيتي واذا ماعجبج الحجي حضريني عافتني وراحت وماردت عليه
ساره : عفته ومشيت لان فاتني من الدرس هواي ومارديت عليه رحت وانه مصدومه
يلا باي خلص البارت الثاني اشوفكم بالجاي
والجاي كله احداث تجنن يلا باي بس دعموني ⭐
عمل الكاتبه
# مرام المحمدي 💕🤞
