ضـلمـآء عليل "آلمـبــيد"

ضـلمـآء1

#ضلماء عليل"المبيد"

#بقلمي"ساره علي

(لا تنسون التصويت ولتعليق بين الفقرات)

اجيت بلا تعب چنك ورث ميتيـن..!

-ماما وينج!

اردفت بصوت تعبان بسبب مرضها

-ها حبيبتي اني هنا تعالي بلغرفه كاعده

دخلت للصاله شمرت جنطه المدرسه واتجهت للغرفه لكاعده بيها ماما.. شفته كاعده بتعب سوده عليه لمرض اخذ نص حيله اوف شبيدي عليج يا ماما امنيتي اتخرج واخذج لاحسن لأطباء بس لدنيه عاكسه بكلشي.. ماما مريضه ربو وهم ضهرهه متكدر تمشي أني وحيده  لأهلي وبابا من كان عمري اربع سنوات اخذته لدنيه مني مات بحادث ولحد لأن منعرف منو كان سبب ناس دكول ثار وناس دكول حادث وصار

ماأتذكر ملامحه لان جنت طفله بس اتذكر ليهسه كلمات مامه بلفاتحه وهيه تصيح بحركه كلب وناس تهدي بيه لان لا بابا عنده اهل ولا امي واخاف اساله وهيه تتعب بسرعه.من مات بابا الله يرحمه هيه تعبت ونتكست حالته وخطيه جوارينه همه سوو لفاتحه من يمهم .. رجعت لواقعي على صوت ماما وهيه تصيح بأسمي

-جايه ماماا .. باوعتلي واردفت بتعب

-شلون لمدرسه وياج!

-تمام يروحي لمواد سهله انشاء الله اجيب نتيجه ارفع راسج بيها

-انشاء الله شلونه صديقتج اسراء

ابتسمت على حنيته متخلي شخص متسال عليه
تقدمت باتجاهه وضليت ابوس بيه بعشواءيه

-زينه يمايي شهلجمال تنكرطين كرط يبوي بابا محضوض عنده هاذه جمال كله

اباوعله تنهدت بتعب وبتسمت مجامله وبعده اردفت

-يمه ابو لمولده ليوم اجه يريد فلوسه..

بلعت غصتي ياربي شسوي بهلمصيبه منين ادبر كلواحد يطلبني بكد شعر راسي وراتب ميكفي وفوكاه ينقصون بي كل شهر ياخذون مبلغ منه ميطلقو كامل. بست راسه

- الله كريم تدبر

-انشاء الله يله يوم روحي تغدي تلكين غداج على طباخ جابته ام شاهين  اكلي وصعدي غيري هدومج

-خوش بسته وطلعت باوعت علئ لجدوره تمن ومركه باميه.. صبيت وكعدت اكل على سريع وافكر علينه تراكمات مواد لسادس خلاني اطوطح بدون عرك ومنا ألديون كومه ناس تطلبنه ومنا لازم ادبر فلوس لامي احس راسي راح ينفجر دخت من تفكير

كمت غسلت لماعون وغسلت ايدي صعدت لغرفتي ابدل بدلت على لسريع وطلعت رتبت لبيت ومسحته احس نكسر ضهري ل4 يله خلصت تعزيل

بعده صعدت فوك اقره ضليت اقره لحد ما آذن
كمت توضيت وصليت دعيت من كل كلبي الله يسهلي لان ضاقت بيه لدنيه ومعندي سند اتجه الآ غيرو هوه اقرب لنا من حبل لوريد ﴿ وَمَا يُلَقَّاهَا إِلَّا الَّذِينَ صَبَرُوا ﴾